Paumchariyam Part 02

Author(s): Parshvaratnavijay
Publisher: Omkarsuri Aradhana Bhavan

Page 201

[ ४५. सीयाविप्पओगदाहपव्वं ।
एत्थन्तरम्मि पत्तो, पुव्वविरुद्धो विराहिओ सहसा । सन्नद्धबद्धकवओ, बलेण सहिओ महन्तेणं ॥१॥ जुज्झन्तस्स रणमुहे, पडिओ चलणेसु लच्छिनिलयस्स । भिच्चो हं तुह सामिय ! विज्जाहरवंससंभूओ ॥२॥ चन्दोयरस्स पुत्तो, अणुराहाकुच्छिसंभवो अहयं । तुह आणाए समत्थो, नामेण विराहिओ सामि ! ॥३॥ विणओणयस्स सीसे, हत्थं दाऊण लक्खणो भणइ । सव्वं पि एवमेयं, वच्छ ! महं मग्गओ ठाहि ॥४॥ एव भणिओ पवुत्तो, एक्कं खरदूसणे तुमं सामी ! । घाएहि सेससुहडे, अहयं मारेमि संगामे ॥५॥ एव भणिऊण तो सो, दूसणसेन्नस्स अहिमुहीहूओ। अह जुज्झिउं पवत्तो, विराहिओ निययबलसहिओ ॥६॥ जोहा जोहेहि समं, आभिट्टा गयवरा सह गजेहिं । जुज्झन्ति रहारूढा, समयं रहिएहि रणसूरा ॥७॥ एयारिसम्मि जुज्झे, विणिवाइज्जन्तसुहडसंघाए । लच्छीहरेण समयं, आलग्गो दूसणो समरे ॥८॥ भणिओ य दूसणेणं, मम पुत्तं मारिऊण मज्झत्थं । कन्ताथणाभिलासी !, पाव ! कहिं वच्चसे अज्जं? ॥९॥ ठा-ठाहि सवडहुत्तो, पाव ! तुमं सुनिसिएहि बाणेहिं । कन्तावराहकारी, पेसेमि जमालयं सिग्धं ॥१०॥ पडिभणइ लच्छिनिलओ, किं ते भड ! वोक्किएहि बहुएहिं । न यहं वच्चामि तहिं, जत्थ गओ नन्दणो तुझं ॥११॥ लच्छीहरेण एन्तो, सरेहि खरदूसणो कओ विरहो । छिन्नधणुहा-ऽयवत्तो, गहो व्व पडिओ नहयलाओ ॥१२॥
॥ ४५.सीता विप्रयोगदाहपर्वम् ॥
अत्रान्तरे प्राप्तः पुर्वविरुद्धो विराधितः सहसा । सन्नद्धबद्धकवचो बलेन सहितो महता ॥१॥ युध्यमानस्य रणमुखे पतितश्चरणयो लक्ष्मीनिलयस्य । भृत्योऽहं तव स्वामिन् ! विद्याधरवंशसंभूतः ॥२॥ चन्द्रोदरस्य पुत्रोऽनुरधाकुक्षिसम्भवोऽहम् । तवाज्ञया समर्थो नाम्ना विराधितः स्वामिन् ॥३॥ विनयावनतस्य शीर्षे हस्तं दत्वा लक्ष्मणो भणति । सर्वमप्येवमेतद्वत्स ! मम मार्गतस्तिष्ठ ॥४॥ एवं भणित्वा तदा स दूषणसैन्यस्याभिमुखम् । अथ योद्धं प्रवृतो विराधितो निजबलसहितः ॥६॥ योधा योधैः समं प्रवृत्ता गजवरा सह गजैः । युध्यन्ते रथारुढाः समकं रथिकै रणशूराः ॥७॥ एतादृशे युद्धे विनिपद्यमानसुभटसंघाते । लक्ष्मीधरेण समकमालग्नो दूषणः समरे ॥८॥ भणितश्च दूषणेन ममपुत्रं मारयित्वा मध्यस्थम् । कान्तास्तनाभिलाषिन् ! पाप ! कुत्र गच्छस्यद्य ? ॥९॥ तिष्ठ-तिष्ठाभिमुखः पाप ! त्वां सुनिशितैर्बाणैः । कान्ताऽपराधकारिणं प्रेषयामि यमालयं शीघ्रम् ॥१०॥ प्रतिभणति लक्ष्मीनिलयः किं ते भट ! व्याहृतै र्बहुभिः । न चाहं व्रजामि तत्र यत्र गतो नन्दनस्तव ॥११॥ लक्ष्मीधरेणाऽऽयन्शरैः खरदूषणः कृतो विरथः । छिनधनुष्कातपत्रो ग्रह इव पतितो नभस्तलात् ॥१२॥
Jain Education Intemational