Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 99

९२
परिशिष्ट ममं ।' तओ निग्गया बुद्ध-पडिमा, पडिउं पाएसुं तावुप्फिडंती गया सूरि-पिट्ठओ जाव नगर-बाहिं । बुद्धिडओ समाइट्ठो य पडिम व्व सूरिणा । सो वि पडिओ पाएसु, भणिओ य 'बुद्धेहि (?उटेहि)' त्ति जाओ जाव अट्ठा(?द्धा)- वणओ तावेवं चेव चिट्ठसु त्ति निद्दिट्ठो ठिओ तहेव, तप्पभिई च सो बुद्धिंडओ 'नियंबोणामिओ' नाम जाओ । विरत्तो य एव बुद्ध-दरिसणाओ जाणओ जणो, जाया जिणसासणस्सुब्भावणा।
कयकालो य आउक्खएण अज्ज-खउडसूरी गयो देवलोयं ति । अज्जखउडायरिय त्ति गयं ।
विज्जा-कुसलो य अज्ज-खउडो नाम सूरि व्व कणवीरलया-भामग-खुड्डगो, तं जहा
अत्थि पाडलिपुत्ते मिच्छादिट्ठि दाहडो नाम राया । सो य विप्पयारिओ धिज्जाइएहिं संघ भणइ-'जा तुब्भेहिं कीरइ स-गु[रु]णं वंदणाइ-पडिवत्ती तं कुणह बंभणाणं ।' संघेण भणियं-'तुत्थियंतु(?पुच्छिज्जंतु) बंभणा जइ समिइवेएसु भणियमिणं ।' राया भणइ-'किं तुम्हं वियारेण? कायव्वमवस्समेवं जइ कुसलमिच्छह ।'
तओ विनाय-निब्बंधो संघो 'करिस्सामो सव्वगएणं' ति वोत्तूणाणुकूलं गओ स-ट्ठाण-ट्ठिओ सार-पव्वज्जालोए (?) जहा, "किं कायव्वमेवंविहे रायाभियोगे ।' तत्थ य विज्जासिद्धो देविंदो नाम चेल्लओ । सो भणइ-'जइ संघाएसो होइ ता अहं करेमि किंचि चोज्जं ।' अणुण्णाओ य संघेण सो निग्गहाणुग्गह-विज्जाभिमंतियाओ दो कणवीर-लयाओ घेत्तुं संघेण समं गओ राउलं ।
निविट्ठाए य बंभण-पंतीए मिलिए पुर-लोए भणियं च रन्ना-'कुणउ वंदणं संघो।' चेल्लएण भणियं - 'महाराय ! अच्छउ ताव संघो, ममावीमे न सक्का सहिउं वंदणं ।' राया भणइ-'किमिमेहिं पठुत्तरेहिं ? जंगम-देवा-बंभणा ।' सोउं चेमं चेल्लओ 'जइ एवं ता कुणह कोउगं' ति वोत्तुं [भाम] यति दाहिणंताओ सच्चवेंतो वामंतं जंपंतो य किमेणेमे वंदणिज्जा' त्ति । जेसिं गलग्गेणं भामेइ निग्गह-लयं, तेसिं छिज्जति सीसाणि ।
दटुं चेमं चमक्किओ राया । खलभलिओ मिच्छदिट्ठि-लोओ । दीणा सेसबंभणा मिलिउं च लुलिया संघ-चलणेसु दीणमुहा भणंति- 'चुक्का अम्हे, ता किवं काऊणिमं खमेहावराहं ।'