________________
sion-સંક્રમણ થાય, જેથી પૂર્વના અશુભ અનુબંધની અસર આત્મા પર ન રહે. સર્પના આત્મા પર જે પણ પૂર્વનું પાપાનુબંધીપાપ છે, તેનું હવે તે વિશુદ્ધ ભાવ દ્વારા રૂપાંતર કરે છે અથવા તોડી નાખે છે, તેથી હવે પછી તેને કદી પાપનો અનુબંધ નડવાનો નથી. તમને પણ જો ધર્મ બરાબર કરતાં આવડે તો જૂના અશુભ અનુબંધો તોડી શકો છો.
જેના આત્મા પર કણિયા જેટલો પણ પાપનો અનુબંધ હોય તો તેને જોખમ સંભવિત છે, ને જેના આત્મા ૫૨ કણિયા જેટલો પણ પુણ્યનો અનુબંધ છે તેની ઉન્નતિની બાંહેધરી છે. આમ, પાપના અનુબંધથી ભાવિ અસલામતી-અધોગતિનો માર્ગ ખુલ્લો છે, અને પુણ્યના અનુબંધથી પ્રગતિ-ઉન્નતિનો માર્ગ ખૂલે છે. એટલે પાપાનુબંધીપુણ્ય સંસારમાં ડુબાડે છે, જ્યારે પુણ્યાનુબંધીપુણ્ય આગળ ચઢાવે છે. આત્માની પ્રગતિ કે અધોગતિ અનુબંધ ઉપર આધારિત છે, પણ બંધ પર નથી. તેથી જ તીર્થંકરનો ઉપદેશ એકાંતે અનુબંધલક્ષી છે.
અનુબંધની પારંપરિક શક્તિ વિચારી દયા-દાનાદિ સત્કાર્ય ગતાનુગતિક ન કરતાં આજ્ઞામુજબ કરો :
જૈન શ્રાવક કે સાધુ જિનાજ્ઞા મુજબ અનુકંપા કરે તો પુણ્યનો અનુબંધ પડે છે. પુણ્યનો અનુબંધ આત્મા પર પડે તે આશયથી દયા-દાનની પ્રવૃત્તિ કરવાની છે. સાધનામાર્ગમાં જેનો અનુબંધ સારો તે જીત્યો ને જેનો અનુબંધ ખરાબ તે હાર્યો. અનુબંધ સુધારે તેનું જ આત્મકલ્યાણ થવાનું છે, ખાલી પુણ્યબંધનો મોહ રાખવાનો નથી. ફક્ત પુણ્યનું પોટલું બાંધી લેવાય તેટલા માત્રથી હરખાવાનું નથી, પણ શુભ અનુબંધ પાડો તો જ કલ્યાણ થશે અને અમારી પણ ઉપદેશની મહેનત સફળ થશે. અત્યારે કેટલાયે ગુણિયલ આત્માઓ છે કે જેમનામાં હજારો ગુણો છે, પણ અમે તેમના ગુણોમાં શુભ અનુબંધ નથી જોતા, તેથી તેમના તે ગુણોની અનુમોદના નથી કરતા. કોઈ દયા પાળે તે સારું કામ છે, પણ તેનાથી પરંપરાએ તેના આત્માનું શું થવાનું ? તે અવશ્ય જોવું જોઈએ.
સભા ઃ- ખબર કેવી રીતે પડે ?
સાહેબજી :- ભગવાને તેના માટે નિયત ધોરણ આપેલ છે. આપણાં શાસ્ત્રો કંઈ જ છુપાવતાં નથી. તમે સમજશો તો જાતે જ નક્કી કરી શકશો. ઉદાહરણ
લોકોત્તર દાનધર્મ “અનુકંપા”
૨૦૩
