________________
અર્થ-કામ માટે શું કરવું? ધર્મ જ]
[ ૯૭ પડશે. ખરેખર બાપ ઘર્મપરિણત હોય અને હિતેચ્છુ હોય તો એ પુત્રને ધર્મમાં જોડવા માટે - સ્થિર કરવા માટે એમ જ સમજાવે કે “જો બેટા ! તું આ શ્રી જિનપૂજા કર. તો દુર્ગતિની રિબામણમાંથી બચીશ, સદ્ગતિ પામીશ... આત્માનું કલ્યાણ થશે.” (જો કે ધર્મપરિણત બાપ તો એને જોડવા માટે એવું પણ કહે કે બેટા !જિનપૂજા કર, તો આલોક-પરલોકમાં બધી જાતની સંપત્તિ પામીશ. ઈત્યાદિ.” કેમ કે શ્રી ઉપમિતિ વગેરે ગ્રંથમાં પણ આ રીતે પણ જે ધર્મમાં જોડાતા હોય તો જોડવાનું વિસરાત્ર શો યા નતુ ઈત્યાદિ શ્લોકોથી કહ્યું છે. પણ તેમ છતાં તમે બધા એનાથી ભડકો છો, માટે હું નથી લખતો.) એને આ રીતે સમજાવવાનો બધો પ્રયાસ કરે, પણ એ વખતે, “જો મોક્ષનો આશય નહિ હોય તો તું જિનપૂજાથી ડૂબીશ.” ઈત્યાદિ તો ન જ કહે. આશયનો ઉલ્લેખ સુધ્ધાં ન કરે.
હા, એ જ ધર્મપરિણત બાપનો બીજો પુત્ર કે જે જિનપૂજા ધર્મમાં સ્થિર થઈ ગયો છે, થોડીઘણી પ્રતિકૂળતાઓ આવે તો પણ જિનપૂજા તો હું કરીશ જ.જિનપૂજા કર્યા વગર રહેવાય જ શી રીતે? ઈત્યાદિ અભિપ્રાય જેનો ઊભો થઈ ગયો છે, તેમ જ ધર્મને સમજવાની કંઈક યોગ્યતા પણ આવી ગઈ છે; તેવા પુત્રને પછી એ જિનપૂજાનું વિશિષ્ટતમ કોટિનું ફળ પામી શકે એ માટે એને સમજાવે કે “જો બેટા ! આ તું જિનપૂજા કરે છે એ પણ મોક્ષની ઈચ્છાથી જ કરજે. બીજી કોઈ આડીઅવળી ઈચ્છાઓ રાખીશ નહિ; નહિતર તારી આ જિનપૂજા એળે જશે નિષ્ફળ બની જશે, આત્મહિત સાધી નહિ આપે? આવું બધું પણ એને તો જ કહે કે જો બાપને એના સ્વભાવનો ખ્યાલ આવી ગયો હોય કે આવું કહેવાથી પણ એ જિનપૂજાને તો નહિ જ છોડે, પણ આશયશુદ્ધિ કરવાનો પ્રયાસ કરશે.
વળી, બાપને જો એવો ખ્યાલ પણ હોય કે “છોકરો આમ લાયક છે, પણ આ બાબતમાં થોડો બેદરકાર છે, ઉપેક્ષાવાળો છે, માટે જરાક ભારે શબ્દોમાં કહીશ તો એ મગજ પર લેશે અને આશયશુદ્ધિ કરી શકશે.” તથા
આવી વાત સાંભળીને, “એમ ! આડીઅવળી ઈચ્છાના કારણે પરિણામે મારે દુર્ગતિમાં જવું પડશે? તો તો પછી મારે ધર્મ જ નથી કરવો. આવો વિચાર કરીને ધર્મને છોડી દે તેવો આ નથી. આવો નિર્ણય પણ પિતાને હોય તો પછી આ રીતે પણ કહે કે બેટા ! તું આ શું કરે છે? આવી સુંદર જિનપૂજા
