Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 286

तइय अवसरे भूरिवसू-रयप्पहाभववण्णणे वयणसारधुत्तकहा
२५९ गयवइ-सरहसूयर-गंडय-वण-महिस-रिछसंछण्णं । सद्द ल-सीह-चित्तय-घूयडघोक्कारभयणिज्ज ।।१०१।। .
एवंविह कतारमवलोइऊण भोओ चिविडनासो मोत्तूण मग्गं गिरिकंदरं वा तरुकोट्टरं वा निल्लुक्कण-कए निरूविउमाढत्तो। तहाविहं ठाणमलहंतो पत्तो एगं महाचंदणतरुतलं । वियाणिओ णेण परिमलेण जहेस चंदण-पायवो । कयकरयलसंपुडेण सविणयं भणियं चिविडनासेणअडविवणसंडमंडणनियपरिमलभरियदसदिसाभोय । सरलसुविसालसुहयरचंदणतरु पत्थिमो कि पि ।।१०२।। वियरसु विवरं रक्खेसु मह जियं जाव वोलए रयणी । परकज्जकरणनिरओ को अण्णो तुज्झ सारिच्छो॥१०३।।
तओ संजायाणुकंपेण दिण्णं विवरं साहिट्ठाणं चंदणपायवेणं। पविट्ठो चिविडनासो। जाओ पुणो वि सहावत्थो पायवो। सव्वं पि र[य]णि चंदणोदरमज्झ-पविट्ठ-बंभण-रोमरंधेसु संकतो चंदणपरिमलो। जाओ तक्कळं व सुयंध-सरीरो। पभाया रयणी। उग्गओ सूरिओ। पुणो वि विवरं दाऊण निस्सारिओ तरुणा। सुइरं निरूविऊण तं ठाणं लग्गो मग्गे चिविडनासो। नित्थिण्ण-कतारस्स मिलिओ पिउवयंसओ चंडदेवो नाम । संजाया दोण्ह वि परोप्परं पच्चभिण्णा । पुच्छिओ चिविडनासेण चंडदेवो-"कत्तो तुम पडिनियत्तो?" तेण भणियं-"तामलित्तीओ।" चिविडनासेण भणिअं-“भयावहा इओ परं अडवी । जइ अत्थि तुह समीवे किपि भयकारणं ता सत्थेण गंतव्वं ।" तेण भणियं-“संति दस दीणारा दक्खिणाए लद्धेल्लया।" तेण भणियं-“जइ एवं ता चिट्ठसु मह समीवे तुम, जाव को वि सत्थिओ समागच्छइ।" पडिवण्णमणेण । निसण्णा मम्गासण्ण-वड-पायव-हेटुओ। पारद्धा संकहा। अंतरंतरा निद्दामंतो भणिओ चिविडनासेण चंडदेवो-"सुवसु तुम खणमेत्तं । सत्थेल्लयमागयं अहं ते साहिस्सामि ।” सुत्तो चंडदेवो। वावाइओ चिविडनासेण । गहिऊण दीणारए पलाणो।
काणणं । दिलो तेण तुरंगम परिवाहण-परिखेइय-सरीरो सहयार-छायाए सपरियगो निसण्णो राया । तओ संखुद्धमाणसो मोत्तूण मग्गं उप्पहेण पत्थिओ [चिविडना]सो समागओ रायसमीवं महंतेण चारुचंदणपरिमलो। राइणा भणियं-"अणग्घाइयपुव्वो मए एस चंदणगंधो। साहेह भो! को विलितो तुम्हाण मज्झे चंदणेण।" तेहिं भणियं-"न कोइ ।” तओ तुरियं उप्पहेण गच्छंतो दिट्ठो मंतिणा चिविडनासो। सद्दाविओ नियपुरिसेण। पुच्छिओ य मंतिणा-"अत्थि तुह समीवे चं[द]णगंडिया?" तेण भणियं-“नथि ।" मंतिणा भणियं-"कत्तो एस परिमलो वियंभइ?" तेण भणियं-“मह सरीराओ।" सच्चवियं मंतिणा जाव तहेव । पुच्छिओ राइणा चिविडनासो-“को एत्थ परमत्थो?" साहिओ तेण जहटिओ। रण्णा भणियं-“दसेहिं तं चंदणतलं, जेण ते पसायं करेमि ।" पडिवण्णं बंभषण । रायवयणेण भंडिओ गहाय गया तत्थ वलाहिय-पमुहा पुरिसा दंसिओ तेण चंदणतरू । छिण्णो मुलाओ। पच्छा भुमी खणिऊण कंदा वि गहिया। एत्यंतरे पढियं तयाहिदायग-वंतरेण-- जोइ ज किउ मह देसिएण, उवरंतरि धरिएण । कंद खणेविणु मूल खय सुकिउ न मिलउ तेण ।।१०४।।
निसुयमेयं रायपुरिसेहिं । समागया घेत्तूण चंदणकट्ठाणि । कहियं वाणमंतर-पढिय[गाहा] राइणो । राइणा भणियं-"अकज्जकारी कयग्यो य एस माहणो नाहमेयस्स महं पि पेक्खामि । गले घेत्तण निद्धाडिओ । तओ विसायमावण्णो नयररच्छासू परियडंतो नियकज्जागएण दिट्ठो वयणसार-धुत्तेण । सहायत्थि णा पुच्छिओ-को तुमं किमभिहाणो? कि निमित्तं विसण्णो वियलक्खीयसि ?" साहिओ तेण तस्स घरनिग्गमणाइओ नियवइयरो । वयणसारेण चितियं'जोगो एस ममं । संगिण्हामि एयं, जेण सहाओ भवइ । भणिओ सो तेण-"जइ मह सेवं करेसि तो तुम ईसरीकरेमि ।" चिविडनासेण भणियं-“दंसेहि ताव पच्चयं, केणोवाएण ईसरं करेसि ?" तेण भणियं-“दंसेमि । परं तए निरूवयंतेण चिट्रियव्वं, न उण कि पि वत्तव्वं ।" "एवं' ति तेण भणिए गहिओ एगो कंबलो । निरावरणो होऊण गओ मुद्धसेट्टिआवणे समासण्णदेसे संजमिऊण मुक्को कंबलो । अदंसिय-सीय-वियारो निसण्णो जाव चिट्टइ तावागओ घराओ मिउ-मसिण-पम्हल-बर[रइय]पउरवत्थेिण परिहरि]य सरीरो सिसिर-पवण-वस-पकंपंत-दसणो मुद्धसेट्ठी । दिट्ठो गेण उग्घाडिय-सरीरो सीय-विवज्जिओ वयणसारो । पुच्छिओ-“भद्द ! निरावरणो तुमं । माह-मास-संतियाणि