Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 93

परिशिष्ट सरणाकप्पेणाणुजाणिओ सयल-सुत्तत्थेसु, निवेसिओ य संघ-सम्मएण अट्ठवरिसो वि य निय-पए पालित्तयसूरी ।
तओ भणिओ संघो नागहत्थिसूरीहिं -- 'जंघाबल-परिक्खीणा न अन्नत्थ समत्था विहरिउं, संघपुरिसो य बालो वि होउं पालित्तयसूरी परं जउणा-नईए पुरओ च्चिय विहरंतस्सेमस्स कुसलं ति सिटुमासि पुचि चेवऽम्हेहिं । ताऽणुजाणउ संघो, जेण पेसेमि इमं महुराइ देव-वंदणत्थं ।'
सोउं चेमं पज्जालोइयं संघेणं जहा जत्थ विहरिस्सइ पालित्तयसूरी तत्थ पाय संघस्सुण्णइ त्ति लक्खिज्जइ सूरिपसणेणं, जउ न निक्कारणं जपंति पवयणपुरिसा । ता कीरउ पालित्तयसूरिणा सह ताव तित्थजत्ता ।
तओ संवहिओ बहु संघो । साहियं नागहत्थिसूरीणं । तेहिं वि 'संघकिच्चुज्जओ सययं हुज्जासु ' त्ति पुणो पुणो सिक्खविय विसज्जिओ संघेण समं पालित्तयसूरी, गओ पाडलिपुत्ते । तम्मि य मुरुंडो नाम राया। तत्थ य केणइ छइल्लेण दंदोलीए घल्लिओ म[य]णोदय-भाविओ सुत्त-सु(?गु)ट्ठियओ, तम्मि य लहियव्वो सुत्त-छेओ । न य केणइ लद्धो । तओ पसिद्धिं सोऊण सद्दाविओ रन्ना पालित्तयसूरी । तेण य पक्खित्तो सो, तत्तोदए निम्मयणम्मि य सु(?गु)ट्ठियए लद्धो सुत्त-छेओ।
तओ पुणो वि घल्लिउं समदंडो मूलमियस्स नाथवं (?नायव्वं) । न य को वि तं जाणइ । पालित्तएण पुण तराविओ नीरोवरि सो दंडो । तओ मणागं .मणंत(?णमंत)-दिसाए साहियं दंड-मूलं ।।
तओ पुणो वि जउ-घोलिउप्पलिओ समुग्गओ जस्स न नज्जइ केण वि ढक्कण-संधी । तस्स वि पालित्तएण तत्तोदय-पक्खेव-ओगलिय-क्कारस(?)जाणिओ ढक्कणय-संधी ।
__ तओ समप्पियं सूरिणा फोडित्तु पक्खिपूरणयं(?) नट्ठ-सीवणी-सीवियं तुंबयं रण्णो भणियं च-जाणओ को वीमस्स-संधि दरिसियं तव मण्णेसिं (?) रण्णा... परं न केणइ नीओ सेविओ (?) तुंबय-संधी । एवं च सूरि-गुणावज्जिओ मुरंड राया जाओ भद्दगो ।
तत्तो पच्छा चलिओ संघो तं पि घेत्तूणागओ पालित्तयसूरी महुराउरिं । तीए य वंदिउं देव-निम्मियं थूभं, रम्मयाए वि उक्कित्तिओ वि संघो ।