________________
રાજઘરાનાની હોય, છતાં પણ દેરાસરનાં વાસણ માંજે, કચરો કાઢે. આમ, ત્રણ લોકના નાથની ભક્તિ જાતે કરવાની છે.
તમે ધાતુની પ્રતિમાને કઈ રીતે ઉપાડો? કેટલાક તો બાવડેથી જ ઉપાડે છે. રમકડું ઊંચકતાં હોય તેમ લે છે. જયારે આ લોકો તો પ્રભુજીની પ્રતિમાને લેતાં પહેલાં જ પોતે અડધા વળી જાય. બહુમાન સાથે પ્રભુને બે હાથમાં લે. તેમના બાહ્ય વ્યવહાર પરથી જ ખ્યાલ આવે કે તેમને પ્રભુ પ્રત્યે અત્યંત બહુમાન છે. અત્યારે તો દિવસે દિવસે શ્રદ્ધા-ભક્તિ જ ઘટતાં જાય છે. તમારા ઘરના ખરચાનાં બજેટ કેટલાં? મહિને ૧૦, ૧૫ કે ૨૦000 હશે, પણ પ્રભુની પૂજાનો ખર્ચ કેટલો? અહીંની જ. વાડકી લેવાની, પાણી જેવું કેસર પણ અહીંનું જ લેવાનું, ધૂપ-દીપ-ચામર વગેરે પણ અહીંનાં જ વાપરવાનાં. આમ, આખી પૂજા સંઘના દ્રવ્યથી કરો છો. જયારે સંસારના બધા વ્યવહાર તમારા મોભા પ્રમાણે કરશો, જરૂર પડે મોભાથી પણ . વધારે કરો. તમારી ખરી શ્રીમંતાઈ અમારે જોવી હોય તો તમારા સંસારના લગ્નાદિ. પ્રસંગે જ જોઈ શકાય, જ્યારે સાચા શ્રાવકની શ્રીમંતાઈ ને વૈભવ તો તેની પૂજા કે ધર્મઅનુષ્ઠાન પરથી દેખાઈ આવે. ઘણાની પૂજા જોતાં એમ લાગે કે જાણે , દરિદ્રનારાયણની પૂજા છે. ઘરમાં દીકરાઓને કેસરવાળાં દૂધ પીવડાવવાં છે, જ્યારે અહીંયાં જ ભાવના થતી નથી. જેટલું કુટુંબ-કબીલા-પરિવારમાં પોતીકાપણું લાગ્યું છે તેવું અહીંયાં લાગ્યું નથી. બસ, આ જ મોટી ખોટ છે.
પુણ્યાનુબંધી પુણ્યનું રહસ્યમય ધોરણ અને તેની શક્તિ ઃ
પુણ્યના જેટલા પ્રકારો છે તેમાં બધાં જ પુણ્ય હિતકારી નથી. એકલા બંધને ન વિચારતાં અનુબંધ પણ વિચારવાનો છે. પુણ્ય બાંધનારો ઘણી વખત પાપનો અનુબંધ પાડે. પુણ્ય બાંધે એટલે પુણ્યનો જ અનુબંધ પાડે એવું નથી. જો બંધ અને અનુબંધનાં ધોરણ એક જ હોય તો તમને મજા પડી જાય. પણ તેવું નથી. સત્કાર્યથી પુણ્ય બંધાય, તે પુણ્યથી મળેલ સામગ્રીનો ધર્મમાં ઉપયોગ કરે, એટલે પાછું પુણ્ય બંધાય. પણ એટલામાત્રથી તે પુણ્યને પુણ્યાનુબંધી પુણ્ય ન કહેવાય. તેને માટે જુદું ધોરણ છે.
જેમ કે આપણે બધા આ માનવભવમાં આવ્યા, તે બીજા અનેક ક્ષુદ્ર ભવોમાં રખડી રખડીને આવ્યા છીએ. સૂક્ષ્મ નિગોદમાંથી બહાર આવ્યા પછી બાદર નિગોદ
૧૯૦.
લોકોત્તર દાનધર્મ “અનુકંપા”
