Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 284

तइयअवसरे भूरिवसू-रयणप्पहा भववण्णणे थूलअदत्तादाणविसए सुचंद-चंदनकहा
२५७
विमुक्कपायकमलो, अप्पपुण्णजण-दुल्लह-दसणो, भयवं जुगबाहूतित्थयरो। कया देवेहि समवसरण-विरयणा। पविट्ठो पुव्वदारेण भयवं । पयाहिणीकाऊण सीहासणं 'नमो तित्थस्स' भणतो निसण्णो पुवाभिमुहो । कया देवेहि तिण्णि तप्पडिरूवगा। तओ देवासुर-विज्जाहर-मणुयचंदसंकुलाए सहाए आजोयणवित्थारिणी सजल-घण-घणिय-गंभीरेण सयलसत्तसभासाणगेण सरेण समारद्धो भयवं धम्मदेसणं काउ। एयावसरे धणचंदेण भणिओ राया-"देव! तित्थयरो एस देविंदनागिंद-नरिंद-नमसणीओ समोसढो । ता वंदिज्जउ।" रण्णा भणियं-"जं भवं भणेई" त्ति भणिऊण गओ राया सह धणचंदेण वंदिऊण तित्थेसरं उवविट्ठो सट्टाणे। तओ पव्वज्जा-पडिवत्तिपरायणेसु केसु वि लहुयतरकम्मेसु नरनारीगणेसु, देसविरइं पवज्जमाणेसु केसु वि नरतिरिएसु, सम्मत्त-पडिवत्तिपरायणेसु तहण्णेसु जीवेसु, संसय-वुच्छेयं कुणमाणे भवियजणकमल-दिवायरे संसारावड-निवडत-जंतु-दिण्णहत्थालंबणे जुगबाहुजिणेसरे, लद्धावसरेण भणियं धणचंदेण-"भयवं ! कहिं मे जेट्रभाया तहा पाणचायं काऊण उववण्णो, कया वा सिज्झिस्सइ?" भयवया भणियं-“भद्द! संपयं सक्करपभाए पुढवीए नेरइयत्ताए चिट्ठइ। तओ उव्वट्टो नरतिरिएसु चिरं हिंडिऊण थूलमुसावाय-वय-खंडण-जाणिय-पावभर-पणोल्लिओ, कत्थइ जीहाच्छेअणेण, कत्थइ सयमेव सडणेण मरिऊण, सुकुले जम्म लहिऊण, पव्वज्ज काऊण जिणमए, आलोइय-पडिक्कतो अंतगडकेवली होऊण, निव्वाणं गमिस्सइ ।" वयभंग-दारुण-परिणाम-सवण-संसार[संजाय]निव्वेओ जेद्रपुत्तस्स रज्जं दाऊण सह पहाण-सामंतेहिं पव्वइओ राया। वोलीणा पढमपोरसी। ठिया धम्मकहा। एवं कइवयदिणाणि सव्वजणोवयारं काऊण विहरिओ अण्णत्थ तित्थयरो । धणचंदो वि सविसेसं सावयधम्म फासिऊण, निरइयारं थूलमूसावायवयं परिपालिऊण, समाहिमरणेण मरिऊण, समुप्पण्णो आरणकप्पे उक्कोसटिओ सुरो। तओ चुओ लद्धपव्वज्जो सिज्झिस्सइ। इह लोगे वि अणत्थं लहंति मिच्छाभिभासिणो जीवा । परलोगे वि हु पाविति तिक्खदुक्खाण दंदोली।।९६।। ता मुयह अलियवयणं सच्चं संलवह कुणह जिण-धम्मं । भोत्तूण नर-सुर-सुहाई मोक्खं पि पावेह ॥९७।।
इयाणि मूलअदत्तादाण-विरइ-वय-खंडणाराहणा फलं पदंसिज्जइ।
अत्थि इहेव जंबुद्दीवे दीवे भारहभूसणं गंधसमिद्धं नाम नयरं । तम्मि य सुचंद-चंदणाभिहाणा दोण्णि भायरो परिवसति । उज्जुओ चंदणो। करेइ मुट्ठो [सु]चंदो । निवारेइ चंदणो। सुचंदेण भणियं-"अरे! कणिट्ठो वि तुम तुंडबलेण जेट्ठो जाओ, जेण में सिक्खवेसि । ठिओ मोणेण चंदणो।
अण्णया गामाणुगामं विहरता, जूहाहिवगइंदो व्व भद्दजाइ-गय-कलह-कुलेण परिवारिया समणसंघेण, नहंगणं पिव मंगलालया, नाहियवाय-संगया वि नाहियवाइणो सुविगहा, असमा वि सम संगया, असमंजसं कुणंता वि असमंजसारिणों, बहुमया वि मयवज्जिया,[प]मा[य]पाणिवहालिय-अदत्त-मेहुण-परिग्गहण-परिग्गहराईभत्ताणं विरया, निरया अद्वारसव्विह-संजमे, परतत्ति-विप्पमुक्का, गामागर-खेड-मंडब-दोणमुह-पट्टण-कुल-आलय-पडिबंध-वज्जिया, समतिण-मणिलेटठ-कंचणा, समसत्त-मित्त-भावा, समा निंदा-पसंसासू, समोसरिया गंध-समिद्ध-नयर-बाहिरुज्जाणे जसधम्माभिहाणा सूरिणो। निग्गया वंदणवडियाए नयरलोया। चंदणो वि घेत्तूण विणय-पुरस्सरं सुचंदं गओ सूरिसमीवे। तओ मोहमहासर-समूह-सोसण-जुगंतानिलाणं, अण्णाण-तिमिर-विद्धसणेक्क-चंड-मायंडाण, कम्म-काणण-दाह-दावानलाणं, भयवंताणं जसधम्मसूरिणं सुरासुर-नर-विसरसेवियं भत्ति-भर-निब्भरं वंदिऊण पय-पंकयं निसण्णो समं सुचिंदेण] चंदणो । तओ पारद्धा भयवया सरयजलय-नीहारिणासरेण धम्मदेसणा। पडिबुद्धा बहवे पाणिणो। कया जहारिहं धम्मपडिवत्ती। जहागयं गया नागरया। सुचंद-चंदणा वि संघरं गया ।
कइवयदिणावसाणे अणत्थ विहरिया सूरिणो । एगत्थ अनिव्वहंता भि[ण्णी]हूया सुचंद-चंदणा । अप्पपरिवारो चंदणो। बह-कूडुबो इयरो। किलेसेण संपज्जइ भोयणमेत्तं पि। अण्णम्मि दिणे भणिओ तेण चंदणो। पडिवण्णो मए गुरुपुरओ थूलादत्तादाणविरई। न उण चोरियं विणा हं निव्वहामि ।। तेण भणियं-"जिणोवइटें विरई पडिवज्जिऊण भंतो संसारे भमिहसि।" तेण भणियं-"किं रे दिठो जणेहि परलोगो, जेणेवमुल्लवसि?" चंदणण भणियं