Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 89

८२
परिशिष्ट सूरि-भगिणी य दुल्लहदेवी नाम । तीसे य अजियजसो जक्खो मल्लो य नाम तिण्णि पुत्ता । तेहि य समं पव्वइया सूरि-समीवे । निस्सेस-गुण-संपण्णा य ते जाया । सव्व-सम्मय त्ति ठाविया समुदाएण सूरिं विण्णवित्तु पोत्थयाइधम्मोवगरण-चिंताए । विउसीकया य सूरिणा सव्व-सत्थे ते भाइ]णिज्जा, मोत्तुं पुव्वगयं नयचक्कगंथं च, जओ पमाणप्पवाय-पुव्बुद्धारो बारसारओ नयचक्कगंथो, चवयादिट्ठिस्स (? देवयाहिट्ठियस्स) तस्स अरयाणं बारसण्हं पि पारंभ-पज्जतेसु चेइय-संघ-पूया-विहाणेण कायव्वमवगाहणं ति पुव्व-पुरिस-ट्ठिई । नय-मेहाइसयसंपण्णो य मल्ल-चेल्लओ दट्ठमपुव्वं पि पोत्थयं सयमेवावगाहेइ ।
विहरिउंकामो य सूरी तत्थेव मोत्तुं मल्ल-चेल्लयं दुल्लहदेवि-समक्खं तं भणइ'चेल्लया ! मा अवलोएज्जसु नयचक्क-पोत्थयं ।'
विहरिए य देसंतरेसु सूरिम्मि, मल्लेण किमेयं वारित्तयं ति अज्जयं ति चिंतिऊण अज्जया-विरहे उच्छोडियं नयचक्क-पोत्थयं, वाइया य तम्मि पढमा अज्जा, जहा
विधि-नियम-भङ्ग-वृत्ति-व्यतिरिक्तत्वादनर्थकवचोवत् । जैनादन्यच्छासनमनृतं भवतीति वैधर्म्यम् ॥
वियप्पेइ य सो जावेमं निमीलियच्छो बहु-भंगेहिं तावाविहि त्ति हरियं तं पुत्थयं देवयाए । चिरं च वियप्पिऊणुम्मीलियच्छो तमपेच्छंतो विसण्णो मल्लो । तहा य दटुं पुच्छिएणऽज्जाए साहिओ तेण सब्भावो, तीए वि समुदायस्स, सो वि 'नत्थि इमं पोत्थयमण्णत्थ कत्थइ ता न सुंदरं कयं' वोत्तुं गओ महा-विसायं ।
तओ नयचक्कुम्माहिओ मल्लो भणइ-'होहं गिरिगुहावासी वल्लभोई य नयचक्कं विणा अहं ।' सोउं चेमं खरयर-सद्दे गओ समुदाओ ‘पीडिज्जिहिसि तुममेवं वायपित्तेहिं' ति वोत्तुं लग्गो विगइ-परिभोगे । तं निब्बंधओ य 'चाउम्मासयपारणएत्थिय (?) तं काहं "ति पव्वण्ण-पइण्णो मल्लो गंतु वलहि-पच्चासण्णगिरिहडल-यडोगरिगा (?)-गुहाए ठिओ तं चेवावहारियं नयचक्काइ-सिलोगं झायंतो । पडियग्गंति य तं तत्थेव गंतुं भत्तपाणाईहिं साहवो। आराहेइ य तब्भवयाईहिं विसेसओ सुयदेवयं संघो । दिनोवओगा य सा रयणीए मल्लं भणइ-'के मिट्ठा ?' तेण भणियं-'वल्ला ।' पुणो य गएहिं छहिं मासेहिं देवी भणइ-'केण ?'मल्लेण भणियं-'घय-गुडेण । 'तओ 'अहो ! मइ-पगरिसो !' त्ति समावज्जिया देवी भणइ