________________
' વળી, એક મહત્વની વાત એ પણ છે કે આમાં ઘણી સૂક્ષ્મ બુદ્ધિગમ્ય વિચારણાઓ છે, માટે અમારા મગજમાં બેસે એવી નથી... ઇત્યાદિ વિચારથી કોઈ આ પ્રતિપાદનની ઉપેક્ષા ન કરશો. અન્ય સૂક્ષ્મ બુદ્ધિગમ્ય તાર્કિક વિચારણાઓ કદાચ ન સમજી શકાય,તો પણ કેટલીય બાબતો એવી છે કે જ્યાં તત્ત્વાવલોકન' કરનારે શાસ્ત્રપાઠોનો સરાસર ખોટો અર્થ કર્યો છે...બહુ ઊંડો વિચાર ન કરીએ તો પણ -માધ્યઐથી જરાક વિચારવામાં આવે તો પણ – એવાં સંખ્યાબંધ સ્થાનો તત્ત્વાવલોકન પ્રસ્તાવનામાંથી જડી આવે છે. પ્રથમ દષ્ટિએ પકડાતી ભૂલો' એવા શીર્ષક સાથે કેટલીક ભૂલો આ પુસ્તકમાં દર્શાવેલી છે. જે વ્યક્તિએ માનેલી અને પ્રરૂપેલી વાતો જો ખરેખર સાચી હોય, તો તે વ્યક્તિએ પોતાની તે માન્યતાઓને સિદ્ધ કરવા માટે શાસ્ત્રપાઠોનો ડગલે ને પગલે મનઘડંત અયોગ્ય અર્થ કરવાની જરૂર ઊભી ન થાય, એ દરેક સજ્જને મનમાં સ્થિર કરી લેવા યોગ્ય બાબત છે.
મારા દિલની વાત ગૃહસ્થપણામાં, મુંબઈ ઝવેરી બજારમાં નિવાસસ્થાન હતું. એટલે જ્યારે ક્યારેક પણ વ્યાખ્યાન સાંભળવાનું થાય, તો લગભગ ભૂલેશ્વર લાલબાગના ઉપાશ્રયે જ જવાનું થતું. એટલે સ્વ, આચાર્યદેવેશ શ્રીમદ્ વિજયરામચન્દ્ર સૂ.મ.સા.ના કે તેઓશ્રીના મહાત્માઓનાં પ્રવચનો સાંભળેલાં. વળી,ઉપધાન તપ તથા અન્ય પણ જે કાંઈ ઓછીવત્તી આરાધના કરેલી; એ પણ લગભગ તેઓશ્રીની નિશ્રામાં જ. અને, “તેઓશ્રી શાસ્ત્રવચનોના ખાસ આગ્રહી છે, સિદ્ધાન્તસંરક્ષક છે, જરાય બાંધછોડ કરે નહીં, કોઈની શેહશરમમાં તણાવું નહીં, કોઈ પણ નિર્ણય કરવો હોય તો શાસ્ત્રોને નજર સામે રાખીને જ કરવાનો,
જ્યાં જિનાજ્ઞા ત્યાં હું, ને જ્યાં જિનાજ્ઞા નહીં ત્યાં હું પણ નહીં... આવી બધી સાત્ત્વિક વિચારધારાવાળા છે અને તેથી, સામે ગમે એટલા વિદ્વાનો પણ હોય, તો પણ ઝૂકી પડે એવા નથી.” વગેરે માન્યતા તો, અનેકવિધ તેવી તેવી વાતો સાંભળીને મારા દિલમાં ઘડાયેલી હતી (જેવી આજે પણ અને કોના દિલમાં ઘડાયેલી છે). એટલે તેઓ શ્રીમનું મારા દિલમાં એક વિશિષ્ટ પૂજ્યસ્થાન હતું જ.
બીજી બાજુ, પૂજ્યપાદ ગુરુદેવ આચાર્ય ભગવંત શ્રીમદ્ વિજયભુવનભાનું સૂ.મ.સા.નો મને ચારિત્રજીવનની પ્રાપ્તિમાં અનન્ય ઉપકાર છે. ચારિત્ર
11
