Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 95

परिशिष्ट
सत्तुंजयाइ-तित्थाणि गओ मण्णखेडपुरं। तम्मि य विसेसओ अच्छरिय-बुद्धी जाओ कुसलो पाहुडेसु । चत्तारि अपच्छुहाणीह पाहुडाणि तं जहा-जोणिपाहुडं १, [निमित्तपाहुडं २, विज्जापाहुडं ३,] सिद्धपाहुडं ४ । तत्थ दव्व-संजोगा विसेसओ जीवाजीवुप्पत्ती जम्मि [वन्नि]ज्जइ तं जोणिपाहुडं तक्कुसलो य पालित्तयसूरी जहा रुद्ददेवायरिओ। तं जहा -
पंसुपुरे रुद्ददेव-आयरिओ रहसि वक्खाणेइ गीयत्थ-साहूणं जोणिपाहुड-गयं मच्छुप्पत्तिं । निसुया य सा कह वि कुड्डोलवयगामिणा धीवरेणेगेण, विण्णासइ गेहं गंतुं जावुप्पज्जंति मच्छा | ता वणिज्जेण य सो जाओ समिद्धो, गओ सूरिदंसणत्थं । ते य विहरिया अण्णत्थ । पुणो चलण-विभागेणागय त्ति नाऊणागओ धीवरो सूरि-समीवं । पणमित्ता य सबहुमाणं ते भणइ - ‘भयवं ! तुम्ह पसाएण जाया मे समिद्धि । ता देहादेसं जं करेमि ।' निसुय [पुच्छिओ] य-‘सा य कहं?' धीवरेणावि कहियं जहावट्ठियं । सूरी भणइ-'किं साहियं कस्सइ ?' तए धीवरो भणइ-'नहि।
तओ चिंतियं सूरिणा-'अहो ! पुत्त-पोत्तयाइ-कहण-परंपराए महंतो पावाणुबंधो । ता वरं थोव-दोसमेयस्सेव विणासणं ।' तओ धरिऊणेगते भणिओ सो सूरिणा'भद्द ! पुत्तो मे तुमं जस्सेरिसा भत्ती । ता किमेइणा तुच्छोवाएण, रयणा[हि]वई होसु । तेण भणियं-'जमाणवेह ।'
तओ सूरिणा साहिओ तस्स जोणिपाहुडुत्तो दव्व-संजोगो जेणुप्पज्जइ सहसा सोहे । भणियं च ‘एव जुत्तीए बाहिं गंतूणेगागिणा जहा कोइ न पेच्छइ तहा तडत्थेणेसो पक्खियव्वो कम्मि वि सरोवरे दव्व-संजोगो जेणुप्पज्जति मुत्ताहला महारयणाणि ।' सोउं चेमे हरिसिओ धीमरो 'महापसाओ' त्ति वोत्तुं पणओ सूरिस्स गओ स-ट्ठाणं । समाइट्ठाणुट्ठिय-विहाणओ य सम्मुट्ठिय-सीहेणं विणासिओ सो धीवरो त्ति । ____ जत्थ उण केवलिया-जोइस-सुइणाइ-निमित्तं सुत्तिज्जइ तं निमित्त-पाहुडं, तक्कुसलो य पालित्तयसरी जहा देविंद-चेल्लओ।
विलासउरे पयावई राया । सो य कयाइ वरिसायाले दीहावरिसणेण पीडियासु पयासु सदिऊण अद्दण्णो पुच्छइ जाणय-जोइसियाईए जहा-'कया केरिसी वा वुट्ठि होही ?' न य तेसिमेक्कस्स वि साहियं संवयइ । तओ सद्दाविया रण्णा तत्थेवच्छंता