Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 304

तइयअवसरे दिसिपरिमाणवए रयणसेहरगंगदत्तकहा
२७७
काउसग्गेण । समागओ सो वंतरो । दिळं मुद्दियं मंदिरं । जाणिओ संखावहार-वइअरो। कुविओ राइणो । “सव्वं सोहणं भविस्सइ न भे विसाओ कायब्वो ।" संठविऊण जिणगुत्तं गओ वंतरो । पभाए विण्णत्तो रयणभंडारिएण राया-"देव ! रित्तो भंडारो।" एवं कण-दविण-वत्थ-सुवण्णभंडारा वि कहिया तेन्निउत्तेहिं । वाहि-विहुराणि परिसडिउमारद्धाणि हय-गय-साहणाणि । मारीए मयं अंतेउरं। राया वि जराइसार-सास-खासाइ-सोलस-रोगायंक-पीडिओ देसविरइविराहणा-जणिय-पावभर-पणोल्लिओ महया रुद्दज्झाणेण मरिऊण समुप्पण्णो पंकप्पभाए पुढवीए उक्कोसाऊ नेरइओ । तओ उव्वट्रो दीहसंसारिओ भविस्सइ । जिणगत्तो वि य पुणो वि घरागय-संखाणुभावेण पूवि व दाणभोग-परायणो गमिऊण किंचि कालं पि, पालिऊण निरईयारं देसविरई, काऊण पज्जते अणसणं, मरिऊण, समुप्पण्णो सहस्सारे सुरवरो। परिग्गहपरिमाणरया संतोससुहं इहेब पाविति । परलोगम्मि नरामरसुहं अणुभविउं सिवं जंति ।।३०६।। इह लोगम्मि वि दुक्खं परलोगे दुग्गई धुवो तेहिं । जेहि न संतोसेणं सुद्धा इच्छा पपट्टति ।।३०७।। इइ पंचमाणुव्वयं ।।
पडिवण्णाणुव्वएण तेसिं चेव गुणकारीणि गुणव्वयाणि गहेयव्वाणि [गुणव्वयाणि ] पुण तिण्णि भवंति । तं जहाउढ्डाइदिसिपरिमाणं उवभोगपरिभोगे परिमाणं, अणत्थदंडविरइ-वयं च । तत्थ दिसिपरिमाण-वय-विराहणाराहणदोसगुण-दंसणत्थं उदाहरणं भण्णइ ।
अत्थि इडेव भारहे वासे मज्झिम-खंडमंडणं रयणसारं नाम नयरं। तत्थ य रयणसुंदरो नाम सेट्ठी परिवस इ । रयणवई से भारिया। रयणसेहराभिहाणो ताण पुत्तो। गंगदत्तो नाम सिवदेव-सेट्ठि-दारओ तस्स परममित्तो। सहिया चेव संचरंति आरामुज्जाणाइसु ।
अण्णम्मि दिणे दिट्ठो उज्जाणसरसीसमासण्णासोग-तल-विमल-सिलायल-संठिओ बहु-समणसंघ-परिवारिओ, दिणकरो व्व नियवयण-किरण-नियरेण पडिबोहयंतो भव्वकमलायरे, चोद्दस-पुव्वी, चउनाणोवगओ चित्तगत्तो नाम आयरिओ। रयणसेहरेण भणियं-"वयंस ! गंगदत्त, महंतो लोयमेलावओ दीसइ । जइ भणह तो अम्हेवि गच्छामो।" तेण भणियं-"को विरोहो?" गया। वंदिओ सूरि । निसण्णा उचियभूमीए।
एत्थंतरे दंडीखंड-निवसणं, वलि[य]वलय-वेढिय-सव्वंगकर-गहिय-दंडखंडं, पगलंत-लाला-करालं, विगय-दसणं जरा-चव्वण-चलंत-विवय-वयण-दसणं, विम्हाविय-डिभरूव-संघायं, पणटुसुइबलं, विणट्रासेससियसिरोरुहंत-लोयणं, कंपमाणदेहं, संगयं कास-सासेहि, परिहरियं परियणेण, कत्थइ पडतं, कत्थइ खलंतं, कत्थइ अडवडितं. मक्खियाचडगरण अणुगम्ममाणमग्गं, हासकारणं निविवेयाणं, संसार-निव्वेय-निबंधणं सविवेयाणं, सुणएण समणुगम्ममाणं समाणं, समागयं तम्मि पएसे एगं वुड्ढ-मिहुणयं । वंदिओ तेण भयवं चित्तगुत्तायरिओ। लद्धावसरेण पुच्छिओ वुड्ढमाहेणेण-"भयवं! दसमो संवच्छरो अत्थोवज्जणनिमित्तं देसंतरं गयस्स अम्हतणयस्स । किमम्हाण तेण सह संगमो भविस्सइन वा ? कत्थ वासो संपयं चिट्ठ?" सुरिणा भणियं-"देसंतरं गच्छंतेण तेण सह गया घरिणी घरदासो य पिंगलगो।' वडढेहि भणियं-"आमं ।" सरिणा भणियं "जइ एवं तो वहंते सत्थे, अणायार-कुलहरयाए इत्थीभावस्स, ध[ रि ]या पिंगलगेण सह तुम्ह सुण्हा। अण्णया भणिओ तीए पिंगलगो-"न एयम्मि जीवंते निव्विग्घरइसहमम्हाण। ता मारेमो विसप्पओगेण एयं।" पडिवणं तेण । वीसत्थचित्तो भोयणमज्झे विसं दाऊण मारिओ तुब्भ सुओ। अद्रज्झाणेण मरिऊण घरमोहिओ समुप्पण्णो नियघरे सुणओ। सो पुव्वभवसिणेहेण तुम्ह मग्गाणुलग्गो एत्थेवागओ चिटुइ। निरूवेह वामओ। एयं सोऊण हिययसंघट्टेण मओ थेरो । थेरी वि तमणुसरंती वारिया सयणवग्गेण । तीए भणियं-“अहं चेव परमत्थेण वुड्ढभावे दुक्खदंसणेण मया, एस पुण जीविओ । जओसमसोक्ख-दुक्खपरिवढ्डिआणं कालेण रूढपेम्माणं । मिहुणाणं मरइ जंतं खु जिअइ इअरं मुअंहोइ ।।३०८।।
_Jain Education International 2010_04