Paumchariyam Part 02

Author(s): Parshvaratnavijay
Publisher: Omkarsuri Aradhana Bhavan

Page 170

॥ ३९. देसभूसण-कुलभूसणवक्खाणं ||
अह से बहुविहतरुवर-वल्लि-लयाकुसुमगन्धरिद्धिल्लं । वच्चन्ति दसरहसुया, लीलायन्ता महाअडविं ॥१॥ देवोवणीयभोगा, सरीरउवगरणजणियमाहप्पा । धणुरयणगहियहत्था, सीहा इव निब्भया धीरा ॥२॥ कत्थइ जलहरसामा, कत्थइ गिरिधाउविहुमावयवा । कत्थइ कुसुमभरेणं, धवलवलायच्छविं वहइ ॥३॥ एवं कमेण अडविं, वोलेंताणं च तत्थ संपत्ता । वंसइरिसन्नियासं, नयरं वंसत्थलं नामं ॥४॥ ताव च्चिय नयरजणो, आगच्छइ अभिमुहो अइबहुत्तो । अन्नोन्नतुरियवेगो, दिट्ठो सहसा पलायन्तो ॥५॥ तो राघवेण एक्को, पुरिसो परिच्छिओ इमो लोगो । कस्स भएण पलायइ ?, एयं साहेहि मे सिग्धं ॥६॥ सो भणइ अज्ज दिवसो, तइओवट्टइ इमम्मि गिरसिहरे। निसुणिज्जइ अइघोरो, सद्दो लोगस्स भयजणणो ॥७॥ जइ कोइ अज्ज रत्ति, एहिइ अम्हं वहुज्जयमईओ। तस्स भएण पलायइ, एस जणो नरवइसमग्गो ॥८॥ सुणिऊण वयणमेयं, जणयसुया भणइ राघवं एवं । अम्हे वि पलायामो, जत्थ इमो जाइ नयरजणो ॥९॥ भणिया य राघवेणं, सुन्दरि ! किं सुपुरिसा पलायन्ति ? । मरणन्तिए वि कज्जे, आवडिए अहिमुहा होन्ति ॥१०॥ एवं वारिज्जन्तो, पउमो सोमित्तिणा समं चलिओ । वंसइरिस्स अभिमुहो, जणयसुयं मग्गओ ठविउं ॥११॥
३९. देशभूषण-कुलभूषणव्याख्यानम् ) अथ तौ बहुविधतरुवरवल्लिलताकुसुमगन्धर्द्धिवतीम् । गच्छतो दशरथसुतौ लीलायन्तौ महाटवीम् ॥१॥ देवोपनीतभोगौ शरीरोपकरणजनितमाहात्म्यौ । धनूरत्नगृहीतहस्तौ सिंहाविव निर्भयौ धीरौ ॥२॥ कुत्रचिज्जलधरश्यामां कुत्रचिद्गिरिघातुविद्रुमावयवाम् । कुत्रचित्कुसुमभारेण धवलातपत्रच्छविं वहति ॥३॥ एवं क्रमेणाटवीं विलङ्घतोश्च तत्र संप्राप्तौ । वंशगिरिसंनिकाशे नगरं वंशस्थलं नाम ॥४॥ तावदेव नगरजन आगच्छत्यभिमुखोऽतिबहुत्वः । अन्योन्यत्वरितवेगोदृष्टः सहसा पलायमानः ॥५॥ तदा राघवेनैकः पुरुषः परिपृष्टोऽयं लोकः । कस्य भयेन पलायते ? एतत्कथय मे शीघ्रम् ॥६॥ स भणत्यद्य दिवसस्तृतीयो वर्ततेऽस्मिन्गिरिशिखरे । निश्रूयतेऽतिघोरः शब्दो लोकस्य भयजननः ॥७॥ यदि कोऽप्यद्य रात्रिमैष्यत्यस्माकं वधोद्यतमतिः । तस्य भयेन पलायते एव जनो नरपतिसमग्रः ॥८॥ श्रुत्वा वचनमेतज्जनकसुता भणति राघवमेवम् । वयमपि पलायामहे यत्रायं याति नगरजनः ॥९॥ भणिता च राघवेन सुन्दरि ! किं सत्पुरुषाः पलायन्ते ? । मरणान्तिकेऽपि कार्य आपत्तितेऽभिमुखा भवन्ति ॥१०॥ एवं वार्यमाणः पद्मः सौमित्रिणा समं चलितः । वंशगिरेरभिमुखो जनकसुतां मार्गतः स्थापयित्वा ॥११॥
Jain Education Intemational