________________
નારીઓ એ દિશામાં ઉજાગરપૂર્ણ કાર્યો કરી રહી છે. તેવી જ રીતે આવતીકાલની નારીઓનું પણ વિભિન્ન ક્ષેત્રોમાં મહત્ત્વનું યોગદાન રહેશે તેમાં શંકાને સ્થાન નથી. નારીમુક્તિ, નારી સ્વાતંત્ર્ય અને નારી વિકાસ એ ત્રણે બાબતો જૈનધર્મના પાયામાં છે, જે આવતીકાલના જગતને નારી સ્વાતંત્ર્યની બાબતમાં નવી દિશા ચીંધી શકે
તેમ છે.
સાધર્મિક ભક્તિ
(અમદાવાદ સ્થિત જૈન ધર્મના અભ્યાસુ ડૉ. જાગૃતિબેન ગુજરાત વિધાપીઠ સાથે સંકળાયેલા છે. જૈન સાહિત્ય સત્રોમાં નિયમિત શોધપત્રો પ્રસ્તુત કરે છે.) સંદર્ભ સૂચિ:(૧) શ્રી જિનશાસનના શ્રમણી રત્નો, સં. નંદલાલ દેવલુક (२) जैन श्राविकाओं का बृहद् इतिहास, सं. : डॉ. प्रतिभाश्री ‘प्राची' (૩) જિનશાસનની કીર્તિગાથા, કે. કુમારપાળ દેસાઈ (૪) અનોખા નારી રત્નો, લે. ડૉ. હંસાબેન ગાલા
- ગુણવંત બરવાળિયા
પૂર્વાચાર્યોએ ‘જિનશાસનમાં સાધર્મિક ભક્તિનું ઉત્કૃષ્ટ સ્થાન છે” એ વાત સમયે સમયે કહી છે. વળી, શ્રાવકના કર્તવ્યોમાં સાધર્મિક ભક્તિને એક અગત્યનું અંગ ગયું છે.
ભગવાન મહાવીરની વાણી, જિનાગમ શ્રી ભગવતી સૂત્રના સોળમાં શતકના બીજા ઉદ્દેશકના સાધર્મિકનું કથન અવગ્રહના સંદર્ભે જોવા મળે છે. સમાન ધર્મનું, એક જ ધર્મનું આચરણ કરનાર સહધર્મિકો, તે સાધર્મિક છે. તેથી એક રીતે જોઈએ તો સાધર્મિક ભક્તિ તે જિનશાસનની પ્રભાવના જ છે. આવા પ્રકારનું કાર્ય કરનાર અને લાભ લેનાર બન્નેની ધર્મમાં શ્રદ્ધા બળવત્તર બને છે.
પૂર્વાચાર્યો આચરણ દ્વારા સાધર્મિક ભક્તિની પ્રેરણા કરતાં તે ઘટનાઓ જૈન ઈતિહાસમાં સુવર્ણાક્ષરે અંકિત છે.
શાકંભરી નગરીમાં ધનાશાહ નામે શ્રાવક રહેતા હતા. નામ ધનાશાહ,
જ્ઞાનધારા - ૧૯
જૈન ધર્મની ગઈકાલ, આજ અને આવતીકાલ
૫
