Samru Pal Pal Survrat Nam

Author(s): Shilchandrasuri
Publisher: Bhadrankaroday Shikshan Trust

Page 17

– ૮
૧
ચમરે પલપલ ચવત નામ
-
-
તેઓ કાંઈ શાપ આપી દેશે તો? અથવા તેઓ ત્યાંથી કંટાળીને બીજે ક્યાંક તો નહિ જતા રહ્યા હોય? તેઓ ત્યાં ને ત્યાં રહ્યાં હોય તો કેવું સારું
શિવકેતુનું બાળમાનસ કરી શકે તેટલી કલ્પના કરતું રહ્યું, ને તેના પગ જાણે કે દોડતા રહ્યા! ઉપવન પાસે આવતાં જ તેણે તે તરફ નજર કરી, તો તેના સુખદ આશ્ચર્ય વચ્ચે તેણે જોયું કે પેલા સાધુ હજી ત્યાં જ બેઠા છે, અને પહેલીવાર જોઈ હતી તેવી જ મસ્તીમાં પોતાના સ્વાધ્યાયમાં તેઓ તન્મય હતા.
શિવકેતુ તો રાજીનો રેડ! તેણે હવે રીતસર દોટ જ મૂકીઃ સીધો મુનિની સન્મુખ જઈને ઊભો રહી ગયો. મુનિની પ્રસન્ન આંખો, હસતું મુખડું, તેજ છલકતું લલાટ, અપરૂપ સૌદર્ય, સુડોળ કાયા, મધુર શાસ્ત્રધ્વનિ, અને આ બધાંના શિરમોર સમી તેમની અનુપમ તન્મયતા, શિવકેતુ આ બધાંના રસનું એકીટશે જાણે પાન કરી રહ્યો!
તેને થયું. આ મુનિ મને અજાણ્યા કેમ નથી લાગતા? મને ક્ષણેક્ષણે એમ કેમ લાગ્યા કરે છે કે મેં આમને ક્યાંક જોયા છે? હું આમને ઓળખું છું, એવી સંવેદના હું કેમ અનુભવતો હોઈશ?
મને લાગે છે કે મેં ગયા જનમમાં ગમે તેટલા પાપ કર્યો હશે, જેને લીધે માવતરને જ દવલો થયો છું, એ ભલે; પણ મેં પાપ કરતાં કરતાં ક્વચિત્ કાંઈ પુણ્ય પણ કર્યું જ હોવું જોઈએ, નહિ તો આવા મુનિ મને જોવા કેમ મળે? ને આવા મહાત્મા મને ગમે પણ શેના ? - વાહ, કેવા મજાના છે આ મહારાજ? એમનું શું વખાણવું? | એમનું અદ્ભુત રૂપ વખાણું કે પછી એમના મુખમંડળ પર વિલસતી | અનેરી શાંતિનું વર્ણન કરું?
મને બહુ ગમે છે આ મહારાજ. આવા સરસસરસ મહારાજ પણ જેને ન ગમે તેને શું કહેવું? મહાપાપી કે બીજું કાંઈ? મારા પેલા ભેરુબંધો કેવા કે આવા શાંત અને પ્રસન્ન સાધુને જોઈને એમને આનંદ થવાને બદલે દ્વેષ જાગ્યો ને વળી મારવા ધાયા! નક્કી !