Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 102

प्रबन्ध-चतुष्टय
९५
'साहु ! साहु विण्णायं तए, परं न मिलिओ तत्थ सेयभिक्खु दरिसण - संजोगो !' सोउं चेमं मोज्ज ( ?ग्ग) रिओ नागज्जुणो सूरि- सब्भावावेयणत्थं भणइ - ' गेण्हह तुभे ममाओ धाउवाय - सिद्धि ।' सूरी वि 'जाणिस्सामो' त्ति वोत्तुं चलिओ महुराभिमुहं । तदणुव्वयणत्थं वा गमण- चरम-दिवसो त्ति गओ नागज्जुणो ढंकउ[र]-बार्हि च तत्थ पव्वमाणानिट्ठावायं (?) तम्मत्थए भुरुक्काविओ को विउक्को (?) वि सूरिणा चुप्पओ । भणियं च - 'तए पुणो वि निरूवियव्वो एसो' त्ति नियत्ता नियमा...गज्जणं (? नागज्जुणं)... गओ सूरी ।
नागज्जुणो वि बीय - दिणे दद्धुं सुवण्णमयं तत्थोवरिमघरं (? थरं) जीवंतो वि जाओ मयकप्पो ।
विप्फुरिओ मरिउं पि पालित्तयसूरी जेणावज्जिो सालिवाहणो त्ति । सालिवाहण
कहा भण्णइ
गोलानई - पसरणम्मि पइट्ठाणपुरे बल - बुद्धि- संपण्णो सालिवाहणो नाम राया । सो य वरिसे [वरिसे] गंतुं भरुयच्छं कोस-समिद्धं नहवाहण - रायं रोहेइ, वरिसायालं च निय- पुरिमागंतुं करे ।
कयाइं च घोसावियं नहवाहणेण - 'जो सालिवाहण - सेवगाणं हत्थं सीसं वा आणइ तस्स राया दम्म - लक्खं देइ ।' दव्व-लोभओ य बहवे नहवाहण - मणुस्सा सालिवाहण-मणुस्से मारिऊणाणेंति । सालिवाहण - मणुस्सेहिं वि नहवाहण - मणुस्से केइ विणासिज्जं परं न केवि (? किंचि) तेसिं विसेसे (? सं) सालिवाहणो देइ ।
एवं च बहु- पुरिसक्खएण सुट्ठ-काइएण सालिवाहणेणं पइट्ठाणमकंडे चेव गंतुकामेण कडय-धूलि - बहलुट्ठण - भयाओ परिवारस्स पत्थाणमसाहंतेणावि मुक्कियमत्थाणं मंडवियाए । तं च दठ्ठे चिंतियं तस्स पडिग्गह-गहिणीए रुइल्लखुज्जा-1 - विलासिणीए जहा, 'नूणं राया गंतुकामो ।' साहियं च तं तीए निय-मित्तस्स जाणसालियस्स । तेणावि पऊणीकाऊणाणीगयमेव (?) गड्डीरयाई वहमाणं कयं । तं च दट्टमुट्ठिओ सेसो वि खंधावारो गंतुं पयट्टो ।
राया वि पढममेव वच्चामि त्ति वट्टीए (?) चलिओ कडय- - धूलि - समुद्धूलिओ चिंतेइ - 'न मए कस्स वि साहियं, कहं कवडओ ( ? ) चलिओ ?' तओ सम्मं सोहंतेणुवलद्धो जाणसालिओ । तेणावि साहिआ खुज्जा । तीए वि साहिओ परमत्थो । तओ रण्णा 'मा सा लद्धपसरा कज्जंतरेसु वि सच्छंदा होउ ' त्ति चिंतिऊणाणवराहिणीए वि खुज्जाए उवरिं दरिसिओ अप्पसाहिओ ( ? ) ति ।