________________
અટકાવતું, પણ નિકાચિત ચારિત્રમોહનીયકર્મના કારણે તેઓ સંસારમાં રહ્યા છે. આ ચારિત્રમોહનીયકર્મ એ પુણ્યકર્મ નથી.
સભા ઃ- પુણ્યકર્મ પણ નિકાચિત હોય ?
:
સાહેબજી :- હા, હોય. માટે જ તેમને યશ, કીર્તિ, નામ, મોભો બધું જ મળે છે. પુણ્ય અને પાપ બન્ને નિકાચિત હોય છે. નિકાચનાયોગ્ય શુભ કે અશુભ ભાવ મનમાં હોય તો નિકાચિત પુણ્ય કે પાપ બંધાય છે. જેમ અનુબંધ-બંધ બન્ને જુદા છે, તેમ બંધ કરતાં નિકાચિતકર્મનું ફેકટર જુદું છે.
સભા ઃ- અમને બધાને સંયમ ન લેવામાં કયું કર્મ નડે છે ?
સાહેબજી :- નિકાચિતકર્મ કે બાહ્ય નિમિત્તો બન્ને તમને નડતાં નથી, પણ તમે જાતે જ તમને નડો છો. તમે છાતી પર હાથ મૂકીને કહી શકશો ખરા કે “અમે યથાશક્તિ તમામ પુરુષાર્થ આ સંસા૨થી છૂટવા માટે કરી છૂટ્યા છીએ ? અને છતાં અમે નથી છૂટી શક્યા ?' જેણે પૂરેપૂરો યોગ્ય પુરુષાર્થ કર્યો હોય અને જો ફળ ન મળે તેને નિકાચિતકર્મ નડ્યું એમ કહેવાય. તમે તો સંસાર તમને બહુ ગમે છે તેથી જ સંસારમાં બેઠા છો.
સભા :- પુણ્યનો અભાવ છે ?
સાહેબજી :- પુણ્યનો અભાવ નથી, પણ તમને જે પુણ્ય ભોગવવામાં રસ હોય છે તેને તમે કાન પકડીને ખેંચી લાવો છો, અને જે પુણ્ય નથી જોઈતું તેને તમે ધક્કો મારી બહાર કાઢો છો. પુણ્ય આરાધના માટે વિપુલ સામગ્રી આપી છે, પણ તમને આરાધનાનો રસ ન હોવાથી તેને નિરર્થક જવા દો છો.
માતા પ્રત્યે પ્રભુ મહાવીર અને ભગવાન ઋષભદેવમાં ભક્તિની એકરૂપતાઃ
સભા :- પ્રભુ મહાવીરને ચારિત્રમોહનીયકર્મ પ્રબળ નહોતું ?
સાહેબજી :- ના. પ્રભુ મહાવીરને ચારિત્રમોહનીયકર્મ ૨૮ વર્ષ પહેલાં તૂટી જાય તેવું નબળું હતું, ધારે તો દીક્ષા લઈ શકે તેવું હતું. પણ તેમણે ઉપયોગ મૂકીને જોયું કે, જે માએ હજુ મારું મોં પણ નથી જોયું છતાં આટલો પ્રબળ મોહ છે, તો જન્મ પછી સમય જતાં રાગનો ઊભરો કેટલો વધશે ? ઉપયોગ મૂકીને પ્રભુએ જોયું ત્યારે દેખાયું કે, જો હું તેમના જીવતાં દીક્ષા લઇશ તો તેઓ મારા વિરહમાં નહિ
લોકોત્તર દાનધર્મ “અનુકંપા”
૨૦૬
