________________
એવાં જ એક વીરલ વિભૂતિ સંત મહાત્મા એટલે કે રાજસ્થાનની ભૂમિમાં વિચરતાં શાલિભદ્ર મ. સાહેબ. તેમનો જન્મ ગર્ભશ્રીમંત કુટુંબમાં થયો હતો. યુવાન વયે ધંધાર્થે દેશવિદેશમાં પુષ્કળ ફર્યા. અઢળક જાહોજલાલી.... પરંતુ માતાના એક વેણે તેમની જિંદગી બદલાવી દીધી અને સંયમના પંથે પ્રયાણ કર્યો. દીક્ષા લઇ ચારિત્રધર્મનું ઉત્કૃષ્ટમાં ઉત્કૃષ્ટ પાલન કરી રહ્યા છે. અખંડ મૌનની સાધના, કાયક્લેશ અને કઠોર તપશ્ચર્યાનો ત્રિવેણી સંગમ તેમના સાધુજીવનમાં જોવા મળે છે.
આવા તો કેટલાય નામી - અનામી સાધુ ભગવંતોના ચારિત્રધર્મની સુવાસ ભારતની ભૂમિ પર પ્રસરી રહી છે. એવી જ રીતે દેશિવરતિરૂપ ઉત્કૃષ્ટપણે શ્રાવક ધર્મ પાળનારા શ્રાવક-શ્રાવિકાઓ પણ આજે જોવા મળે છે. પરંતુ તેઓનું જાહેર જીવન પ્રકાશિત ન હોવાથી વિશેષ ખબર પડતી નથી.
ચારિત્ર ધર્મની આવતી કાલ :
આજે સાંપ્રત સમયમાં ચારિત્ર ધર્મ અંગીકાર કરનારની સંખ્યામાં વધારો તો થયો જ છે, સાથે સાથે સુશિક્ષિત વર્ગ પણ જોડાઇ રહ્યો છે, જે ઉજ્જવળ ભવિષ્યનો શુભ સંકેત બતાવે છે. જૈનદર્શનાનુસાર પાંચમા આરાના અંતે દુપસહ નામના આચાર્ય, ફાલ્ગુની નામના સાધ્વી તેમ જ જિનદાસ શ્રાવક અને નાગશ્રી નાગે શ્રાવિકા થશે. અર્થાત્ ચારિત્ર ધર્મ તો રહેવાનો જ છે, પરંતુ આગામી પેઢીના વારસદારમાં જૈનધર્મના સંસ્કારો સુર્દઢ કરવા અત્યંત જરૂરી છે. કારણ કે આજનું બાળક ભાવિનો ભગવાન છે.
આજનો યુગ ભૌતિક વિકાસ અને વિજ્ઞાનનો યુગ છે. ધર્મના સંસ્કારો તો જૈન શાળા જ આપી શકે છે. પરંતુ બાળકોને માત્ર વડીલોના આદેશથી કે સાધુ
39
જ્ઞાનધારા - ૧૯
સંતોના ઉપદેશથી ધર્મ તરફ વાળવા સરળ નથી કારણ કે બાળકોને આકર્ષવા માટે આજે નવા નવા પુષ્કળ ગેઝેટ્સ ચારે બાજુ વિકસી રહ્યાં છે. ત્યારે આ ઇલેક્ટ્રોનિક્સના યુગમાં બાળકોને આકર્ષવા જૈનશાળામાં પણ આવા સાધનો વસાવવા પડશે. અન્ય આકર્ષણો તરીકે ચિત્રકળા, નૃત્યકળા, સંગીત વગેરેના વર્ગોને પણ જૈનશાળામાં પ્રાધાન્ય આપવું પડશે.
જૈનદર્શનના પાયાના સિદ્ધાંતો વિનય-વિવેક, સત્ય, અહિંસા, સંયમ શિષ્ટાચાર વગેરે ગુણોને નાનપણથી બાળકમાં રોપવાનું તેમ જ ક્રમે ક્રમે તેમાં વિકાસ કરવાનું કાર્ય જૈનશાળા જ કરી શકે છે, જેથી જૈનશાળાના જ્ઞાનદાતા પણ પ્રશિક્ષિત હોવા જોઇએ કારણ કે જમાના સાથે તાલ મેળવવા નિતનવી ટેકનિકથી જૈનશાળાને ધબકતી રાખવી જરૂરી છે.
દીર્ઘદૃષ્ટા, પરમ ઉપકારી રાષ્ટ્રસંત પૂજ્ય ગુરુદેવ શ્રી નમ્રમુનિ મ. સાહેબે આજની પાઠશાળાઓની સ્થિતિ જોઇને, જૈનધર્મના ભવિષ્યને નજરમાં રાખી બાળમાનસ અનુરૂપ ‘Look N Learn’ જૈનજ્ઞાન ધામની સ્થાપના કરી છે. દશ્ય અને શ્રાવ્ય પદ્ધતિ વડે અપાતું શિક્ષણ બાળકોના વર્તન અને જીવનશૈલીમાં ઝડપથી પરિવર્તન લઇ આવે છે. આ કારણે Look N Learn ની લોકપ્રિયતા દિવસે દિવસે વધવા લાગી છે. ભારતથી દૂર યુ.એસ., દુબઇ, સુદાન, મલેશિયા વગેરે દેશોમાં પણ Look N Learn જ્ઞાનધામ દ્વારા બાળકોને જૈન ધર્મના સંસ્કારો પ્રાપ્ત થતાં આગામી પેઢીના વંશ વારસદારને પણ સ્વાભાવિકપણે જૈનધર્મના સંસ્કારો મળી રહેશે.
આજે સામાજિક, આર્થિક પરિસ્થિતિ બદલાઇ ગઇ છે. દેશવિદેશોમાં જૈનબંધુઓ વસવાટ કરી રહ્યાં છે ત્યારે સાધુજીની સમાચારી અને સંયમજીવનની
જૈન ધર્મની ગઈકાલ, આજ અને આવતીકાલ
