Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 103

परिशिष्ट एवं च पइवरिसम[?भ]ज्जमाणे भरुयच्छे चिंताविउं (?) सालिवाहणं दर्छ सामंतो नामामच्चो भणइ जहा-'मे कुडुंबं गोत्तीए पक्खिवित्ता मं कवडेण नीसारेहि, जेण भरुयच्छं भंजावेमि ।'
तओ रन्ना तहेव कए [गओ भरु] यच्छं, ठिओ एयत्थेग-देवकुले। नायं च रज्जंतरेसु जहा सालिवाहणेण नीसारिओ सामंतो । भरुयच्छम्मि य 'को तुमं?' ति पुच्छिज्जंतो भणइ-'गुग्गुल- भगवं नामाहं ।' जे उण जाणंति तेसिं साहेइ जहा, 'नीसारिओ हं सालिवाहणेणं ।'
नाउं चेमं सो भणाविओ नहवाहणेण जहा, 'में मंती होसु'। अ[म]ण्णंतो य सयमागंतुं रण्णा ठविओ मंती । वीससिओ तेण नहवाहणो, भंडार-फेडणत्थं लाइओ धम्म-धंधए जहा- 'पुव्व-कय-सुकएहिं संपज्जइ सुसंपया । संपण्णा य सा ते । किंतु जइ संपयं देउल-कूव-तलाय-दाणाइणा सुकयमुवज्जेसि ता जम्मंतरम्मि सुसमिद्धो होसि ।'
तव्वयणेण य धम्मवयं कुणंतस्स पायं निट्ठिओ नहवाहणस्स कोसो। वेढिए य भरुयच्छे तहेव पुरिसक्खय-काइओ सालिवाहणो भणावेइ सामंतं जहा, 'तुमं नहवाहणस्सेव मिलिओ ।' मंती भणइ-'मा विवित्तो होसि, जओ नियंतेउरियाभरणव्वएणेसो निव्वहइ ।' तं च नाउं थिरीहूए सालिवाहणे सव्वहा निणवंमो(?निद्धण-चंगो) विणट्ठो नहवाहणो, वसीकयं भरुयच्छं, गओ पइट्ठाणपुरं सालिवाहणो, सव्व-[स]त्थ-विणोएण कालं गमेइ ।।
से उवट्ठिया रायदुवारे निय-निय-विरइय-गंथ-सुणावणत्थं चउरो कविपंडिया, जाणाविया य पडिहारेण ते बहिट्ठिया चेव पुच्छाविया रण्णा-'कस्स को कित्तिओ वा गंथो ?' तेहिं भणियं- 'विज्जय-धम्म-नीइ-काम-गंथा लक्ख लक्ख ।' सोउं चेमं कव्व-सत्ति-परिक्खणत्थं पुणो भणाविया रन्ना'नाहमेत्तियं..............................।'
...................पंचालो थीसु मद्दवं ।।
सोउं चेमं तुढेण रण्णा सव्वे वि ते वत्थाईहिं जावारद्धा सम्माणिउं ताव अंतेउरा....भणइ-'देव ! साहुक्कारदाणं विणा किमज्जेणिमिणा सम्माणेण?' तओ रण्णा-'अहो ! विउसत्तणं ।' ति पभणिए परोप्परं जोएत्तु मुरुक्कएहि हसियं वियक्खण-परिवारेण । तं दर्छ किरिक्किओ (?) कविलो भणइ-'निय-परिवारसाहुक्कारं दवावेउ देवो ।'