Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 244

सम्मत्त-बीय-लंभो णाम बीओ अवसरो तत्थ य तेयसारनिवकहा
२१७
अण्णया पओयणवसेण घंचिय-घराओ गहिय-तेल्लो पविट्ठो जिणहरं । दिद्वा य दीवय-सिहासमुज्जोइय-गब्भहरंतरे वर-पूप्फेहि पूइया बरवत्थाहरण-विभसिया पसंतमत्तिणो सव्वण्णणो पडिमा । चितियं च तए-दिण्णा मए बहणं देवयाणं पुरओ दीवया, परं न तहा सोहंति जहा इमस्स देवयाविसेसस्स । पूयणिज्जो पुण्णत्थियाण एस को वि परमप्प' त्ति मण्णमाणेण विसुद्धसद्धाए दिण्णो जिणपुरओ दीवओ। ठिओ किंचि कालं तत्थेव रोमंचिअ-सरीरो। एयावसरे बद्धं तए भोगसारं मणुयाउयं । पोसियं तम्मि चेव जिणहरे दीवयप्पयाणेण । अहाउयक्खएण मरिऊण तप्पुण्णाणुभावेण जाओ चउरज्जाहिवई राया। एयं सुणिय संजाय-जाइसरणो संसारवास-विरत्त-चित्तो अहिसिंचिऊण जेट्टपुत्तं मणिरहकुमारं रज्जे, निक्खंतो महया विभूईए केवलिसमीवे तेयसारनराहिवो । परिपालिऊण सामण्णं समाहि-मरणेण मरिऊण समुप्पण्णो विजयविमाणे सुरथरो । तओ चुओ परमपयभाई भविस्सई । कहिऊण फल-दंसगमक्खाणयं भणिओ समुद्ददत्तो पियंकरायरिएणजिण-बिंबाणं पुरओ दीवं दितस्स पवरसद्धाए । देहस्स होइ दित्ती रयणाणि य बहुपयाराणि ।।४४३।। इहलोयपारलोइयसुहाणि सव्वाणि तस्स सुलहाणि । पर-पारगेय-पुरओ दिण्णो भत्तए वर-दीवो ।।४४४।।
समुद्ददत्तेण भणियं--"संपयमक्खयपूयाए फलं च साहिज्जइ।" सूरिणा भणियं--"सुणसु । अक्खयपूयोवरिकणसारसेट्ठिकहा
__ अत्थि इहेव जंबुद्दीवे दीवे भारहेवासे वाससय-वण्णणिज्ज-गुणगणं सेलगपुरं नाम नयरं । तम्मि य सयलनेगमपहाणो नरवम्मो नाम सेट्ठी परिवसइ । भद्दमुहा से भारिया । बहुहिं उवाइयसएहि मज्झिमवए वट्टमाणाणं ताण एगो चेव सुओ जाओ । उचियसमए पइट्टावियं नामं गुणदत्तो । जहा जहा सो वड्ढइ तहा-तड़ा नरवम्मसेट्टिणो घरे सालिजवाईण सयलधण्णाण वड्ढंति अणेगे कोट्ठारे । परिणीया गुणदत्तेण तत्थेव वत्थव्वस्स संखायणसेट्ठिणो धूया अभयसिरी नाम। तीए सह विसय-सुहमणुहवंतस्स वच्चइ कालो गुणदत्तस्स ।
अण्णथा कालधम्मणा संपउत्ताणि जणणि-जणयाणि । काऊण मय-किच्चाणि कइवयदिणावसाणे मिलिऊण सयहिं अहिसित्तो पिउ-पए गुणदत्तो। दंसिओ राइणो । संपूइओ वत्थाइणा नरिदेण सघरमागओ । संतोसिय-सयलसुहि-सवणवग्गं सयाणु राय-सार-सव्वत्थं अभग्गमाण-पसरं सेट्ठिपयं परिपालितस्स वच्चंति वासरा गुणदत्तस्स ।
अण्णम्मि दिणे पयणुचोरियावराह-पत्तेण आरक्खिय-पुरिसेहिं वज्झ-भूमी निजतेण वसणाभिभूय-बंभण-सुएण दठूण गुणदत्तसेट्टि 'परितायह परितायह' भणतेण महया सद्देण पोक्कारियं । गुणदत्त-सेट्रिणा भणियं-"भद्द ! मा भाहि ।" निवारिया आरक्खियपूरिसा । मोयाविओ बंभणसूओ। पूव्वविरोहिएण लहिऊण अंतरं साहियं नरवइस्स उवरोहिएण--"देव ! इंदसोम-माहण-सुओ जो देवेण वज्झो समाणत्तो तलवरपुरिसे भेसिऊण सो मोयाविओ गुणदत्तसेट्ठिणा।" तं सुणिय कुविओ राया। सद्दाविओ सेट्ठी। भणिओ य-“कीस तए सो तस्करो मोयाविओ? मम सासणं खंडितस्स केरिसं ते कुसलत्तणं ?" सव्वस्स-हरणं काऊण पक्खित्तो कारागारे, सो वि बंभणसुओ वसण-संकडगयं नाऊण गुणदत्तसेट्टि अईवखेयं वहमाणो तप्पडियारकरणअसमत्थयं अत्ताणयं कलिऊण, 'अहो ! मे जहण्णत्तणं, अहो ! मे नियजीविय-सावेक्खया, जेण परपाणेहिं नियपाणा रक्खिया । जावज्जवि इओ वि अणिटुं न सुणेमि ताव वि एस गमणं मे संगयं ति' चितिऊण गओ गंभीराभिहाणं बेलाउलं । आरूढो एगं जाणवतं । पूण्णसमद्दमज्झे पत्तमेयं चेव पयंड-पवण-पणोल्लियं सयसिक्करं जायं । दिसोदिसिं गया पाणिणा । सो वि बंभणसूओ समासाइऊण पुव्वविवण्णजाणवत्त-फलयं सत्तमदिणे पत्तो एगं समुद्दकूलं । उइण्णो तदासण्णसरसियं । पीयं तत्थ सच्छ-सीयलं सलिलं । कया कयलमाईहिं पाणवित्ती। अब्भंगिओ नालिएरसिणेहेण अप्पा । बीसमिओ खणमेगं नग्गोह-पायवतले । समागया निद्दा । सुत्तविउद्धो चितिउमारद्धो-'अहो ! हय-विहिणा विलसियम्मि पडिक्ले समं पि विसमं गोपयं पि सागरो, अमयं पि विसं विवरमेत्तं पि तमंधयारकूओ, रज्जू वि कसिणसप्पो, माया वि वग्घी, पिया वि पंचाणणो, भाया वि वेरिओ, प्रत्तो वि परो, दहिया वि दहदाइया, भइणी वि भयावहा. सज्जणो वि दज्जणो. मित्तो वि सत्त, जलं पि जल उंदरदरी वि रसायलं, पउमनालं पि करवालं, कोमल-तूली वि कंटगावली, कुसुममाला वि बाणावली, लच्छी वि मरण