Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 97

९०
परिशिष्ट तया नऽन्नो तन्निग्गह-समत्थो त्ति नाऊणाहिंडएहिं सदाविओ संघेण अज्जखउडसूरी । तेणावि दरिसण-पओयणे तुरियं गंतव्वं ति चालिय छडहडय परिवारेणाणत्ता पच्छिवाल-सहावो (?साहवो) जहा-'चेल्लएण समं भल्ला होज्जह ।' चिल्लओ वि भणिओ जहा-'कवलियमम्हं मा तुममुच्छोडेज्जसु ।'
___तओ पत्तो गुडसत्थपुरं सो विज्जा-चक्कवट्टी । पढमं चिय गंतुं वडुकय-देउले तं भणइ-'अरे ! गेण्हसु ममेयाओ पाणहियाओ ।' वडुकएणावि ताओ सयं घेत्तूणोलंबियाओ निय-कण्णेसु । तओ गओ सूरी वसहि, सम्माणिओ संघेण । उवसंतो साहूवसग्गो ।
वडुकओ वि कण्णोलंबिय-सूरिपाणहिओ सीसं डगावेंतो दिट्ठो देवच्चियाए साहिय-सूरि-वुत्तंताए य सद्दिऊण दरिसिओ देवच्चयस्स । सो वि तं तहा दटुं रुट्ठो घेत्तूण [?लोयं] गओ, तेणावि जओ जोइज्जइ तओ निगडित्ता पुंदाणि दरिसेइ वडुकओ । तओ कहियं रण्णो । तेणावि सयं दिट्ठ-रुटेण सूरि-कहणत्थं मोक्कलियाओ ल[उ] डाइत्त-पुरिसा । सूरिणा वि विज्जा-सामत्थओ संकामिया रायंतेउरे तेसिं लउड-घाया । तेहिं चच्चरिज्जं[ताइं] सिरि(?र)-नक्काइ-अंगोवंगाई बाहावेंति देवीओ । तं च नाऊण [आ]दण्णेण स्ना मुक्का वडुकय-तत्ती, गंतुं च सविणयं खामिओ सूरी । तेणावि पुणो वि पगुणीकयमंतेउरं । जाया जिगसासणस्सुण्णई।
इओ य भरुयच्छे गउरविओ त्ति मोत्तुं तं सूरि-भाणिज्जं भिक्खाइ-कज्जे जंति साहवो । चेल्लएणावि किमेसा वारिय त्ति चिंतिऊणुच्छोडिया सा सूरि-कवलिया । चिट्ठइ य तम्मज्झे सूरि-लिहिय-कइवय-विज्जाइ - तुदुक्कय (?) - पोत्थिया, उच्छोडियाओ(?ए) च पुच्छ(?उत्थ)ल्लिओ तीसे पण्णओ । ताव दिट्ठा पढममेव मोयग-विज्जा । तप्पुरओ य लिहिया फल-सिद्धी । जहा जो इ जवेइ विज्जमिमेक्कवीसं वाराओ तस्सागच्छंति मोयग-फल- भरिय-भायणाणि, वच्चंति य पुणो विसज्जियाणि । दीसइ ताव जावंतो ताणि केणइ कोउवतं(?) तहावि ।
तत्तो चेल्लओ भिक्खयागएहिं सद्दिओ भोयणत्थं साहूहि भणइ-'नत्थि मे भुक्खा ।' तहावि निब्बंधओ बइसारिओ तेहिं निविमिवावि (?मिचिमिचि)ऊणुट्ठिओ, चिंतेइ-'किमणेणाणितुणं भिक्खा-भोयणेणं? तहा करेमि जहा मिटुं संपज्जइ ।'
उक्कडं च तया तत्थ बुद्ध-दरिसणं । समिद्धा य बुद्धोवासगा देंति जहा