Vitragstav

Author(s): Hemchandracharya, Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 12

अनुष्टुप् छंदना १८९ श्लोकोमां पथरायेली, प्रसाद माधुर्य अने ओज जेवा काव्यगुणोथी मघमघती, अत्यंत सरळ छतां तर्कसंगत अर्थो तथा भावोथी मढेली, अने आ 'स्तव' नुं गान करनारना हृदयमा सहज भक्तिरस प्रेरती पद्यावली ए आ 'स्तव' प्रत्येना आकर्षणनुं वास्तविक रहस्य छे ।
अध्यर्ध शतक अने वीतराग स्तवः तुलना
ईस्वीसनना प्रथम शतकमां बौद्ध धर्मकवि मातृचेट नामे एक स्तुतिकार थइ गया । विख्यात बौद्ध कवि अश्वघोषना तेम ज सम्राट कनिष्कना वृद्ध समकालीन तरीके मनायेला आ स्तुतिकारे “ अध्यर्ध शतक" नामे एक अद्भुत रचना करी छे । जेमां तेणे १२ प्रकाशमां तथागत बुद्धनी स्तवना करी छे । निराडंबर शैली अने भक्तिनी सघनता - आ स्तोत्रमां पदे पदे जोवा मळे । पंडित सुखलालजीना कथन अनुसार स्तुतिकार मातृचेटनी स्तोत्रपद्धतिनी तेम ज तेणे पोतानां स्तोत्रोमां वर्णवेला भावोनी छाया उत्तरवर्ती अनेक कविओ तथा स्तुतिकारो पर पडी छे, जेनाथी जैन स्तुतिकारो तथा कविओ पण मुक्त नथी रह्या । आनां अनेक उदाहरणो पंडितजीए टांक्यां छे, जेमां मातृचेटना 'चतुःशतक' नामे ४०० पद्यो धरावता स्तोत्रनी पद्धतिए हरिभद्राचार्यनी विंशति-विंशिका (२० x २० = ४००) नामे रचना रचाइ होवानुं तथा मातृचेटना 'अध्यर्धशतक' नी स्पष्ट छाया हेमाचार्य कृत 'वीतराग स्तव' मां होवानुं तेमणे दर्शाव्युं छे । आनी विशद जाणकारी माटे पं. सुखलालजी कृत 'दर्शन अने चिंतन' मां प्रकाशित “स्तुतिकार मातृचेट अने तेमनुं अध्यर्धशतक" नामे तेमनो निबंध द्रष्टव्य छे । ते लेखमां तेमणे अध्यर्धशतक तथा वीतराग स्तवनां केटलांक पद्योनी तुलना पण करी देखाडी छे, तेमांथी बे-चार दाखला आपणे पण जोईए :
१. अध्यर्ध.
सर्वदा सर्वथा सर्वे यस्य दोषा न सन्ति ह । सर्वे सर्वाभिसारेण यत्र चावस्थिता गुणाः तमेव शरणं गन्तुं तं स्तोतुं तमुपासितुम् ।
३
11911