________________
તેમજ કાલી, સુકાલી, કૃષ્ણા આદિ ૧૦ રાણીઓ આદિ અનેક નારીઓનો ઉત્તમ, વૈભવશાળી કુળમાં જન્મ હોવા છતાં ભૌતિક સુખોની નશ્વરતા જાણી દીક્ષા અંગીકાર કરી. જ્ઞાન અને તપની ઉત્કૃષ્ટ આરાધનાઓ દ્વારા ધર્મમય બનીને કર્મોની નિર્જરા કરી પોતાનું જીવન ઊર્ધ્વગામી કર્યાનું વર્ણન આગમગ્રંથોમાં ઉપલબ્ધ છે, જે નારીમાં શ્રદ્ધા, ચરિત્ર અને શક્તિના ગુણો પુરવાર કરે છે. તે સમયની શ્રાવિકઓમાં પણ જયંતી, રેવતી, સુલસા આદિ નામો પ્રસિદ્ધ છે. કૌશાંબીના રાજાની ધર્મતત્ત્વની જાણકાર પુત્રી શ્રાવિકા જયંતી મહાન વિદૂષી હતા. તે વીરપ્રભુની ધર્મસભામાં નિઃસંકોચ પ્રશ્ન પૂછતી. શ્રાવસ્તી નગરીની રેવતી શ્રાવિકા પ્રભુના ઉપદેશ અને સિદ્ધાંતો પર દેઢ વિશ્વાસ ધરાવતી હતી. તે દાનધર્મની ઉદાત્ત ભાવના ભાવનાર નારી સ્વયં ઔષધિ બનાવવાની કળામાં નિપુણ હતી. તેની બનાવેલી ઔષધિ વડે આસપાસના વ્યાધિગ્રસ્તો તેમજ સાધુ-પરિવ્રાજકો પણ પોતાના શારીરિક કષ્ટ દૂર કરતાં. તો સુલસાજી પોતાના શુભ કર્મોનાં કારણે તીર્થંકર નામકર્મ ઉપાર્જિત કર્યુ, જેઓ આગામી ચોવીસીમાં સોળમાં તીર્થંકર પદને પ્રાપ્ત કરશે. એક નારી પોતાના પુરુષાર્થના જોરે ઉત્થાન પામી તીર્થંકર અને સિદ્ધપદને પામી શકે છે.
મહાવીરકાલીન નારીઓમાં ચંદનબાળાનું ચરિત્ર જાજ્વલ્યમાન છે. જે ત્યાગ, તપસ્યા, ધૈર્ય, સહિષ્ણુતાની સાથે પોતાના લક્ષ્ય પર અડગ રહેતી હતી. તેઓશ્રી તીર્થંકર મહાવીરના શ્રમણ-સંઘની ૩૬૦૦૦ સાધ્વીઓનું સફળ નેતૃત્વ કરનાર નારી અંતે મુક્તિપદને પામી ગયા. એ યુગની નારીઓ દરેક કઠિન પરિસ્થિતિઓમાં સંયમ અને વિવેકથી પોતાના કર્તવ્યનું પાલન કરતી. વિનય, સેવા, સમર્પણ, ત્યાગ, દાન, ધર્મ આદિ તેમના સ્વાભાવિક ગુણો રહેતા. પોતાની સમક્ષ ઉત્પન્ન આપત્તિઓને કર્મનું ફળ, કર્મનો ઉદય માની સાહસ અને ધૈર્યથી સામનો કરતી.
ta
જ્ઞાનધારા - ૧૯
તીર્થંકર મહાવીરસ્વામીનાં નિર્વાણથી વર્તમાન સમયની નારીઓ :
મહાવીરસ્વામી પછી તેમના શાસનની ધુરા પાંચમા ગણધર સુધર્માસ્વામીએ સંભાળી. વીર નિર્વાણ ૧માં શ્રેષ્ઠી જંબુકુમાર સાથે તેમની માતા ધારિણીદેવી, સમુદ્રશ્રી, પદ્મશ્રી, પદ્મસેના આદિ ૮ શ્રેષ્ઠી કન્યાઓ કે જેઓ સર્વ કળાઓમાં નિપુણ, સૌંદર્યવતી, ગુણવતી હતી અને લગ્નની પ્રથમ રાત્રિએ જ પતિ જંબુકુમારથી પ્રતિબોધિત પામી હતી તે આઠેય પત્નીઓ, આઠે પત્નીઓની માતાઓ કુલ ૧૭ નારીઓ દીક્ષિત થઇ.
ધારિણી (બીજી) જે રાજા પાલકના નાના પુત્રની પત્ની હતી. ગુણવંતી અને રૂપવંતી હોવાના કારણે સતીત્વની કસોટી આવી. પોતાના શીલની રક્ષા કાજે રાજ્યનો ત્યાગ કરી કૌશાંબીમાં સાધ્વી-સમુદાયમાં ભળી દીક્ષા લઇ ઉત્તમ આત્મકલ્યાણ સાધ્યું.
મહાસતી ચંદનબાળા પછી યક્ષા, યક્ષદત્તા, ભુતા, ભૂતદત્તા આદિ સ્થૂલિભદ્રની ૭ બહેનો, નંદરાજાની પુત્રી સુપ્રભા, પૂર્ણમિત્રા, સાધ્વી સરસ્વતી, ધનપાલ શ્રેષ્ઠીની પુત્રી સુનંદા, ધનકુબેર દેવની પુત્રી રુક્મિણી આદિ અનેક સાધ્વીઓ, શ્રાવિકાઓનાં જીવન શ્રેષ્ઠ દષ્ટાંતરૂપ છે. તે સમયે ગૃહસ્થ નારીઓ ઉપાશ્રયમાં જઇ સાધુ-સાધ્વીઓ પાસે ધર્મચર્ચા સાંભળતી તથા વ્રત, તપ આદિમાં સદા જાગ્રત રહેતી. આમ, જૈન નારીઓ સમય આવ્યે કોઇપણ કસોટીઓનો સહજપણે સામનો કરતી જણાય છે. તે ઉપરાંત અન્ય ગુણો પણ સમય સમય પર પ્રગટ થયેલા જણાય છે, જે નીચે પ્રમાણે છે ઃ
નારી - ત્યાગ અને પ્રેરણારૂપ :- યુગપ્રધાન આચાર્ય આર્યરક્ષિત અને ભાઇ મુનિ ફાલ્ગુનરક્ષિતના માતા રુદ્રસોમા જૈન ધર્મની શ્રાવિકા હતા. તે વિદ્યાભ્યાસ
જૈન ધર્મની ગઈકાલ, આજ અને આવતીકાલ
UG
