Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 101

९४
परिशिष्ट
अवि य - . मद्दल-करडिय-सुवडह-भाणय-संखाइया महा-सद्दा । हत्थवइत्तण-उभय-सपओग-मुहेहिं(?) वज्जति ॥
संवाडियघा(?ग्घ)-वाइयाइ-पडिवत्ती य जावोवविट्ठो सूरी ताव 'तप्पुण्णोदएणाहो पत्तं जंगम-तित्थं' ति लोयप्पवाय-पेरिओ तत्थेवागओ राया । [द]टुं चाणंदिएणाणेण पूजिओ पवर-वत्थ-कडच्छयाईहिं तओ संघेण सेसजणेण य, सूरी वि तं पसाईकयं जहोचियमच्छि(?ग्गीणं) बंभणाईणं । समुच्छलिओ साहुक्कारो ।
तओ सविणयं पणमिय राया भणइ-'भगवं ! किमम्हे मूलजाया जेणेत्तियं कालं तुब्भेहिं नाऽवलोइया ?' सूरी भणइ-'महाराय ! विहरिउकामा वि इह न मुक्का मण्णखेड-संघेण अम्हे । दुरंतो य मूलजायाओ वि संघाणाइक्कमो । अज्ज उण पउण-पहरुद्देसे तित्थावगाहणत्थं विण्णत्त-संघेणाणत्तमम्हं “जइ पुणो वीहागंतुं पहर-दुगुद्देसे भुंजह ता वच्चह ।" कायव्वं च तहेव तमम्हेहिं गंतूणेत्तो सत्तुंजउज्जंत-महुरा-तित्थेसुं।'
सोउं चेमं चरणावलग्गओ सगग्गयं राया भणइ-'भयवं ! तोविओ (? न जोग्गो) अहं तुम्हं निरंतराय-दरिसणस्स, तहावि कल्ल-दिणाउ कराविस्समहमिह जिणाययणे पुण्णिमं जाव जत्तं । तं च गुरु-पसाएणागंतुं जइ संपयं पावसव्ववेह (?) तुब्भे ता अहं मण्णेमि कयत्थमप्पाणं ।'
सूरिणा वि कायव्वा सत्तीए पवयणु[ण्ण]ती ए[वं] चिंतित्तु भणियं'महाराय ! काहामि ते समाहाणं ।' तओ रण्णा 'भगवं ! अणुग्गहिओ मि' त्ति वुत्ते गओ सूरी वलहिं ।
तत्थ वि तहेव विहिय-पवयणुण्णई वंदित्तु सत्तुंज-उज्जंत-देवे गओ गिरिनयरं । विहिय पवयषुण्णई य तओ वि गओ ढंकपुरं । तम्मि वि तहेव विहिय पवयणुण्णई गओ मण्णखेडं।
एवं वच्च (?) निच्चमेंत-जंतस्स सूरिणो [चलणो] दगुस्सिंघणओ नागज्जुणेण विण्णायं पायलेव-दव्वाणं सत्तुत्तर-सयं, न लक्खियं च मइमया वि अद्रुत्तरसइमं तंदुल-धोवणं । तविरहिएण य तेण कय-पायलेवो नागज्जुणो किंचिदुप्पडियं पि पुणो पुणो पडतो जाओ कु (?ज)ज्जरियंगो, तहा एवं दटुं पुण्णिमागएण पुच्छिओ सूरिणा 'किमेयं ?' तेणावि साहिए जहावट्ठिय-वुत्तंते साहिय-सब्भावो सूरी भणइ