________________
મહેનતથી કેળવવા પડે છે? પુણ્યાનુબંધી પુણ્યનો વિપાક તો સહજતાથી ગુણ અનુગામી અને દોષ પ્રતિરોધક હોય છે. અત્યારે તમને પાપાનુબંધી પુણ્ય જ ઉદયમાં છે.
સભા - તે કોણ કહી શકે?
સાહેબજી :- અમે શાસ્ત્રની દૃષ્ટિએ કહીએ છીએ, કાંઈ એમ ને એમ ગપ્પા નથી મારતા; કેમ કે ભૂતકાળમાં અધ્યાત્મરહિત મિથ્યાત્વની અવસ્થામાં બાંધેલું પુણ્ય પુણ્યાનુબંધી પુણ્ય ન હોય. જોકે ભલે તમારા જૂના અનુબંધ પુણ્યના ન હોય, છતાં તે પુણ્યથી અત્યારે ઉત્તમ ધર્મસામગ્રી તો મળી જ છે, જેનાથી હવે પુણ્યાનુબંધી પુણ્યનો પ્રારંભ કરી શકો છો. તે માટે પાપની રુચિ જ તોડવાની છે. અત્યારે પુણ્ય તમને સહજતાથી ધર્મમાં ચડાવે કે સહાય કરે તેવી પરિસ્થિતિ દેખાતી નથી, પણ તેમાં પલટો જરૂર લાવી શકાય છે.
સભા :- પુણ્યાનુબંધી પુણ્ય ઉદયમાં આવે તેની નિશાની શું?
સાહેબજી -જે પુણ્ય સત્તા-સંપત્તિ અને ભોગકાળમાં પણ વૈરાગ્ય-વિવેક અને અનાસક્તિ સહજતાથી જગાડે તે પુણ્યાનુબંધી પુણ્ય કારણ કે આત્મા પરનો દોષરૂપી કચરો કાઢવાનું જ પુણ્યાનુબંધી પુણ્યનું કામ છે. પુણ્યાનુબંધી પુણ્યનું ચક્ર જેમ જેમ તમે મોક્ષમાર્ગમાં આગળ વધતા જાઓ તેમ તેમ આત્મા પરનો કચરો સાફ કરતું જાય છે. જે દિવસે આત્મા પર જરાય કચરો નહિ હોય અર્થાત્ આત્મા સર્વગુણસંપન્ન થશે, ત્યારે પુણ્યાનુબંધી પુણ્યનું ચક્ર ચાલતી પકડશે. પછી તે તમને સંસારમાં નહિ પકડી રાખે. * ઘણાની ખોટી ભ્રમણા છે કે પુણ્યાનુબંધી પુણ્ય ફસાવે છે. જો તેમ જ હોય તો તીર્થકર નામકર્મ પણ પુણ્યાનુબંધી પુણ્યનો જ શ્રેષ્ઠ પ્રકાર છે, આ પુણ્યની ફલશ્રુતિથી જે જગતના સર્વ જીવોને સાચું આત્મહિત કરવાનો માર્ગ મળે છે, આવા ઉત્કૃષ્ટ વિશ્વહિતકારક પુણ્યને પણ ત્યાજ્ય જ કહેવું પડે, પણ તેવું એકાંતે નથી. અત્યારે અમે તો તીર્થંકર નામકર્મ જેવાં હિતકારક પુણ્ય બાંધવાનો ઉપદેશ આપીએ છીએ. - પુણ્ય એ કર્મ છે, કર્મ એ બંધન છે ને બંધનમાત્ર ખરાબ છે; એવી માન્યતાથી જો તમામ પુણ્ય absolutely ખરાબ જ હોય તો કોઇએ તીર્થંકરનામકર્મ બાંધવું જ ન જોઈએ, કારણ કે એ પણ એક પ્રકારનું પુણ્યકર્મ જ છે, માટે તે બંધનરૂપ કહેવાશે. જયારે આપણે તો વાસ્તવમાં તીર્થકર નામકર્મના બંધની ઝંખના કરવાની છે. આવું
લોકોત્તર દાનધર્મ “અનુકંપા”
૨૦૧
