Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 309

मणोरमा-कहा
महाभागो। सहत्थेण भग्गं तस्स पुत्तेण जाणवत्तं । निवडियं जलहिजले भंडं । विवण्णा जाणवत्तजणा। अहं पि पत्तफलहगो आउयसेसायाए इहयं संपत्तो।" रयणसेहरेण भणियं-“केत्तिय[जोयणसयाणि इओ भरुयच्छं ?" तेण भणियं"अटू-जोयणसयाणि किंचि समहियाणि ।" तओ वि निस्संकेण भरावियाणि विद्द माण जाणवत्ताणि । दंसिओ तेण पुरिसेण मग्गो । थोवदिणेहि पत्ता भरुयच्छं। दाऊण कि पि दविण-जायं विसज्जिओ पुरिसो । समागओ सुहेण सनयरे रयणसेहरो। कय-मंगलोवयारो पविट्ठो नयरब्भंतरं। दिलो पहाणपाहुडेण राया। सम्माणिओ राइणा वत्थाहरण-तंबोलाइणा । कओ उक्करो । सम्माणियसयल-सयणवग्गो, देव-गुरु-पूयानिरओ, विहियसाहम्मिय-वच्छल्लो, निरइयारं देस-विरइ-वयमणपालिऊण, जेट्र-पृत्तसंकामियकूडबभारो, समाहिपत्तो, मरिऊण समप्पण्णो महासूक्के उक्कोसाऊ देवो। तओ चुओ सुकुले पाविऊण माणुसत्तं भुत्त-भोगो गहिऊण निरवज्ज [पवज] सिज्झिस्सइ।। धण्णा कुणंति दिसिवयपरिमाणं बहुगुणावहं नियमा । काऊण निरइयारं आजम्मं चेव पालिति ।।३६२।। दिसि-नियमे एस गुणो नियमियखित्ताओ जे परे जो वा । तेसि अभयपयाणं दिण्णं इह सावगेण भवे ।३६३। जे उण न चेव गिण्हंति नेव पालिति कम्म-परतंता । ते भग्ग-निय-पइण्णा उभय-भवे दुक्खिया होति ।।३६४।।
___ इयाणि बीयं गुणव्वयं भण्णइ-तं पुण उवभोगपरिभोगसरूवं भोयणकम्मेहि दुहाभिज्जइ। तत्थ भोयणओ अणंतकाइयाणि बहु-बीयाणि वा महुं वा मज्जं वा मक्खणं वा मंसं वा रयणिभत्तं वा एयाणि सव्वाणि ओसहाइ-कज्ज मुत्तुं परिहरियव्वाइं भवंति। सेसस्स असणस्स वा पाणगस्स वा खाइमस्स वा साइमस्स वा वत्थाहरण-पहाण-विलेवणविगइ-बंभचेर-अत्थरण-पण्णपूग-फलाईणं जहासत्तीए उवभोगपरिमाणं कायव्वं । पवित्तिविसए वि जयणाए पयट्रियव्वं । तहा कम्मयओ पण्णरस खर-कम्माणि महासावज्जाणि परिहरियव्वाणि । तं जहा-- इंगाली-वण-साडी-भाडी-फोडी सुवज्जए कम्मं । वाणिज्जं चेव दंत-लक्ख-रस-केसाविस-विसयं ।।३६५।। एवं खु जंतपीडण-कम्मं निल्लंछणं च दवदाणं । सर-दह-तलाय-सोसं असईपोसं च वज्जेज्जा । ।।३६६।।
एयस्स चेव वयस्स उवभोग-परिभोग-परिमाणकरणवयविराहणादोस-गुणदंसणत्थमुयाहरणं भण्णई ।
अत्थि इहेव जंबुद्दीवे भारहेवासे अंगाविसयमंडणं मंजीरपुरं नाम नयरं । तत्थ भाणु-सुभाणु-नामाणो वेज्जवणियदारया परमसहिभावेण निवसंति । भाणुमइ-भाणुप्पभाभिहाणाओ ताण घरिणीओ जहा सुपसाहगो मुद्धो भाणू अप्पिया य तस्स पणइणी। विडंबणापायं विसयसुहमणुहवंताण वच्चंति वासरा।
अण्णम्मि दिणे भिक्खट्ठा पविट्ठो समागओ भाणुमइ-मंदिरे साहुणि-संघाडओ। समुल्लसिय- सुहपरिणामाए वंदिऊण पडिलाहिओ तीए असणाइणा । वंदिऊण पुच्छियमिमाए-"कहिं भवईणं आसमो?" साहुणीहिं भणियं-"भद्दे ! सिद्धसारसेट्ठिणो जाणसालाए अम्ह गुरुणी वहुसिस्सिणि परिवारा परिवसइ। जइ भे धम्म-सवणसद्धा ता तहिं समागंतव्वं" ति भणिऊण गयाओ साहुणीओ। भाणुमई वि मज्झण्हसमए गया वंदणत्थं । सुयललिता-विहुअमला पढमवयत्या पसण्णमुहकमला । कलिकाल-कलिल-खालण-खमदेहा देवसरिय व्व ।। अइमसिणसुकिकलंसुय-नियंसणासेयपडयपाउरणा । करधारियपवरपोत्था सरस्सई चेव पच्चक्खा ।।३६८॥ विविहतवसुसियदेहा समिया-गुत्तिदिया विगयगव्वा । समणिजणसारणसहा आणंदियजणमणा सोमा ।।३६९।। सुविसुद्धसील-मणिरयणभूसिया भू-पइट्ठिय-जसोहा । अक्खीणखमाखेत्तं आवासो गुरुगुणगणस्स ॥३७०।। उवसमसंवरवसही चलिदियवारनिग्गहसमत्था । दक्खिण्णामयजलही मणमक्कडबंधरज्जु व्व ।।३७१।। चउगइपहपाहुइ-चउकसायवरचोररोहण-हडि व्व । करगहियदंडनिहणिय असुहतिदंडा दयासारा ॥३७२।। भवियजणकुमयसादोहबोहणे चंदिम व्व जयपयडा । सयलजयजीवजणणि व्व विहिय-बहुलोय-उवयारा ।। दूराउ तीए दिट्ठा महत्तरा साहुणीहिं परियरिया । हंसि व्व इंसियाहिं कल्लाणसिरि त्ति नामेण ।।३७४।।
_Jain Education International 2010_04