Vignapti Lekh Sangraha Part 01

Author(s): Jinvijay
Publisher: Singhi Jain Shastra Shiksha Pith Mumbai

Page 43

२२
विज्ञप्तिलेखसंग्रह समूहैर्विहिताह्नादम् , कचिद् द्विरदविशदरदखण्डैर्मण्डितम् , कचिद् भूरिरसरमणीयकटककाम्यम् , कचिल्लयस्तिमितैरिव समकलापटुभिर्विद्याधरवनितावृन्दैविधीयमाननाट्यरङ्गम् , कचित् केसरिकरिहरिप्रभृतिभिर्वनमृगपूगैर्विभ्रमकरम्, कचिच्च परितोरणप्रसक्तमत्तवारणम् , किं बहुना-संसारार्णवनिमजजन्तुजाततारणपोतायमानम् , मूर्तिमयपुण्यस्कन्धायमानम्, आकल्पविकल्प्यमानवर्णनाभिरपि लेशतः स्तूयमानगुणवितानम् , विचक्षणवर्णनार्हविविधवस्तुविस्तारालयं श्रीदेवालयम् ।। ६२६. ततश्च तस्मिन् श्रीदेवालये नानावनराजिमण्डलीलताग्रभागविकसितसितासितहरितपीतकुसुमस्तबकप्रसरदस्तोकविरोकपञ्चवर्णीभूतभासि श्रीमधुमासि, कुमुदिनीप्राणप्रियप्रस मरपीयूषभरवर्षिकौमुदीसमुदयप्रमोदितजन्तुलक्षेप्रथिमपक्षानुगामिगुणबहुलक्षे द्वितीयपक्षे, " सकलदुरितप्रवासरे षष्टीवासरे, विस्तारितविततकल्याणसुधाधारे श्रीसोमवारे, समाह्वानमिलितासु अविकलपुरप्रधानज्ञातिषु कुतुकाकृष्टचित्तवृत्तिप्रेरितासु पिण्डीभूतासु तासु तासु जातिसु, समुच्छलिते पञ्चविधातोद्यपश्चितोदये महति ध्वनिलये, निभृतवरसञ्चारितचतुवर्णकर्णामृतधारे प्रवर्त्तमाने च श्रीदेवगुरुसम्बन्धिनि कुशलकारिणि मङ्गलगीतोद्गारे, निर्मि
ताशेषसरासरनरनिकराक्षेपः श्रीवासक्षेपश्चक्रीय्यते स्मास्माभिः। ततश्च तत्र सविशेष15 श्रीवासक्षेपपूर्व पूर्वप्ररोपितधर्मपथः विहितमहाविघ्नौघमाथः कलिकश्मलक्षालनाद्वितीयपाथः श्रीप्रथमतीर्थाधिनाथः सविस्तरं निवेशयामहे ।।
तदनु च मन्त्रीश्वरवीरा-मत्रिसारङ्गसुश्रावकयोः श्रीजिनधर्मप्रभावकयोः श्रीसाधीश्वर्याविर्भावको वासक्षेपः समसूत्र्यत ।
[मन्त्रिवीरा-मन्त्रिसारसंचालितशत्रुजयतीर्थयात्रासंघप्रस्थानवर्णना । ] ॥ ६२७. अनन्तरं ताभ्यां सङ्घपुरुषाभ्यां निजौदार्यगुणसमुत्पादितसुपर्वपादपरुषाभ्यां परःसहमहायोग्यैरीश्वरलोकोपभोग्यैर्विशिष्टवसनैः, समतिक्रान्तगणनाप्रकारैः प्ररोप्यमाणयशःप्रासादानुरूपवृत्तखरूपकलसा(शा)कारैर्मचुलसरसनालिकेरवारैः, अकीर्तिवर्तिकावित्रासनगुलिकोपमानैः समुल्लचितप्रमृतिमानैः प्रत्यौः क्रमुकवितानः, कीर्त्तितरुणन
तकीहरितांशुकपरिधानः समस्तपत्रजातिप्रधानैः सारमरकतमणिपत्रविमलैरखण्डितैर्नाग: वल्लीदलैश्च सत्कृत्य सकलं महाजनलोकम् ; सविशेषपूजाप्रकारैरुचिताधिकोपचारैः श्रीचतुविधश्रीविधिसङ्घ च समाराध्य बहुविधप्रचुररुचिरचीरचामीकरालङ्कारप्रभूतसारासारैः अनुगृह्य च याचकनिकरम् श्रीनरसमुद्रं विमुद्रोनिद्रैर्यशोराशितरङ्गैर्विलचितमर्यादं व्यधीयत।
ततश्च तस्मिन्नेवाहनि यामत्रयानन्तरं प्रसन्नतामुपेयुषि वासरातपे प्रशस्यवेलावसरे, नगरत्रिकचतुपथचत्वरशृङ्गाटकविसङ्कटीभूतेषु, हर्षायल्लकाकुलकलकलकलारवोन्मुखी० कृतगगनचरेषु, पृथुलाभिख्यनेपथ्याभरणरमणीयेषु, मण्डलायितेषु परोलक्षेषु प्रजाव्रजेषु; पौण्ड्रकिकेण भालस्थलेन, काजलिकेन नयनयुगलिकेन, पात्रलतिकेन कपोलमण्डलेन, कौण्डलिकेन कर्णयुगेन, दैसिजालिकेन नासावंशेन, वार्तगुणिकेन वदनेन्दुना, मौक्ताहारिकेण हृदयस्थलेन, काङ्कणिकेन करकमलप्रकोष्ठद्वितयेन, आङ्गुलीयकिकेन प्रदेशिनीसमूहेन, माञ्जीरिकेण चरणयामलेन, पारिकमिकेण कामनीयाकल्पिकेन, औदाराकारिकेण लावण्य
Jain Education Intemational
Education International