Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 296

तइयअवसरे परिग्गहपरिमाणवए नरचंदजिणगुत्तकहा
२६९ जिणगुत्तेण भणियं-"कुमार ! जम्मंतरसुकयासेवणफलमेयं ।" ' एत्यंतरे तम्मि नयरे मासकप्पेण विहरंता समागया जयसिंहा नाम आयरिया। गया वंदण-वडियाए लोया। नरचंद-जिणगुत्ता वि तत्थ गया । संसारनिव्वेय-जणणी धम्मदेसणा । तं जहाभो भो भव्वा निसुणह सुभं सावहाणा हियं वा, रम्मं धम्मं वयणमणह भण्णमाणं भएह । सम्मत्तं वा विरइमहवा धम्मकम्मं करेह, मा मा मूढा विसयवसगा सुत्थिया संचरेह ।।१७७।। महावाउ काउ पियजण-सुहं थेव दियह, सया वामा कामा कुडिलहि[य]या इत्थि निवहा । धरारंभो दंभो सुरधणुचला संपयखला, समासण्णो मच्चू सहियमहियं सेवह सया ॥१७८ ।। किं चेह--
भूरिभवकोडि-दुलहं लहिऊण कह वि माणुसत्तणं, विसय-विसागयकप्पं सुणिऊण जिणागम, जाइ-जरा-मरणअत्थमवहारिऊण तयत्थं, संझब्भ-रागभंगुरत्तणं जाणिऊण जोव्वणस्स, गिम्हायवतविय-सउणिगणचंचलत्तणं पेच्छिऊण लच्छीए, आममल्लग-गय-वारि व्व खणे-खणे खिज्जतं दळूण आउय-सलिलं, परम-परिभव-कारितणं निरूविऊण नरदाराणं उज्झिऊण सव्वावायनि [बं]धणं धणं, तहा जाणिऊण सुगइमग्ग-पयट्टाणं पईवोवमाणं, निबंधणं चित्ताणंदस्स, कुगइ. गड्डाए निवडताणं ताणदाणदच्छं दंसणं कारणं परमपमोयस्स सुहेण, मोक्ख-सोक्ख-संपयसंपायगं चारित्तं समप्पगं विचित्त-चित्त-महसवाणं, अणाइजीव-वत्थ-मल-पक्खालणं सलिल-सन्निहं तवोयगं, निस्संगाणंगसंदोहाणं अणागय-कम्मकयवर-निवारगो संजमो हेऊ सयल-कल्लाणाणं । एयंपि जीणंताण तुम्हाण को एस मइ-मोहो, जेण गिज्झह विसएसु, मुज्झह पिय-पुत्त-कलत्तेसु, वुज्झह धण-धण्णेसु, निज्झह सुहिसयणवग्गेसु, हरिसिह जोव्वणेसु, [उ ]त्तसह नियरूवेसु, पुस्सह पियजणसमागमेसु, दुस्सह गुणेसु, नस्सह सम्मग्गाउ, रज्जह दुह-सुहेसु संसारियेसु, न उण करेह सण्णाणसंगहं, नाणुसीलेह दंसणं, न परिपालेह निरइयारं चरणं, न तवेह दुच्छक्कभेयभिण्णं तवं, न करेह मण-वयण-काय-संजमं, न मुंचह विसय-पडिबंधं, न परिहरेह सयण-जण सिणेहं, न परिवयह धण-धण्णाइ पयत्थेसु ममत्तवासणं, न संपाएह गुणगण-संभार-भायणं अत्ताणं ति" । जिणगत्तेण भणियं-"भयवं ! धम्मगुणमहिलसंतेण पढममेव किमणुचिट्रियव्वं सावएण?" सूरिणा भणियं-“सोमसेट्ठिय व्व सया दयालुत्तणं परिहरियव्वो परपरिभवो, माणेयव्वा मण्णजणा, वज्जणिया कुसंगया मोहणया, न कायव्वो इट्ठजण-वियोगे महासोगो, विसं व दट्ठव्वो अकल्लाणमित्ते जोगो। न वत्तव्वं हासेण वि अलियवयणं । न गिण्यिव्वं अप्पं पि परधणं । वारणीओ परदाराभिलासो। कायव्वो इच्छानिरोहो । सेवियव्वो गुणिजणपक्खवाओ। वयणीओ मिच्छाभिमाणो। खणं पि न मोत्तव्वो सिद्धिवहु-परम-पाहुडं गरुजणबहुमाणो। पयट्टियव्वं दुक्खियजणताणकरणे । न भासणीओ परावण्णवाओ गहियब्वा परमगुणा। लज्जियव्वं नियगुण-विकत्थणं । न पम्हुसियव्वं थेवं पि सुकयं । कायव्वं परोवयार-करण-लालसं माणसं। संभासणीओ पढममेव सिटुलोओ अणुमोयणीयं धम्मिय-जणाणुदाणं । परिहरणीयं [पर पेसुण्णं । न विहेय [ व्वं ] परमम्मघट्टणं । न लंघणीया सव्वस्स वि उचियपडिवत्ती। भवियब्वं पसंतवेसायरेहिं । लिहावणीयं संसार-सागर-समुत्तरण-सेउभूयं जीवाइपयत्थ-सासणं जिणसासणं । भावेयब्वं अणिच्चाइभावणाजालं। होयव्वं समुदार-चित्तेण । पयट्टियव्वं उत्तमजण-निर्दसणेसु । न कायव्वो सण्णाण विग्घभूओ निद्दाइपमाओ। जागरियव्वं धम्मजागरियाए। भणियं चजागरह जणा! निच्चं जागरमाणस्स वड्ढए बुद्धी । जो सुवइ सो न सुहिओ जो जग्गइ सो सथा सुहिओ ।। सुयइ सुवंतस्स सुयं संकिय-खलियं भवे पमत्तस्स । जागरमाणस्स सुयं थिर-परिचियमप्पमत्तस्स ।।१८०।। सुवइ य अयगरभूओ सुयं पि से नस्सई अमयभूयं । होहीइ गोणब्भूओ नट्ठम्मि सुए अमयभूए ॥१८१।। निद्दावसगो जीवो हियमहियं वा न याणइ किपि । तम्हा तप्परिहारेण धम्मजागरिया सेया ॥१८२।। वय-समिइ-कसायाणं धारणसंरक्खणा विणिग्गहणं । दंडिदियाण वि जओ एसो धम्मो जिणाभिहिओ ।।