________________
ખરાબ અસર પ્રેક્ષકોના માનસ ઉપર પડી હોય એવું જરા પણ લાગ્યું નહીં. આ ફિલ્મનો બીજો ભાગ ટૂંક સમયમાં જ રજૂ થનાર છે એવું જાણવા મળ્યું છે. ગીતાર્થ ગુરુભગવંતે પંડિત મહારાજ દ્વારા ફિલ્મના માધ્યમનો સ્વીકાર એ ‘નાટક’ ના ઉજ્જવળ ભવિષ્ય માટે સૂચક છે.
(૨)
ઉપમિતિભવપ્રપંચ કથા’ પરથી મુંબઈના વ્યાવસાયિક કલાકારો દ્વારા એક નાટક ભજવવામાં આવ્યું. બોરીવલીના ચીકુવાડી મેદાનમાં એક મહોત્સવ નિમિત્તે આચાર્ય શ્રેયાંસપ્રભસૂરિજીની નિશ્રામાં આ નાટક ભજવાયું.
આ બન્ને ગીતાર્થ ગુરુભગવંતો પ.પૂ. આચાર્ય રામચંદ્રસૂરીશ્વરજીના શિષ્યો છે. જૈન ધાર્મિક નાટકોનો મુખ્યત્વે વિરોધ ચન્દ્રશેખર વિજયજી અને રામચન્દ્રસૂરીજીના નામે કરાતો રહ્યો છે. આ બન્ને ગીતાર્થ ગુરુભગવંતો દ્વારા અનુક્રમે ફિલ્મ અને નાટકના માધ્યમનો સ્વીકાર એ ધાર્મિક નાટકોના ભાવિ અંગે ઘણું બધું સૂચિત કરી જાય છે.
(મુંબઈ સ્થિત જૈનદર્શનના અભ્યાસુ જ્હોની શાહ નાટ્ય લેખક, નાચ દિગ્દર્શક છે. તેઓ સ્તવનો, ભજનો, જૈનકથાગીતો અને એકાંકિતનું સુંદર આયોજન કરે છે.)
૧૪૨
જ્ઞાનધારા - ૧૯
૧૭
આવશ્યક સૂત્ર - પ્રતિક્રમણ
- પૂર્ણિમાબેન મહેતા
એક મહાન અનુષ્ઠાનને મારે ત્રણ ડાયમેન્શનમાં રજૂ કરવાનું છે ત્યારે કૃતજ્ઞતાને અભિવ્યક્ત કરવાની આ વેળા, ‘અર્થ’ થી છ આવશ્યકોના ઉદ્ધાતા શ્રી તીર્થંકર ભગવંતો, સૂત્રરચયિતા શ્રી ગણધર ભગવંતો અને નિર્યુક્તિ-ભાવા-ચૂર્ણિ, વૃત્તિકાર, પૂર્વ મહર્ષિઓને યાદ કરવા સાથે સુવિદિત ગુરુ પરંપરાનું સ્મરણ કરતાં કરતાં હું ધન્યતા અનુભવું છું અને મારા અલ્પ ક્ષયોપશમ અનુસાર હું રજૂઆત કરું છું.
‘પ્રતિક્રમણ’ શબ્દ ‘ક્રિયા’ ને સૂચવે છે. ‘આવશ્યક’ શબ્દનો અર્થ - સાધુ, શ્રાવક આદિ ચતુર્વિધ સંઘે અવશ્ય કરવા યોગ્ય જ્ઞાનાદિ ગુણોને તથા મોક્ષને પ્રાપ્ત કરે તે આવશ્યક છે. ‘અનુયોગદ્વાર સૂત્ર'માં આવશ્યકના પર્યાય શબ્દો આ પ્રમાણે દર્શાવેલ છે - આવશ્યક, અવશ્ય કરણીય, ધ્રુવ, નિગ્રહ, વિશોધિ, અધ્યયનષડ્વર્ગ, ન્યાય, આરાધના અને માર્ગ.
જૈન ધર્મની ગઈકાલ, આજ અને આવતીકાલ
૧૪૩
