Jain Dharmni Gai Kal Aaj Ane Aavti Kal

Author(s): Gunvant Barvalia
Publisher: Arham Spiritual Center

Page 9

વડીલોનો વિનય અને સદાચારનું શિક્ષણ આપી રહ્યા છે.
તે જ રીતે વેલ એજ્યુકેટેડ યુવાનો અને યુવતીઓને ભોગસુખની અસારતાનું દર્શન કરાવી તેમને વૈરાગ્યબોધ પમાડે છે, તેમજ પ્રભુના મહામાર્ગે સંયમધર્મનો સ્વીકાર કરાવે છે. સંયમમાર્ગે આવેલા આવા એજ્યુકેટેડ સંત-સતીજીઓ જ જિનશાસનની અમૂલ્ય મૂડી છે અને તે જ શાસનનું ઉજ્જવળ ભવિષ્ય છે. હજારો યુવાનો અને હજારો બાળકોને તેમણે સંસ્કારસિંચન કરીને જિનશાસન પ્રતિ શ્રદ્ધાશીલ બનાવ્યા છે.
શ્રી રાકેશભાઈ ઝવેરી (ધરમપુર) તેઓ પણ દેશ-વિદેશમાં જઈને પ્રભુ મહાવીરના ધર્મનો વ્યાપ વધારી રહ્યા છે. તેમની પ્રેરણાથી પણ હજારો યુવાનો અને યુવતીઓ પોતાની જીવનદિશાને પરિવર્તિત કરીને જૈન ધર્મ પ્રતિ શ્રદ્ધાશીલ બન્યા છે.
વર્તમાન પરિસ્થિતિની જરૂરિયાતને સમજીને અનેક જૈનસંસ્થાઓ જૈન સમાજના બાળકોને એજ્યુકેશન માટે મદદરૂપ બની રહી છે અને કેટલીય સંસ્થાઓ મેડીકલ સહાય આપી રહી છે. તે ઉપરાંત શ્વેતાંબર અને દિગંબર બંને પરંપરાના અન્ય અનેક સંતો અને સતીજીઓ જૈન ધર્મના ઉજ્જવળ ભવિષ્ય માટે પ્રયત્નશીલ બની ગયા છે.
તેમ છતાં જો જૈનસમાજના ચારે ફિરકામાંથી સંપ્રદાયવાદનું વિષ ઉતરી જાય, સમસ્ત જૈનસમાજ સંગઠિત થઈ જાય અને જૈનસમાજના ઉદારદિલા શ્રેષ્ઠીઓ સમાજના વિકાસ માટે આગળ આવે, પોતાની સંપત્તિનો સદુપયોગ જૈનસમાજ માટે કરે તો જૈનસમાજ સદ્ધર થાય, તેનો સર્વાંગી વિકાસ થાય અને સહજ રીતે જૈન ધર્મનો ભવિષ્યકાળ સુવર્ણકાળ બને તેમાં શંકાને સ્થાન નથી.
૧૪
જ્ઞાનધારા - ૧૯
બસ ! પરમાત્માનો ધર્મ જ આત્મશાંતિ અને વિશ્વશાંતિનો મહામાર્ગ છે
તેમ શ્રદ્ધાપૂર્વક સ્વીકારી આપણે સહુ પણ આપણા તન-મન-ધન શાસનને સમર્પિત કરીએ. શાસનના ઉત્થાન માટે યત્કિંચિત યોગદાન આપીએ. આ જ્ઞાનસત્રમાં ચર્ચિત વિષયો કેવળ ચર્ચા કે વિચારણાના વિષય ન બને, પરંતુ વિચારણીય પ્રત્યેક મુદ્દાઓ યથાશક્ય શીઘ્રાતિશીઘ્ર ક્રિયાન્વિત બને તેમાં જ જૈન ધર્મનું ઉજ્જવળ ભવિષ્ય છે. જૈન ધર્મની સર્વશ્રેષ્ઠતા અને સર્વોત્તમતાને સમજીને જીવમાત્ર કેવળી પ્રરૂપિત ધર્મનું શરણ સ્વીકારી શાશ્વત સુખને પામે એ જ મંગલ ભાવના. જૈનમ્ જયિત શાસનમ્.
(ગોંડલ સંપ્રદાયના તપસમ્રાટ પૂ. ગુરુદેવ શ્રી રતિલાલજી મ.સા. તથા પૂ. મુક્ત-લીલમ-વીર ગુરુણીના સુશિષ્યા પૂજ્ય સાધ્વી આરતી આગમ પ્રાણ બત્રીશીના સંપાદક છે અને જૈન વિશ્વકોશના પરામર્શક છે.)
જૈન ધર્મની ગઈકાલ, આજ અને આવતીકાલ
૧૫