________________
તેમ છતાં, ડૉ.એને બેહોશી માટેના ઉપાય તરીકે પણ ક્લોરોફોર્મ સૂંઘાડવાની કે ઇજેકશન મારવાની દવાનો ઉપાય જ દર્શાવશે.
આમ, “દવા અનારોગ્ય માટેય લેવાય” એવું ન કહેવાતું હોવા છતાં અનારોગ્ય (બેહોશી) માટે પણ દવા જ લેવી એવું જેમ કહી શકાય છે, એમાં કોઈ વિરોધ કે અસંગતિ નથી, તેમ “ધર્મ સાંસારિક ચીજ માટેય કરાય એવું કહેવાતું ન હોવા છતાં “સાંસારિક ચીજ માટે પણ ધર્મ જ કરાય” એવું કહી જ શકાય છે, એમાં કોઈ વિરોધ કે અસંગતિ નથી. ઉપરના દષ્ટાન્તનો ઉપાય - ડૉ.=ગીતાર્થ સદ્દગુરુ. પેલો માણસ = સંસારી જીવ.બેહોંશીરૂપ-અનારોગ્ય = ધન વગેરે રૂપ સાંસારિક ચીજ.ભૂસકો મારવો વગેરે =આરંભ-સમારંભના ધંધા - લૂંટફાટ વગેરે. ક્લૉરોફોર્મ વગેરે દવા = ધર્મ. આ દૃષ્ટાન્તના ઉપનય પરથી અમારા પ્રતિપાદનનું તાત્પર્ય સમજી લેવું જોઈએ. .
પણ ડૉ. બેહોશી માટે દવા લેવાનું જે કહે છે, તે દર્દીને બેહોશ કરી, ઑપરેશન કરી વધુ આરોગ્ય બક્ષવા માટે જ કહે છે આવી દલીલનું સમાધાન એ જાણવું કે “ગીતાર્થ સદ્ગુરુ અર્થ-કામ માટે પણ ધર્મ જ કરવાનું જે કહે છે તે સામો જીવ ધર્મ દ્વારા અર્થ-કામ પામી એમાં જ ફસાઈ જાય એવી ઇચ્છાથી નહીં, પણ આ રીતે એની ધર્મ પ્રત્યેની શ્રદ્ધા - રુચિ વગેરે પેદા કરી - વધારી અને મોક્ષમાર્ગમાં આગળ વધારવા માટે જ.”
વળી બેહોશી માટે પણ દવા જ લેવાય એવા વચનનું તાત્પર્ય જેમ આવા વિધાનરૂપે નથી કરી શકાતું કે “દવા અનારોગ્ય માટેય લેવાય?,(આવું તાત્પર્ય જેઓ કાઢે તેઓની એ અજ્ઞાનતા છે અથવા વક્રતા છે)તેમ “સાંસારિક ચીજ માટે પણ ધર્મ જ કરવો એવા અમારા પ્રતિપાદનનું “ધર્મ સંસાર માટેય કરાય એવું તાત્પર્ય ફલિત કરી શકાતું નથી. માટે અમારા પ્રતિપાદન પરથી “અમે, “ધર્મ સંસાર માટેય કરાય” એવું કહીએ છીએ એવું તાત્પર્ય કાઢીને લોકોને જે ભડકાવવામાં આવે છે એ તેવું તાત્પર્ય કાઢનારાઓનું શું અજ્ઞાન નથી ? માટે જ અમારા પ્રતિપાદનમાં કોઈ ઉસૂત્ર વગેરે છે નહિ, એ દરેક સુજ્ઞ વાચકો સમજી લે.અને તેથી પછી, સંઘહિતચિંતક ન્યાયવિશારદ સંવિગ્નગીતાર્થ બહુશ્રુતપૂજ્યપાદ આચાર્ય ભગવંત શ્રીમદ્ વિજયભુવનભાનું સૂરીશ્વરજી મહારાજા વગેરે અંગે જે મનઘડંત ખોટી કલ્પનાઓ અને કથનો કરવા દ્વારા મહાભયંકર પાપકર્મો ઉપાર્જિત કરાઈ રહ્યાં છે તેમાંથી બચી જવાય.
10
