Manorama Kaha

Author(s): Vardhmansuri, Rupendrakumar Pagariya
Publisher: L D Indology Ahmedabad

Page 278

तइयअवसरे भूरिवसू-रयण्प्पहाभववण्णणं तत्थ य माहिलकहा
२५१
सिऊण तत्थ पत्तं, सुमरिओ मंतो। खणंतरे पतं घुम्मिउमारद्धं । पुच्छिअं मंतवाइणा-"को तुम ? किं निमित्तं वा रायभवणे असिव पवत्तिअं ?" तेण भणिअं-"जंगला नाम अहं खित्त-देवया । अत्थि य मे ईसाणकोणे सडिअ-पडिअमाययणं । तं न कोइ उद्धरइ। न वा मह पूयं पवत्तेइ । अओ मए राय-घरे असिवं संवत्तियं ।" भूयदमणेण भणिअंकहं संती भविस्सई ?" तीए भणियं-"जइ ममाययणं संमुद्धरेऊण पइभवणं सव्व नायरेहितो परिवाडीए मह पुरओ एक्केक महिसं मारावेइ तो संती भवइ । इयरहा असंती चेव ।" सहाविओ भयदमणेण राया। कहियं पत्त-भणियं । पडिवण्णं राइणा। संपूजिऊण विसज्जिओ भूयदमणो। राइणा वि अकालहीणं समद्धरियं तमाययणं । घोसावियं सयलम्मि नयरे डिडिमेण-"भो ना[गर]या! दंडवासिय-वयगेण जो न भयवईए पुरओ वारएण महिसं मारिस्सइ तं राया सयमेव महिसद्राणीयं करिस्सइ।" एयं सोऊण समारद्धा दंडवासियवयगेण सव्वेहि जहा समाइट्ठा पूया ।
अण्णम्मि दिणे आइट्ठो दंडवासिएण धणो-“अज्ज तए पूया कायव्वा ।" धणेण भणियं-“करिस्सामि रायाभिओगेण बलि-बकुल-पुप्फाईहिं, न उण महिसं बहिस्सामि ।” तेण भणियं-“महिस-वहणमेव एत्थ पूया । जइ एयंपि न करेसि तो उज्जयं चेव भणसु जहा न करिस्सामि रायसासणं ।" धणेण भणियं-"केणावि अखंडियं को खंडेइ महारायसासणं । परं मए निरवराह-जीव-वह-निवित्ती विहिया । अओ न तं भंजामि ।" आरक्खिएण भणियं" नियवद्धिए आयपाणेहिं परपाणे रक्खेहिं ।” धणेण भणियंहंतुण परप्पाणे अप्पाणं जो करेइ सप्पाणं । अप्पाणं दिवसाणं कएण नासेइ अप्पाणं ॥६५।।
तेण भणियं-'अइवायालो तुम' ति भणिऊण नीओ रायसमीवं । कहियं राइणो सरूवं आरक्खिएण। कुविओ राया । कयत्थाविओ दैढकयत्थणाहिं धणो। तह विन पडिवज्जइ। तओ भणिओ उवरोहिएण धणो-“अरे। अहमेयं पावं गहिस्सामि सुद्धि वा तुह करिस्सामि । करेसु राय-सासणं । बंभणवयणेण सुद्धो हवइ 'तो किं न सुद्धो माहिलो?" उवरोहिएण भणियं-“को एस माहिलों?" धणेण भणियं
माहिलकहा--
अत्थि इहेवावंती जणवए सुसम्मो नाम गामो। माहिलो नाम तत्थ कुडुंबिय-दारओ परिवसइ। गहिया तेण साहु-समीवे निरवराह-पाणिवह-निवित्ती सो पुण धणुव्वेय-गव्वमुव्वहइ। ..
अण्णया कइवय वयंस-सहिओ कट्ठाइनिमित्तं गओ अडवीए। पुरओ भयचंचललोयगा गुरुगब्भत्तणओ ईसि मंथरगमणा हरिणी। हरिसियमणेहिं भणियमणेहि-"अरे माहिल ! घरट्रिओ तुम धणव्वेयगव्वमुव्वहसि । एसा हरिणी सरगोयरा गच्छइ । पहरिज्जउ संपयं जेण नज्जइ पुरिस-विसेसो । जओ-तं कणयं जं कसवट्टए निव्वडइ। तं कव्वं जं कविसहासु सलहिज्जइ। सो सूरो जो महाभडेहि वणिज्जइ।' एवं भणिए-अगणिऊण नियनियम, मोतूण करुणं, मुक्को आकण्णायड्ढिओ सरो। विद्धा-हरिणी। निवडिया धरणीए। गया ते तमद्देसं। गब्भभरालसं धरणियल-निवडियं दळूण हरिणियं विमुक्क-जीवियं सह गब्भेण संजाय-पच्छायावो चिंतिउमारद्धो माहिलो-“अहो ! मे जहण्णत्तणं। अहो ! मे पावपरिणइ। खंडियं चिर-पालियं वयं । सव्वो वि जीवधाओ दुग्गइ निबंधणं विसेसओ निरवराह-सगब्भ-हरिणीए घायणं । एयस्स महापावस्स नत्थि कहिं पि मे सुद्धो।" एवं चिंतयंतो भणिओ तयभिप्पायन्नूहि वयंसएहि-“भो ! कि तुमं निरत्थयं खिज्जसि? अत्थेत्थ तिलोयगो नाम माहणो। तस्स साहिज्जउ । जं सो भणइ तं कीरउ, जहा सुद्धी भवइ।" परिवडियसम्मत्तं गओ सो तस्स समीवे । साहिओ सव्वो वि नियवइयरो। तेण भणियं-"गंगाए गंतूण मज्जसु । पच्छा पंचहि छागेहिं मज्झण्हसमए जागं करिज्जसु । पंच दिणे पंच-पंच बंभणा भोयावेसु, जेण ते सुद्धी हवइ । तहेव काउमारद्धो। पसुवहेपयट्टो। भिक्खा-पविह्रण दिट्ठो अइसय-नाणिणा गुणदत्त-साहुणा, भणिओ य-"भद्दमुह ! कि करेसि?" तेण भणियं-"बभण-वयणेण पाणिबह-जणिय-पाव-पक्खालण-निमित्तं पसुवहं।" मणिणा भणियं-"अहो ! अण्णाणं? अहो! मूढया ?" माहिलेण भणियं-"कि अण्णाणं? का वा मूढया?" मुणिणा भणियं-"गुरुगुणे अजाणिऊण सारंभ-सपरिग्गह-सकलत्त-छकम्मपुरओ सुद्धि पवण्णो एयमण्णाणं। पाणिवहेण पाणिवह-जणिय-पावसुद्धि जं करेसि,