________________
વર્તમાનમાં સારા સાધુઓની પણ કેટલીક ખામીઓમાં શ્રાવકના વિવેકનો અભાવ કારણભૂત છે ઃ
બાપ સાથે જ્યારે મયણાને વિખવાદ થયો ત્યારે બાપે ગુસ્સે થઈને મયણાને કોઢિયા શ્રીપાલ સાથે પરણાવીને કાઢી મૂકી. ત્યાર બાદ બીજા દિવસે તેઓ બંને ગુરુ પાસે વંદન કરવા જાય છે, ત્યારે આચાર્ય ભગવંત મયણાને આ અવસ્થામાં જોઈને ચમકી ગયા; કારણ કે તેઓ જાણે છે કે આ રાજકન્યા છે. રોજ રાજરસાલા સાથે આવતી રાજકન્યાને આજે એકલી આ કોઢિયા સાથે આવેલી જોઈને પૂછે છે, કે એકલી કેમ આવી છે ? ત્યારે અત્યાર સુધી આંસુનું એક ટીપું ન પાડતી મયણા ગુરુને સ્વજન માની રડી પડે છે અને અથથી ઇતિ સુધીની વાત કરે છે. આચાર્ય ભગવંત સમજી જાય છે અને આશ્વાસન આપે છે કે તારું નસીબ હજુ જાગતું છે, આ કોઢિયો ભાવિ શાસનપ્રભાવક થશે. તેઓના સંજોગો સમજી ગયા છે, તેથી જ આચાર્ય મહારાજ ધર્માત્માં શ્રાવકને બોલાવીને કહે છે, કે આ બે ઉત્તમ ભક્તિપાત્ર ધર્માત્માઓ છે, સાધર્મિક છે. શેઠ પણ સાનમાં સમજીને તેમને ઘરે લઈ જાય છે. ફક્ત જમાડી, ચાંદલો કરી મોકલી નથી આપતા, પણ પોતાના મકાનનો અડધો ભાગ ખાલી કરીને રહેવા આપે છે, અને કહે છે કે અમને ભક્તિનો લાભ આપો અને આપ અહીં નિશ્ચિંત થઈને રહો. આમ, તેમની બધી જ સગવડ પૂરી પાડે છે. જ્યારે તમને આટલું કહીંએ કે ભક્તિપાત્ર છે, તો તમને સમજાય ખરું ? અમે મર્યાદા મૂકીને ન કહીએ ત્યાં સુધી ભક્તિ કરો ખરા ?
તમે વિવેક ચૂક્યા છો. જ્યારે અમે તમને સીધું કહીએ ત્યાર બાદ તમે જમાડો ત્યારે તે જમાડવામાં જે હિંસા થશે, તથા જમીને પણ સંસારમાં જે આરંભ-સમારંભનું પાપ કરશે, તેનું અમને પણ વાયા-વાયા પાપ લાગશે. વર્તમાનકાળમાં સાધુપણામાં જે ખામીઓ આવી છે તેમાં તમે શ્રાવકો પણ જવાબદાર છો; ફક્ત સાધુઓને વગોવવાના નથી, શિથિલતામાં બંનેનો સહયોગ છે. અમે તો પાટ પર બેઠા છીએ તેથી અમારે તો ભગવાનની આજ્ઞા પ્રમાણે જે સાચો ધર્મ છે તે બતાવવો જ પડે, અને તેની વિરુદ્ધમાં તમારી અને સાધુઓની જે ખામીઓ હોય તે પણ કહેવી પડે. નહીંતર પ્રભુનો સાચો ધર્મ અમે સ્થાપિત નહિ કરી શકીએ.
સભા ઃ- સાધુથી ઉપધાન વગેરે કરાવાય ?
લોકોત્તર દાનધર્મ “અનુકંપા”
~~~~~
૧૬૯
