Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 316

तइयअवसरे अणत्थअदंडविरमणे धणगुत्त-धणजक्खकहा
२८९ अत्थेण संविढप्पइ सरदिंदु-समुज्जला विउल-कित्ती । अत्थेण लोयमज्झे लहइ नरो गोरवं च सया ।।४४०।। जे सूरा समरमुहे सरूवसुकवित्त-उत्तणा [घणियं] ते वि हु भोयणकाले धणवंतमुहं पलोइंति ।।४४१।। जे धम्मज्झाणनिरया संसारासारयं परूविति । निदंति अत्थकामे अत्थजया ताण वि महग्या ॥४४२।। ता अत्थो च्चिय धम्मो अत्यो च्चिय देवयं किमण्णेण । अत्यो च्विय एत्थ जए झाणं हूयं रहस्सं च ।४४३।
धणगुत्तेण भणियं-"विविहकिलेसावयमयसंसारपवंचे य सारमेयस्स जं धम्मठाणे विणिओगो ।” धणजक्खेण भणियं-“उज्जुगो तुमं । न याणसि धुत्तपरिकप्पियं धम्मच्छलेण परमुसणोवायमेयं । जओदाऊण सिरे पायं घडिज्जए जो नरेहि पासाणो । का तम्मि देव-बुद्धी विवेयजुत्ताण पुरिसाण ।४४४। पासंडिय भोयासिणि (?) दीणागाहेहि जेउ खज्जति । मुद्धा-निविण्णाणं पट्टो वि न वज्झए ताणं ।४४५। पुत्त-पपोत्ताईणं नियसंताणस्स कज्ज-करणत्थं । सव्वायरेण निच्चं विढिविज्जज केवलं अत्थो ।४४६।
धणगुत्तेण भणियं-वयंस ! महामोह-विमूढमाणसा एवं भासंति न उण विवेइणो। जओ-सव्व-संसार-सरणागयवच्छलेहिं तेलोक्कपूइयपायपंकएहि अरहतेहिं परूवियंधणसयणाजीयजोव्वणपुत्तपपोत्ता य अत्थ निवहो य । खणमेत्तदिटुनट्ठा कह किज्ज उ तेसु पडिबंधो ।४४७। जेण [ण] सुत्थो अप्पा न धम्मकम्माणि जेण कीरंति । अत्थो निरत्थओ सो परमत्थेणं मुणेयवो ।४४८। नड-पेक्खणय-सरिच्छं कुडुंबयं निययकज्ज पडिबंधं । तस्स निमित्त पावं करेसि किं मूढ जाणंतो।४४९। खणभंगुर-[म्मि] संसारे तिक्ख-दुक्खपउरम्मि [जीविए] एत्तियमेत्तं सारं जं कीरइ सोहणो धम्मो ।४५०। धम्मो माया पिया धम्मो धम्मो पवर बंधवो । धम्मो कामदुहा घेणू धम्मो कप्पदुमो वरो ।५४१॥ धम्मो चिंतामणी लोए धम्मो सोक्खाण कारणं । विणा धम्मेण जीवाणं जत्थ तत्थ न सुंदरं ।४५२। जइ मज्झ तुम मित्तो भणियं पि करेसि मज्झ तं सुयणु ! । तो देसु धणं धम्मे जेत्तिमेत्तं निराबाहं ।४५३। अकयव्वओ न सोहइ विहवो विवो व अंगणा-निवहो । न कयाइ पत्त-भोगो सुवण्णतारुण्णओ जइ वि।४५४।
पडिवण्णमेयं धणजखेण । देइ जिणभवण-सुकयाइ [ठाणे] किं पि दविणजायं । जाइ साहुसमीवे। सुणेइ धम्म उदासीणभावेण। वच्चइ कालो।
अण्णया सायरसलिलं व सच्छहिय[ओ], गुणगुरुयगणहरगुणाधारो, विणिज्जियसयलंतरंग-रागाइ-सत्तुसमूहो, अविउत्तो खमाए, जुत्तो कित्तीए, संगओ संजमरईए, सचराचरजीवविहियरेत्तीभावो, संसारकतार-पडियपाणिगण नित्थारणसमत्थसत्थवाहकप्पो, नाणा-विहाइसयरयणभूमी, बहुसमणसहिओ समागओ तत्थ दमसारो नाम सूरी। पया वंदणवडियाए लोया। धणजक्खेण समं गओ धणगुत्तसावगो। वंदिया सूरिणो। निसण्णा समुचियपएसे । पारद्धा भगवया धम्मदेसणा जहा-- सारीरमाणसेहिं दुखेहिं अभिद्द याण संसारे । नत्थि सरणं जियाणं जिणिदधम्म पमोत्तूण ।४५५। सो पुण माणुसजम्मं मोत्तूण न तीरए करेउजे । माणुस्साइ-गुणगणो पुण लभइ कहवि तुडिजोगे ।४५६। भणियं च-- माणुस्स-खेत-जाई-कुल-रूवारोग्गमाउयं बुद्धी। सवणोग्गह-सद्धा संजमो य लोगम्मि दुलहाई ।४५७। ताणि पुण दुल्लहाइं जह होंति तहा सुणेह भो भव्वा । सिद्धतपसिद्धेणं दिट्टतेणं भणीहामो ।४५८। जह के वि दोण्णि देवा परोप्परं मंतिऊण कोड्डेण। एगो घेत्तूण जुगं बीओ समिलं समुप्पइलो ।४५९।
___Jain Education International 2010_04