Paumchariyam Part 02

Author(s): Parshvaratnavijay
Publisher: Omkarsuri Aradhana Bhavan

Page 35

वरुणपराजय-रावणरज्जविहाणं-१९/११-३७
२०७ जुज्झन्तो दहवयणो, वरुणस्स सुएहिं वेढिओ समरे । मेहेहि व दिवसयरो, पाउसकाले समोत्थरिओ ॥२४॥ इन्दइ-विहीसणा वि य, सुहडा तह भाणुकण्णमाईया । चक्कं व समारूढा, वरुणेण भमाडिया सव्वे ॥२५॥ रक्खसबलं विसण्णं, हणुमन्तो पेच्छिऊण परिकुविओ। बाणासणिं मुयन्तो, समुट्ठिओ निययबलसहिओ ॥२६॥ खग्गेण मोग्गरेण य, चक्केण य पवणनन्दणो सुहडे । आहणइ चडुलपसरन्तविक्कमो जह कयन्तो व्व ॥२७॥ जुज्झं काऊण चिरं, गिण्हइ वरुणस्स नन्दणे हणुओ। अह रावणो वि बन्धइ, वरुणं चिय नागपासेहिं ॥२८॥ घेत्तूण पुत्तसहियं, वरुणं आवासिओ वरुज्जाणे । लङ्काहिवो कयत्थो, तत्थाऽऽसीणो ससामन्तो ॥२९॥ विद्धत्थं नयरवरं, रक्खससुहडेहि नायगविहूणं । गहियवरदव्वसारं, बन्दीजणसंकुलारावं ॥३०॥ दिटुं रक्खसवइणा, तं नयरं सव्वओ विलुप्पन्तं । सिग्धं दयालुएणं, निवारियं पवरपुरिसेणं ॥३१॥ मुक्को य वरुणराया, सुयसहिओ रावणं पणमिऊणं । हणुयस्स देइ कन्नं, सच्चमई नाम नामेणं ॥३२॥ वत्ते पाणिग्गहणे, वरुणं ठविऊण निययननयरम्मि । रणरसलद्धामरिसो, दहवयणो आगओ लकं ॥३३॥ हणुयस्स रावणेण वि, दिन्ना कन्ना गुणेहि संपुण्णा ।धूया चन्दणहाए, अणङ्गकुसुम ति नामेणं ॥३४॥ काऊण करग्गहणं, तीए समं कण्णकुण्डले नयरे। भुञ्जइ भोगसमिद्धि, सिरिसेलो सुरकुमारो व्व ॥३५॥ तत्तो नलेण दिन्ना, कन्ना हरिमालिणि त्ति नामेणं । हणुयस्स किन्नरपुरे, किन्नरकन्नासयं लद्धं ॥३६॥ किक्किन्धिपुराहिवई, दुहियं ताराए तत्थ सुग्गीवो । नामेण पउमरागं, दटुं चिन्तावरो जाओ ॥३७॥ युध्यमानो दशवदनो वरुणस्य सुतै र्वेष्टितः समरे । मैधैरिव दिवसकर: प्रावृट्काले समवस्तृतः ॥२४॥ इन्द्रजिद्विभीषणावपि च सुभटास्तथा भानुकर्णादिकाः । चक्रमिव समारूढा वरुणेन भ्रामिताः सर्वे ॥२५॥ राक्षसबलं विषण्णं हनुमान्दृष्ट्वा परिकुपितः । बाणाशनि मुञ्चन्समुत्थितो निजबलसहितः ॥२६।। खड्गेन मुद्रेण च चक्रेण च पवननन्दनःसुभटान् । आहन्ति चटुलप्रसरविक्रमो यथा कृतान्त इव ॥२७॥ युद्धं कृत्वा चिरं गृह्णाति वरुणस्य नन्दनान्हनुमान् । अथ रावणोऽपि बध्नाति वरुणमेव नागपाशैः ।।२८।। गृहीत्वा पुत्रसहितं वरुणमावासितो वरोद्याने । लङ्काधिपः कृतार्थस्तत्रासीन: ससामन्तः ॥२९॥ विध्वस्तं नगरवरं राक्षससुभटैनार्यकविहीनम् । गृहीतवरद्रव्यसारं बन्दिजनसंकुलारावम् ॥३०॥ दृष्टं राक्षसपतिना तं नगरं सर्वतो विलुपन्तम् । शीघ्रं दयालुना निवारितं प्रवरपुरुषेण ॥३१॥ मुक्तश्च वरुणराजा सुतसहितो रावणं प्रणम्य । हनुमते ददाति कन्यां सत्यमती नाम नाम्ना ॥३२॥ वृत्ते पाणिग्रहणे वरुणं स्थापयित्वा निजनगरे । रणरसलब्धामर्षो दशवदन आगतो लङ्काम् ॥३३॥ हनुमते रावणेनापि दत्ता कन्या गुणैः संपूर्णा । दुहिता चन्द्रनखाया अनङ्गकुसुमेति नाम्ना ॥३४|| कृत्वाकरग्रहणं तया समं कर्णकुण्डले नगरे। भुनक्ति भोगसमृद्धिं श्रीशैलः सुरकुमार इव ॥३५॥ ततो नलेन दत्ता कन्या हरिमालिनीति नाम्ना । हनुमते किन्नरपुरे किन्नरकन्याशतं लब्धम् ।।३६।। किष्किन्धिपुराधिपति र्दुहिता तारायास्तत्र सुग्रीवः । नाम्ना पद्मरागां दृष्ट्वा चिन्तातुरो जातः ॥३७||
Jain Education Interational