________________
જીવનનાં પ્રારંભિક વર્ષોમાં તેઓ શ્રીમની નિશ્રામાં જ રહેવાનું સૌભાગ્ય સાંપડ્યું, જેથી તેઓ શ્રીમન્ના બાહ્ય અને આભ્યન્તર વિશાળ ગુણવૈભવની કંઈક ઝાંખી થઈ. બહુરત્ના વસુંધરા. આજે પંચમકાળમાં પણ, અચાન્ય આરાધનાઓમાં સારી રીતે આગળ વધેલા મહાત્માઓનાં દર્શન થાય છે. કોક ત્યાગી છે, કોક તપસ્વી છે, કોક વિદ્વાન છે, કોક પરમાત્મભક્ત છે, કોક પ્રભાવક પ્રવચનકાર છે, કોક લેખક છે, કોક બહોળો શિષ્ય-પરિવાર ધરાવે છે. પણ પૂજ્યપાદશીમાં તો બધી જ સાધનાઓનો સરવાળો થયો છે; જે આ વિષમકાળમાં ઘણી જ વિરલ ઘટના છે. પંચાચારના પાલનમાં અત્યંત અપ્રમત્તતા,અર્થ-કામની વૈભવી છોળો વચ્ચે રહેલા કૉલેજિયન યુવકોને પણ વૈરાગ્યભીના કરી, સંયમમાર્ગ સુધીની ભાવનામાં ઉલ્લસિત કરી દે એવી પ્રવચનધારા,તપ-ત્યાગ અને તિતિક્ષા તો ખરાં જ.વળી, તેઓશ્રી પાસે ઘણા ગ્રન્થોનું અધ્યયન પણ કરવા મળ્યું. ન્યાય-પરિકર્મિત સૂક્ષ્મ પ્રજ્ઞાના કારણે શાસ્ત્રોનાં યથાર્થ રહસ્યો કાઢવાની ભારે સૂઝ...ને સાથે સાથે સર્વશનાં શાસ્ત્રો પ્રત્યેની પ્રબળ શ્રદ્ધાપ્રયુક્ત પરિપૂર્ણ વફાદારીનાં પણ તેઓશ્રીમાં. દર્શન થયાં... આ બધાના કારણે તેઓ શ્રીમદુનું પણ એક વિશિષ્ટ પૂજ્ય સ્થાન મારા દિલમાં આકાર પામ્યું.
હવે, આ બન્ને પૂજનીય ધુરંધર મહાપુરુષો વચ્ચે ઇઝફળસિદ્ધિ' વગેરે શાસ્ત્રીય વાતો અંગે મતભેદ થવાથી ચર્ચાઓ ચાલી. પહેલાં પત્રવ્યવહાર દ્વારા વિચારણા ચાલી, પછી સામયિકો વમાં પણ પોતપોતાના અભિપ્રાયોનું જાહેર પ્રતિપાદન થવા માંડયું.
વિર્ય પૂજ્યપાદ જયસુંદરવિજય મ.સા.ના પણ આ વિષયક લેખો પ્રકટ થયા. અનેક પ્રકરણ, આગમ, ન્યાયશાસ્ત્રોનાં અધ્યયન-અધ્યાપનમાં તથા મહોપાધ્યાય શ્રીમદ્ યશોવિજયજી મહારાજના અધ્યાત્મમત પરીક્ષા વગેરે ગ્રન્થોનો ભાવાનુવાદ કરવામાં કરેલા પરિશ્રમના કારણે દેવગુરુની કૃપાથી મારો પણ કંઈક ક્ષયોપશમ ખીલેલો. તેથી, હું પણ આ વિષયમાં કંઈક લખું એવી કેટલાકની અપેક્ષા પણ હતી.તેમ છતાં,નીચેનાં કારણોએ હું આ બાબતમાં પડવા માગતો નહોતો – પક્યો નહોતો (૧) પૂજ્ય ઉપાધ્યાયજી મહારાજના ગ્રન્થોના ભાવાનુવાદ - સંપાદન વગેરે કાર્યોમાં વ્યસ્તતા... (૨) બન્ને આચાર્ય ભગવંતો સમર્થ વિદ્વાનું છે, છતાં નિર્ણય નથી થઈ શકતો એટલે આ વિષય વધુ ગહન-સૂક્ષ્મ હશે. મારું એમાં ગજુ નહીં એવી થોડીઘણી ધારણા. (આ વિષયનો નિર્ણય નથી આવતો તે આ વિષયની
. 12
