Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 40

॥२
प्रबन्ध - चतुष्टय कायव्वा एस ठिई बहु पुरिस समागय त्ति इय सुणिउं । मङ्-मेहा-संपन्नं दणं चेल्लयं मल्लं
॥३४०॥ अपुव्वं पिव सयमेव वाइही एस पोत्थयं एयं । ता अज्जिया-समक्खं विहरिउकामो तयं भणइ ॥३४१ ॥ वाएज्जसु मा चेल्लय एवं नयचक्क-पोत्थयं एवं । वोत्तुं मोत्तुं तं अज्जिया-जुयं विहरिओ सूरि
॥३४२ ॥ कज्जेणं केण एवं निवारियं मज्झ चिंतिउं विरहे । निय-अज्जियाए मल्लेण पोत्थयं छोडियं तस्स
॥३४३॥ घेत्तूण पढम-पत्तं करम्मि तो [45.B] वाएइ इमो तत्थ । एग सिलोगो निस्सेस-सत्थ-अत्थस्स संगाही
॥३४४॥ विधि-नियमभंग-वृत्ति-व्यतिरिक्तत्वादनर्थकवचोवत् । जैनादन्यच्छासनमनृतं भवतीति वैधर्म्यम् ।
॥३४५ ॥ जावेयं सो चिंतइ निमीलियच्छो झड त्ति ता हरियं । सुयदेवयाए अविहि त्ति पोत्थयं पत्तयं चेव
॥३४६ ॥ हरियम्मि तम्मि मल्लो विसन्न-चित्तो विलक्ख-वयणो य । जा चिट्ठइ ता पुट्ठो जणणीए किं तुमं अज्ज ॥३४७ ॥ दीससि विद्दाण-मुहो सब्भावे साहियम्मि तो तीए । समुदायस्स निवेइयमिणमो तेणावि भणियमिणं अन्नत्थ नत्थि एवं कत्थइ नयचक्क[46.A] पोत्थयं तम्हा । नेयं भव्वं वोत्तुं महाविसायं गओ संघो
॥३४९॥ तो मल्लेणुल्लवियं नयचक्कुमाहिएण सयकालं । होहामि वल्ल-भोइय गिरि-गुह-वासी विणा एयं ॥३५० ॥ इय सोउं समुदाओ अहिययरं दुक्खिओ मणे जाओ । मल्लस्स चलण-लग्गो विनवई वायपित्तेहिं
॥३५१॥
॥३४८ ॥