________________
તા. ૨૧-૮-૯૪, રવિવાર અનંત ઉપકારી, અનંત જ્ઞાની શ્રી તીર્થંકર પરમાત્મા મિથ્યાત્વરૂપી મહાપાપમાંથી બહાર કાઢવા આ ધર્મતીર્થની સ્થાપના કરે છે. મિથ્યાત્વ - પાપના અનુબંધોનું મૂળ
અનંતાનંત કાળથી આત્મા પર અજ્ઞાનરૂપી ઘોર અંધકાર છે અને આ અંધકારને પોષણ આપનારું જો કોઈ મૂળ તત્ત્વ હોય તો તે મિથ્યાત્વ છે. એકલું અજ્ઞાન બહુ નુકસાન નથી કરતું, પણ તેની અંદર જે ગેરસમજરૂપી વિકૃતિ આવે છે તે જ જીવને : ગેરમાર્ગે દોરે છે. આ કામમિથ્યાત્વનું છે. મિથ્યાત્વ સાથે પાપના અનુબંધી સંકળાયેલા છે. મિથ્યાષ્ટિને જ પાપનો અનુબંધ પડે છે. મિથ્યાત્વમાંથી નીકળીને સમકિત પામે તેને પાપનો અનુબંધ પડતો નથી.
સભા :- મિથ્યાત્વીની વ્યાખ્યા શું?
સાહેબજી :- સેંકડો રીતે કરી શકાય છે. જેમ કે “જેને જે કરવા લાયક છે તે કરવા લાયક ન લાગે, જે છોડવા લાયક છે તે છોડવા લાયક ન લાગે, જે પ્રશંસા કરવા લાયક છે તે પ્રશંસા કરવા લાયક ન લાગે, જે આચરવા લાયક છે તે આચરવા લાયક ન લાગે,” તેવી વ્યક્તિને મિથ્યાત્વી કહેવાય; ટૂંકમાં તેને હેય-ઉપાદેયનો સમ્ય વિવેક ન હોય.
દા.ત. જે આત્મકલ્યાણની દૃષ્ટિએ યોગ્ય નથી, અહિતકારી છે, છતાં પણ તેવી વાતો સાંભળવા જેવી લાગે; જેની ભક્તિ કરવા લાયક નથી તેની ભક્તિ કરવાનો ઉલ્લાસ થાય; જયાં ગુણ નથી ત્યાં ગુણનું ભાન થાય, જેમાં દોષ નથી તેમાં દોષનું ભાન થાય, આમ, એક રીતે મિથ્યાત્વ નથી હોતું પણ અનેક રીતે મિથ્યાત્વ આત્માને ભ્રમિત કરીને નચાવે છે.
૨૪૬
લોકોત્તર દાનધર્મ “અનુકંપા”
