________________
અનુબંધની આધારશિલા છે. તમે જ્યાં સુધી આ બે ગુણો પર દૃષ્ટિ નહિ કરો ત્યાં સુધી શુભ.અનુબંધ નહિ પાડી શકો. - તમારી પ્રત્યેક ક્રિયા જેમ કે પૂજા, સામાયિક, ઈરિયાવહિયા, ચૈત્યવંદન, નવકારશી આદિ બધામાં વૈરાગ્ય ને વિવેક તો જોઈએ જ. દા.ત. પ્રતિક્રમણ કરો છો, તેમાં પહેલાં સમજણ એ જોઈએ કે પ્રતિક્રમણ એ પાપના પ્રાયશ્ચિત્તરૂપે છે. હવે જો તમે પાપને જ સારું માનતા હો તો પછી પ્રતિક્રમણ કરવાનો કોઈ અર્થ નથી.
તમે તો કહેશો કે રાગ કરવામાં ખોટું શું છે? દીકરો રૂપાળો હોય અને બધી રીતે અનુકૂળ હોય તો રાગ સ્વાભાવિક જ થાય. જીવનમાં બધી જ મનગમતી સાધનસામગ્રી મળી છે તો તેના દ્વારા મોજમજા તો કરીએ જ ને? પુણ્યથી મળ્યું છે તો તેને ભોગવવામાં ખોટું શું? બસ, આ જ ભૂલભરેલો દષ્ટિકોણ બદલવા તમારે જીવનમાં વૈરાગ્ય ને વિવેક કેળવવાં જોઈએ. વૈરાગ્ય ને વિવેક એવા જબરદસ્ત ગુણો છે કે જો તે અંશથી પણ પ્રગટે તો પાપનો તીવ્ર રસ જરૂર તૂટે.
સુકૃતની અનુમોદના અને દુષ્કતની ગહ કરતાં પણ પુણ્યનો અનુબંધ ત્યારે જ પડે જ્યારે તેમાં વૈરાગ્ય ને વિવેક ભળે. હકીકતમાં તો વૈરાગ્ય અને વિવેકના અભાવે જે અનુમદના કે ગઈ કરીએ તો તે બંને ઔપચારિક જ થાય. સુકૃત જેને ગમતાં નથી અને દુષ્કતો જેને ખટકતાં નથી, તેને હેય-ઉપાદેયનો વિવેક ન હોવાથી કદી સાચી સુકૃતની અનુમોદના કે દુષ્કૃતની ગહ નથી.
• સભા :- પ્રાયશ્ચિત્ત લેવું હોય તો વૈરાગ્ય ને વિવેક આવે પછી જ લેવાનું? " . સાહેબજી:- આ તો સાવ ઊલટી વાત થઇ. કાલે તમે કહેશો કે અમને વૈરાગ્ય ને વિવેક પ્રગટ્યાં નથી, તેથી હવે પછી પ્રભુની પૂજા નહિ કરીએ.
તમે ધંધો કરવા બજારમાં જાઓ ત્યારે કોઈ કહે કે તમને જાણકારી ન હોવાથી ધંધામાં નુકસાન થવાની સંભાવના છે, તો શું તમે ધંધો છોડી ઘરે જતા રહેશો? કે પછી જાણકારી મેળવવા પ્રયત્ન કરશો? ત્યાં જાણકારી મેળવવા પ્રયત્ન કરો છો
જ્યારે અહીં નાસી જવાની વાત કરો છો; કારણ કે ત્યાં તમને સાચી ધગશ છે, જયારે અહીં એવી ધગશ નથી.
દેરાસરમાં આવનાર ઘણાને હજુ વીતરાગતા ઓળખાઇ નથી, ઘણાને તે હજુ ગમી નથી કે સ્પષ્ટ સમજાઈ નથી, છતાં અહીં આવવાનું ચાલુ રાખશો તો થોડા
લોકોત્તર દાનધર્મ “અનુકંપા”
૨૩૧
