Angpavittha Suttani

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 1412

पहावागरणं सु. 2 अ. 5 1399 संभचेरगुत्ते / पंचमगं आहारपणीयणिद्ध भोयणविवज्जए संजए सुसाहू ववगयखीर-दहिसप्पिणवणीयतेल्ल-गुलखंडमच्छंडिगमहुमज्जमंसखज्जगविगइपरिचत्त. कयाहारे ण दप्पणं ण बहुसो ण णि इगं ण सायसूपाहियं ण खद्धं तहा भोत्तन्वं जहा से जायामाया य भवइ / ण य भवइ विन्भमो ण भसणा य धम्मस्स, एवं पणीयाहारविरइ समिइजोगेण भाविओ भवइ अंतरप्पा आरयमणविरयगाम. धम्मे जिइंदिए बमचेरगुत्ते / एवमिणं संवरस्स दारं सम्म संवरिय होइ सुपणिहियं इमेहिं पंचहि वि कारणेहि मणवयणकायपरिरक्खिएहिं णिच्चं आमरणंतं च एसो जोगो यन्वो धिइमया मइमया अणासवो अकलसो अच्छिद्दो अपरिस्सावी असंकिलिट्ठो सुद्धो सव्वजिणमणुण्णाओ / एवं चउत्थं संवदारं फासियं पालियं सोहियं तीरियं किट्रियं आराहियं आणाए अणुपालियं भवइ, एवं णायमणिणा भगवया पण्णवियं परूवियं पसिद्धं सिद्धवरसासमिणं आघवियं सुदेसियं पसत्थं, चउत्थं संवरदारं समत्तंतिबेमि // 27 // ॥.चउत्थं अज्झयणं समत्तं / / पंचमं अज्झयणं ___ जंबू ! अपरिग्गहसंवडे य समणे आरंभपरिगहाओ विरए, विरए कोहमाणमायालोहा एगे असंजमे दो चेव रागदोसा तिणि य दंडगारवा य गुत्तीओ तिण्णि तिणि य विहिणाओ चत्तारि कसाया झाणसण्णाविकहा तहा य हंति चउरो पंच य किरियाओ समिइइंदियमहव्वयाइं च छज्जीवणिकाया छच्च लेसाओ सत्त भया अटु य मया णव चेव य बंभचेरवयगुत्ती दसप्पगारे य समणधम्मे एकारस य उवासगाणं बारस य भिक्खपडिमा किरियठाणा य भयगामा परमाधम्मिया गाहासोलसया असंजमअबंभणायअसमाहिठाणा सबला परिसहा सूयगडज्झयणदेवभावणउद्देसगणपकप्पपावसुयमोहणिज्जे सिद्धाइगुणा य जोगसंगहे तित्तीसा आसायणा सुरिदा आदि एक्काइयं करेत्ता एक्कुत्तरियाए वड्ढीए तीसाओ जाव उ भवे तिगाहिया विरईपणिहीसु अविरईसु य एवमाइसु बहूसु ठाणेसु जिणपसत्थेसु अवितहेसु सासयभावेसु अवट्ठिएसु संकं कंखं गिराकरेत्ता सद्दहए सासणं भगवओ अणियाणे अगारवे अलुद्धे अमूढमण. वयणकायगुत्ते॥२८॥जो सो वीरवरवयणविरइपवित्थरबहुविहप्पयारो सम्मत्त.