________________ 1030 अंग-पविट्ठ सुत्ताणि णेरइया णं भंते ! कओ उववज्जति०? एवं जहा ओहियणेरइयाणं वत्तव्वया सच्चेव रयणप्पभाएवि भाणियव्वा जाव णो परप्पओगेणं उववज्जति, एवं सक्करप्पभाएवि, एवं जाव अहेसत्तमाए, एवं उववाओ जहा वक्तीए, असण्णी खल पढमं दोच्चं व सरीसवा तइय पक्खी / गाहाए / उववाएयत्वा, सेसं तहेव / खुड्डागतेओग-णेरइया णं भंते ! कओ उववज्जति किं रइएहितो०? उववाओ जहा वक्कंतीए, ते णं भंते ! जीवा एगसमएणं केवइया उववज्जति ? गोयमा! तिण्णि वा सत्त वा एक्कारस वा पण्णरस वा संखेज्जा वा असंखेज्जा वा उववज्जति, सेसं जहा कडजुम्मस्स, एवं जाव अहेसत्तमाए / खुड्डागदावरजुम्मणेरइया गं भंते ! कओ उववज्जंति० ? एवं जहेव खुड्डागकडजुम्मे णवरं परिमाणं दो वा छ वा दस वा चउद्दस वा संखेज्जा वा असंखेज्जा वा सेसं तं चेव, एवं जाव अहेसत्तमाए / खड्डागकलिओगणेरइया णं भंते ! कओ उव. वज्जति० ? एवं जहेव खुड्डागकडजुम्मे णवरं परिमाणं एक्को का पंच वा णव वा तेरस वा संखेज्जा वा असंखेज्जा वा उववज्जंति, सेसं तं चेव, एवं जाव अहेसत्तमाए / सेवं भंते ! 2 त्ति जाव विहरइ // 828 // 31-1 // कण्हलेस्स. खड्डागकडजुम्मणेरइया णं भंते ! कओ उववज्जति० ? एवं चेव जहा ओहियगमो जाव णो परप्पओगेणं उववज्जति, णवरं उववाओ जहा वक्कतीए, धूमप्पभापुढविणेरइया णं सेसं तहेव, धूमप्पभापुढ विकण्हलेस्सखुड्डागकडजम्म. रइया णं भंते ! कओ उववज्जति० ? एवं चेव गिरवसेसं, एवं तमाएवि एवं अहेसत्तमाएवि, णवरं उववाओ सन्चत्य जहा वक्तीए / कण्हलेस्सखड्डागतेओगणेरइया णं भंते ! कओ उववज्जति० ? एवं चेव णवरं तिण्णि वा सत्त वा एक्कारस वा पण्णरस वा संखेज्जा वा असंखेज्जा वा सेसं तहेव एवं जाव अहेसत्तमाएवि / कण्हलेस्सखुड्डागदावरजुम्मणेरइया णं भंते ! कओ उव. वज्जति ? एवं चेव णवरं दो वा छ वा दस वा चउद्दस वा सेसं तं चेव, एवं धूमप्पभाएवि जाव अहेसत्तमाएवि / कण्हलेस्सखुड्डागकलिओगणेरइया णं भंते ! कओ उववज्जति० ? एवं चेव णवर एक्को वा पंच वा णव वा तेरस वा संखेज्जा वा असंखेज्जा वा सेसं तं चेव, एवं धूमप्पभाएवि तमाएवि अहेसत्त. माएवि / सेवं भंते ! 2 त्ति // 26 // 31-2 // णीललेस्सखुड्डागकडजुम्म.
