________________
રાગ વગર જો આનાથી બમણી ખીર વહોરાવી હોત, વળી કદાચ શાલિભદ્ર કરતાં વધારે ઉલ્લાસપૂર્વક વહોરાવી હોત તો પણ, તે જીવ ફક્ત પુણ્ય જ બાંધત; પરંતુ શાલિભદ્રની જેમ પુણ્યનો અનુબંધ ન પાડી શકત. શાલિભદ્રનું અનુષ્ઠાન વિરાગવિવેકપૂર્વકનું છે, તેથી જ પુણ્યાનુબંધી પુણ્ય બાંધ્યું છે. જો તમે એક નવકારશી જેટલું નાનું તપ પણ વૈરાગ્ય ને વિવેકપૂર્વક કરો, તો અવશ્ય પુણ્યાનુબંધી પુણ્ય બાંધી શકો છો. અત્યારે ભલે આ ધર્મનાનો દેખાય પણ ભવિષ્યમાં ગુણાકાર રૂપે તે ખીલતો જશે.
તમને કદાચ વેપારમાં એવી લાઇન હાથમાં આવી ગઈ કે જેમાં નફાનો ગુણાકાર જ થતો હોય તો પછી ભલે શરૂઆતમાં આંકડો નાનો લાગતો હોય, પણ પછી જેમ નફો વધતો જશે તેમ તેમ ગુણાકાર થતાં નાની રકમની પાછળ કેટલાંય મીંડાં ચડ્યા કરશે. પ્રભુ આદિનાથનો જીવ ૧૧મા ભવમાં વજનાભ ચક્રવર્તી છે, તીર્થકરના પુત્ર છે. છ ખંડ જીત્યા પછી પણ મર્યલોકના ઉત્કટ ભોગોમાં લેપાયા વિના પ્રબળ વૈરાગ્યપૂર્વક દીક્ષા લઈ લાખ વરસ અતિ વિશુદ્ધ સંયમ પાળ્યું છે. ૧૪ પૂર્વનો અભ્યાસ કરી તપોબળથી વિશિષ્ટ લબ્ધિઓ પામ્યા છે. વિચારો, અત્યારે તેમના આત્માનું ગુણમય વ્યક્તિત્વ કેટલું ઊંચું છે ! પરંતુ આ જ ગુણોની શરૂઆત જે ધના સાર્થવાહરૂપ પ્રથમ ભાવમાં થઈ હતી ત્યારે તેમની પાસે નાના કણિયા જેટલા આધ્યાત્મિક ગુણો હતા, પરંતુ તે અલ્પ ગુણો શુભ અનુબંધવાળા હોવાથી દસ ભવમાં તો ગુણોના સાગર થઈ ગયા છે. સુપાત્રદાનરૂપ નાના ધર્મથી પણ ચઢતી કેવી થઈ છે! પુણ્યાનુબંધીપુણ્ય બાંધતી વખતે એક કણિયા જેટલા દયા-કરુણાના પરિણામ પરંપરાએ ગુણાકારથી દયાના સાગરરૂપે આત્મા પર છવાઈ જશે. તેથી જે ગુણ અનુબંધવાળા છે તે જ ખરા ગુણ છે. ગુણ અનુબંધવાળા જયારે તેમાં વૈરાગ્ય ને વિવેક ભળે ત્યારે જ બને. તમારે quality (ગુણવત્તા) પર જવું છે કે? quantity (જથ્થા) પર? ક્વોલીટીમાં જે ફળ છે તેનાથી આત્મા ક્યાંયનો ક્યાંય પહોંચી જાય છે! શાલિભદ્ર આગલા ભવમાં થોડી ખીર વહોરાવી પણ આ નાનું દાન તેને પરંપરાએ મોક્ષ સુધી લઈ ગયું. આવા શુભ અનુબંધવાળા નાના ધર્મથી, વિકાસનો પ્રારંભ થયા પછી આગળના વિકાસનું આયોજન પણ તેના દ્વારા જે થાય છે.
સભા - તીર્થકરોને પણ પુણ્યકર્મ સંસારમાં જકડી રાખે છે, ચારિત્ર લેતાં અટકાવે છે. તેનું શું?
સાહેબજી :- તીર્થકર ભગવાન સંસારમાં રહ્યા તેમાં પુણ્યકર્મ તેમને નથી
-
લોકોત્તર દાનધર્મ “અનુકંપા”
૨૦૫
