Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 312

तश्यअवसरे भाणुसुभाणुकहाए मुद्धडमाहणकहा
२८५
त्ति भणिऊण सणरज्जुणा पहणतो वेज्जो । सुएण भणियं-"अज्जप्पभिई सुणेमि।" भाणुणा चिंतियं-"लद्धं ताव बहिराण ओसहं । आगओ गामंतरं वेज्जपुत्तो त्ति काऊण दंसिया ठक्कुरेण बहिरा नियजणणी । तेण भणियं-"पउणेमि।" पउत्तो जहा दिट्ठो विही। सुकुमारयाए सरीरस्स मुक्का सा पाणेहिं । सो वि चिरं कयत्थिऊण पक्खित्तो कारागारे ठक्कुरेण । दंडिऊण मुक्को। समागओ सुभाणु समीवं। साहिओ निय वइयरो। तेण भणियं-"हरडइ-वेज्जो व्व वेज्जाओ तुम विणासं पाविहिसि ।" भाणुणा भणियं-"को एस हरडइवेज्जो?" तेण भणियं-"सुणसु"।
अत्थि इहेव सुनय-निउण-रायाणुराय-रजियबहुजणसंकुलाए सुरढाए पयड-पलोइज्जमाणजायवकुलकोडी-चारुचरियं रंजियजणमणं कोडियनयरं नाम नयरं । तम्मि य जहा-सुय-दिट्ठ-गाहगो आजम्मदरिद्दिओ मुद्धडो नाम बंभणो परिवसइ। नत्थि तं जं भुंजइ। परघरेसु दासित्तं काऊण जमाणेइ बंभणी तं भुंजइ।
अण्णया सविसायं भणिओ भट्टिणीएवरि महिला मा पुरिसो तुह सरिसो तइय-वेय-सारिच्छो । अप्पंभरो वि जो न वि नरेण किं तेण जाएण? ।४२२।
तुह पुब्विल्ला निमित्तेण नाऊण सुहासुहं वेज्जयं कुणंता । तुमं पुणं कावुरिसो इत्थीयणसंपाइयं भोयणं भुंजसि।" तेण भणियं-“अहं पि वेज्जयं पढामि।" तीए भणियं-“जइ एवं तो पाडलिपुत्ते गच्छसु"। निग्गओ बंभणो। गओ चत्तारि जोयणाणि। पत्तो एगम्मि गामे। अण्णत्थ वासयमलहंतो पविट्ठो ठक्कुर-कुडीए।[.... ] ठक्कुरेण भणियंएस [आसो] मे महाराएण पोसणत्थं समप्पिओ। केवलं वाहि-विसेसेण केण विन चरइ, न पियइ, खिज्जइ चेव केवलं [ सरीरेण ] तह कह वि किरियं करेहि जहेस पउणो होइ। समंतओ निरूविऊण भणियं वेज्जेण-"समप्पेहि खडियं जेण निमित्तं निरूविऊण चिगिच्छं करेमि।" ढोइथा खडिया। आलिहियं मंडलं। मोयाविओ तत्थ दीणारो, धारणं धरिऊण खणंतरेण आइट्ठो वेज्जेण ठक्कुरो-"आणेहि सिरिमउरियाओ पहाणाओ वीसं हरडईओ, गोमुत्तकरवओ, सणरज्जू, दोहनलियं च जेण चिगिच्छं करेमि।" संपाडियं सव्वं ठक्कुरेण । वेज्जेण भणियं-"वदेह एयाओ थेव-गोमुत्तेण ।" तओ वंसे सण-रज्जूए उड्ढमुहो बद्धो तुरंगमो । करवयमुत्तेण अड्डुयालिऊण भरिया नलिया । दिण्णा तुरंगमस्स । जाव सव्वं पि पाइओ भिण्णो आसो थेरिउमारखो। वेज्जो वि ताव ठिओ जाव सव्वहा विरित्तो। तओ नीरावियं हरियं चरिउं पवत्तो। दंसियं पाणियं पाउमारखो। परितुट्ठो ठक्कुरो। पूइओ वत्थाइणा वेज्जो। वेज्जेण भणियं"मंचसु मं।" ठक्कूरेण भणियं-"किमेत्तियमेव कायव्वं ।" वेज्जेण भणियं-पउणो आसो । एत्तियं चेक गओ वेज्जो। मुद्धडेण चितियं-"जाणियं वेज्जयं दलामि किं पाडलिपुत्तगमणेण?" तहेव कयं । बीय-दिणे पत्तो सगामं । बंभणीए भणियं-"किं न गओ पाडलिपुत्तं"? बंभणेण भणियं-"किं तेण ? मुणिओ मए चिगिच्छासत्थपरमत्थो।" तीए भणियं-"कहं ?" तेण भणियं-"किं ते वियारेण ? आउरे दंसेहि जेण पण्णवेमि।" ठिया सा मोणेण । बीयदिणे पडियं खत्तं सुजे?सेट्ठिघरे। नीणियं भूरिकंसदूसाभरणाइयं । अप्पत्तणओ रयणीए संखुद्धेहि उक्कुरुडियाए कयवरमझे गोविऊण गोसं गया तक्करा। उग्गओ दिणयरो। दिह्र सेट्ठिणा मुठं घरं । कओ कोलाहलो। मिलिओ आरक्खियाइलोगो निरूवियं सव्वत्थ । न लद्धा कत्थ वि पउत्ती । [ते] वि पुच्छ्यिा निमित्तियाइया। तेहिं वि न किंपि कहियं । अधिइमावण्णस्स, रयणीए अलद्धनिद्दस्स, अपरिणयाहारस्स जाओ [पाउ]क्खालयभावो सेट्ठिस्स । परिचत्तो वेज्जेहिं । अण्णदिणे समं मुद्धडपरिणीए गया पाणियस्स सेट्रिसुण्हा पुच्छिया बंभणीए-"केत्तिया घरे हाणी जाया?" तीए भणियं-"का अत्थ हाणी पूच्छइ? सेट्ठी वि पाउक्खालएहिं पाणसंसए वट्टइ।" तीए भणियं-“मज्झ बंभणो निमित्तं वेज्जयं च जाणइ। जइ भे रोयइ तो पुच्छह।" घरगयाए साहियं तीए निय-सासुयाए। सद्दाविओ तीए मुद्धडबंभणो। दंसिओ सेट्ठी। मग्गिया खडिया। लिहियं मंडलं। कारावियं सहिरण्णं । ठिओ खणमेत्तं मोणेण। तओ भणिअं तेण-"सव्वं सोहणं भविस्सइ। आणेह समं गोमुत्तकरवएण सिरिमउरियाओ वीसं हरडईओ रज्जूनालिया।"