Angpavittha Suttani

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 1461

1448 अंग-पविटु सुत्ताणि करेंति....तं होउ णं दारिया देवदत्ता णामेणं / तए णं सा देवदत्ता दारिया पंचधाईपरिग्गहिया जाव परिवइ / तए पं सा देवदत्ता दारिया उम्मुक्कबालमावा जोवणेण य रूवेण य लावणेण य जाव अई. उक्किट्ठा उक्किट्ठसरीरा जाया यावि होत्था / तए गं सा देवदत्ता दारिया अण्णया कयाइ हाया जाव विभूसिया बहूहि खुज्जाहि जाव परिक्खित्ता उप्पि आगासतलगंसि कणगतिदूसेणं कीलमाणी विहरइ / इमं च गं वेसमणदत्ते राया हाए जाव पाय. च्छित्ते विमूसिए आसं दुरुहित्ता बहूहि पुरिसेहिं सद्धि संपरिबुडे आसवाहणि. याए णिज्जायमाणे दत्तस्स गाहावइस्स गिहस्स अदूरसामतेणं वीईवयइ / तए णं से वेसमणे राया जाव वीईवयमाणे देवदत्तं दारियं उप्पि आगासतलगंमि कणगतिदूसेणं कीलमाणि पासइ, देवदत्ताए दारियाए जोवणेण य रूवेण य लावणेण य जाव विम्हिए कोडुबियपुरिसे सद्दावेइ 2 ता एवं वयासी-कस्स णं देवाणप्पिया ! एसा दारिया कि वा णामधेज्जेणं ? तए णं ते कोडंबियपुरिसा वेसमणरायं करयल० एवं वयासी-एस गं सामी ! दत्तस्स सस्थवाहस्स धूया कण्हसिरीए भारियाए अत्तया देवदत्ता णामं दारिया जोवणेण य रूवेण य लावण्णण य उक्किट्टा उक्किटुसरीरा / तए णं से वेसमणे राया आसवाहणियाओ पडिणियत्ते समाणे अमितरठाणिज्जे पुरिसे सहावेइ 2 त्ता एवं वयासी-गच्छह गं तुम्भे देवाणप्पिया ! दत्तस्स धयं कण्हसिरीए भारियाए अत्तयं देवदत्तं दारियं पूसणंदिस्स जुवरणो भारियत्ताए वरेह, जइवि सा सयंरज्जसुक्का। तए णं ते अभितरठाणिज्जा पुरिसा वेसमणेणं रण्णा एवं वुत्ता समाणा हट्टतुट्ठा करयल जाव पडिसुर्णेति 2 ता व्हाया जाव सुद्धप्पावेसाई.....सपरिवडा जेणेव दत्तस्स गिहे तेणेव उवागच्छित्था / तए गं से दत्ते सत्थवाहे ते पुरिसे एज्जमाणे पासइ 2 ता हटतुट्ट० आसणाओ अब्भठेइ 2 ता सत्तट्ठ पयाई पच्चुग्गए आसणेणं उवणिमंतेइ 2 ता ते पुरिसे आसत्थे वीसत्थे सुहासणवरगए एवं वयासी-संदिसंतु णं देवाणु प्पिया ! कि आगमप्प ओयणं ? तए गं ते रायपुरिसा दत्तं सत्यवाहं एवं वयासी-अम्हे णं देवाणप्पिया ! तव धूयं कण्हसिरीए अत्तयं देवदत्तं दारियं पूसणंदिस्स जुवरण्णो भारियत्ताए वरेमो / तं जइ णं जाणासि देवाणुप्पिया ! जुत्तं वा पत्तं वा सलाहणिज्ज वा सरिसो वा संजोगो दिज्जउ गं देवदत्ता भारिया पूसणंदिस्स