Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 105

९८
परिशिष्ट 'बहुलाधीरत्ताइवस्सेहिं (?) वट्टय-तुल्ल-पुरम्मि मइ-मेहाइ-गुणावहत्तणओ पुव्वतुल्लेणं पंडियजणेणाईव-सुहरं, ता तुम्हारिसाणं नेहावगासो त्ति जाणाविओ अहं ।'
___ 'दायपट्टिद्धायण्णुणातेण (?) सुमुह-संवेगत्ताइ-गुण-भावओ सारसूईसमो जो विउसुत्तमो सो सुहरे पि सम्माइ' त्ति जाणावणत्थं साहु-सयासाओ घेत्तुं तग्घयमज्झे छुहिऊणुद्धरिया धारिणीविज्जाए सुहम-सुई ।
तओ पुणो वि विसज्जिओ हीरओ पत्तो रायंतियं । दटुं च तहट्ठियं सुई विसण्णो विहप्पई । पमुइएण य रण्णा महाविभूईए सयं पवेसिओ पइट्ठाणपुरे पालित्तयसूरी, सम्माणिओ जहोचियं ।
तो निस्सुया सपरिवारेण सूरि-विरइया सबहुमाणं कव्व-रसाउला तरंगवई नाम कहा । भाविओ वि तीए जाव विउसजणो, ताव मच्छरिओ पंचालो, सो पगइमेहा-धारणा-बलिओ त्ति भणइ-'देव ! चोरिया ममाणेण ।' तदण्णेहि य 'कहं नज्जइ ?' त्ति वुत्ते कहिया तेण निज्जुत्तीए तरंगवती चुरक्कंते (?) य बहुसो वइरममं (?) जणे लज्जिओ मणागं संघो।
तब्भणिओ य सूरी संकेय-पुव्वमेग-दिणे कय-मरण-बेडओ कुक्कुहियापविट्ठो जा नीनिज्जइ ताव समंतओ तप्पसंसं कुणइ जणो । तम्मज्झट्ठिओ य पंचालो वि पच्छुत्ताविओ महया सद्देणुब्भविय-बाहू पुणो पुणो पढइ -
सीसं कह व न फटुं जमस्स पालित्तयं हरंतस्स । जस्स मुह-निज्झराओ तरंगवई नई बूढा ॥'
सोउं चेमं खरयरमुम्माहिए सूरि-गुणाणं जणे समुट्ठिओ सहसा सूरी भणइ'भो ! भो ! मरिउं पि जीविओ अहं पंचाल-सच्च-भासणोसहेणिमिणा ।' तओ मउलिओ पंचालो । विहसिओ संघो । विण्णाय-वुत्तंतेण य रण्णा आणत्तो वि निव्विसओ पंचालो थिराविओ सूरिणा, सावगो जाओ।
एवं चाणेय-पवयण-पभावणा-कज्जुज्जओ पालित्तयसूरी चूडामणि-जायगाइनिहंकाण(?)-णाणागयमेवावेइय-निय-मच्चु-समय-भावि-भव-भावो कालं काउं गओ देवलोगं जहा तवस्सी कट्ठ-सेट्ठि त्ति ।
॥सालिवाहण-पालित्तयसूरि त्ति गयं ॥