Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 299

२७२
मणोरमा-कहा पाढग-समीवे । साहिओ दो हि वि निय-निय सुमिणओ । तेण भणियं-"एरिस-सुमिणेहिं रज्ज-लच्छी पाविज्जइ, जेण एवं सुमिणलक्खण-सत्थंसिरच्छेयम्मि य रज्जं सत्यपहारेण अत्थ-संजोयं । रुहिरुगिरणम्मि वयणे नबरि नरिंदत्तणं भणियं ।।२३३॥ पयपाणं घुसिण-विलेवणं च अभंगणं च तेल्लेण। सुमिणम्मि कुणइ मरणं अहवा रोगुब्भवं गुरुअं ।।२३४।। असुइ-विलेवं तह मज्ज-पाणयं तह अगम्म-गमणम्मि । सुमिणम्मि इटु-फलयं पुवायरिएहि निटिः ।। हसिए रुइयं रुइए य पहसणं जाण होइ विवरीयं । दहि-छत्त-चमरय-सुमिण-दसणे पउरसिरि लाभ ।।२३६॥ दाहिणकरम्मि सेयाहिभिक्खणे दंसणे अरुहिरस्स । रज्जं धणागमं वा लहइ पमोयं नरिंदाओ ।।२३७।। ससि-सूर-सुमिण-पियणे रज्जं पावेइ नत्यि संदेहो । सायर-पियणे य तहा जायइ रज्जागमो नियमा ।।२३८।। सर-सायर-पियणं मिउ दुक्खुत्तारो नरस्स नियमेण । रत्तवसणो य सुमिणे गायंतो निच्छयं मरइ ।।२३९।। गायतं नच्चंतं हसमाणं चोप्पडं च अप्याणं । बट्टण सुमिणसमए जाणेज्ज उवट्ठियं असिवं ।।२४०।। गय-हय-गो-विस-चडणं गिरि-तरु-सिहरग्गचडणयं चेव । सुमिणम्मि सुकयपुण्णा पेच्छति नरा न संदेहो । गय-मणुय-सेय-वसणस्स दसणे सोहणं सपा कालं । रत्तवड-खमणयाणं मरणं पुण दंसणे होइ ।।२४२।। गय-वसह-हंस-सारस-सिहि-मंस-जूएण अल्ल-चम्मेण । सुमिणम्मि दिट्ठमेत्तेण होइ ध-सोक्खआ[रुग्ग]भागी य करहे उरगे रिछे य वायसे देव-हसिय-कंपे य । मरणं महाभया का सुमिणए दिट्टे वियाणाहि ।।२४४।। फल-पत्त-कमल-चंदण-वसण-जुए देव-छत्त-ण्हवणे य । सुह-साहु-दंसणम्मि य उत्तम-फल-संपयारोग्गं ॥२४५।।
एवं साहिऊण सुहासुह-सुमिणफलं तेण वि दिण्णाओ सहवदेविसहवाभिहाणाओ निय कण्णयाओ । ठिया तत्थेव कइवयदिणाणि । गहियभज्जा गया रयणायर-तीर-संठियं मत्तासुत्तं नाम नयरं उत्तरिया कुंभार-कुडीए । भिक्खं भमिऊण कया पाणवित्ती। परिणयपाए वासरे कुलालेण भणिओ नरचंदो-“कूडीए भंडाणि पविस्सिस्संति । अण्णत्थ गवेसह वासठाणं ।" एवं भणमाणो कहिऊण कुलाल-वयणं जिणगुत्तस्स निग्गओ नरचंदो । गओ जलहिवेलासमासण्णमुज्जाणं । पविट्टो तत्थ । दिट्ठो तस्स मज्झे अ अमाणुसो पवरपासाओ । पविसंतो वारिओ उज्जाणपालएण, भणिओ य-"महाभाग ! सोवसग्गो एस पासाओ। जो एत्थ एक्कपि रयणिं परिवसइ सो मरइ ।" तओ सविसायं भणिओ जिणगुत्तो नरचंदेण-"वयंस ! विहडियं नेमित्तियसुमिण-पाढग-वयणं, जेण दूरे ताव रज्जाइयं वासओ वि दुल्लहो जाओ।" जिणगुत्तेण भणियं-"कुमार ! न खेओ कायब्बो। चिट्ठह इत्थेव तुब्भे जाव अहमेत्थ पासाए पविसिऊण गच्छामि। कुमारेण भणियं-“एवं करेसु ।” गओ जिणगुत्तो। नवकार-पुरस्सरं काऊण निसीहियं पविट्ठो पासाए कयसामाइओ इरियावहियं पडिक्कमिऊण, 'जो को वि एत्थ अच्छइ देवो वा दाणवो वा भूओ वा सो सो मज्झ अणुजाणेउ भवणमिणं'त्ति भणिऊण सज्झायं काउमाढत्तो । एत्यंतरे समागओ वाणमंतरो साहम्मियवच्छल्लं गुणकरं ति सरमाणेण जिणवयणं, संभासिओ जिणगुत्तो-"महाभाग ! सागयं ते ।" तो पाराविऊण सामाइयं भणियं जिणगत्तेण"महाभाग ! अत्थि मे कोउहलं कहसु, को तुमं?" वंतरेण भणियं-"जेण इमं घरमुव्वासियं ? जिणगुत्तेण भणियं"किं निमित्तं एवं उव्वासियं?" तेण भणियं-“पुव्वभवे जिणनामक्खरो नाम अहं एयस्स घरस्स सामिओ आसि । भाया य चंदहासो। पुत्तो य मे गुणसुंदरो। पडिवण्णा मए नियमाउलस्स हेमसारसूरिणो समीवे पव्वज्जा । विहरिओ अणत्थ समं सूरीहिं । अहिज्जिया केवि आगमलवा । तओ-"आयरियउवज्झायाणं भंते! गणनीईए सारवेमाणे कईहिं भवग्गहणेहि सिज्झइ मुच्चइ परिनिव्वाइ सव्वदुक्खाण अंतं करेइ ? गोयमा ! तेणेव भवग्गहणेणं तच्चं भवग्गहणं पुण नाइओत्ति ।" सोऊण सिद्धंतवयणमेयं संजायमूरिपयाहिलासेण विण्णत्ता मए आयरिया, भयवं! जइ करेह ममाणुग्गहं, तो हं समणसंघपरिवुडो जिणधम्मपयडणेण सपरोवयारं कुणंतो नाणाविह-देसंतरेसु विहरामि ।" सुरिणा भणियंछत्तीस गुणसमेओ गणाहिवो वण्णिओ जिणिदेहि । तन्विवरीओ न तरइ पवयणसारं परिकहेउं ॥२४६।।
_Jain Education International 2010_04