Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 92

प्रबन्ध-चतुष्टय
८५
तओ तह त्ति काउं गया स - गिहं पडिमा । साहिओ य सो तीए सेट्ठिस्स वृत्तंतो | तेणावि तं पडिवज्जित्ता सहरिसं सा भुत्ता रत्तीए । दिट्ठो य णा [ ए ] सुवियम्मि विचित्त - रयणमओ मुहे पविसंतो नागो । संभूओ य तस्समए तीसे नागकुमारो विट्ठो गब्भे पुत्तो । पडिबुद्धाए य साहिओ सुविणओ भत्तारस्स । तेण भणियं - 'पिए ! सुपुत्तो ते होही ।' सुहंसुहेण य वड्ढमाणो गब्भे जाओ तीसे दोहलो जह सुसिद्धि-सेल - कालणाइसु (?) सयं दाणं देमि । साहिए य सिट्ठिणा पूरिओ सो विसेसओ ।
तओ समयम्मि पसूया पडिमा सव्व - लक्खण- - संपुण्णं पुत्तं । करावियं च सेट्टिणा महा-पमोएण वद्धावणयाइ - किच्चं । पुण्णे य मासे तस्सुप्पत्ति - सुविणाणुसारेण वि से गुरुर्हि [ दिन्नं] नामं नागिंदोति । समप्पिओ य सो नेऊण 'एसो सो तुम्ह सीसो ' त्ति वोत्तुं सूरीणं । तेहिं विसेस - लक्खणाणि दटुं भणियं - 'होही भणि (?) महंतो पवयण - पुरिसो वा, सम्मं संगोवेह तुब्भे जावट्ठ - वरिसाणि ।' तेहिं वि तहेव कए संगहिओ । सूरिणा नागिंदो अट्ठम - वरिसे पव्वाविओ य सुमुहुत्ते महाविभूईए । जाया य कुलुद्धरणा अण्णे पुत्ता पडिमाए ।
चेल्लओ य कम्मि वि दिणे सन्निहिय-गेहाओ घेत्तूणागओ चउत्थरिसियं (?), ठिओ पुरओ, भणिओ य सूरिणा - ' जाणासि आलोइउं ?' सो भणइ - 'तुम्हं पसाएणं ।' सूरी भणइ - 'दरिसेसु पसाय - वण्णियं ।' चेल्लओ भणइ
अंब तं बच्छीए
अपुप्फि यं
पुप्फ-दंत-पंतीए
नव-सालि-कंजियं नववहूए कुडएण मह दिण्णं ॥ सोउं चेमं सूरी भणइ - 'अहो ! सिंगारग्गिणा पलित्तो चेल्लओ !' तेण भणियं'कन्न पसाएणं कुणंतु भयवंतो, जेण पालित्तो होमि !' तओ चमक्किओ सूरी सायरं निवेसिऊणासणे तं पुच्छइ वायर[ण ] - छंदालंकाराइ । तेण बालभावाओ साहूसेवावहारियं साहियं सविसेसं ।
"
अवि य
जं किंचि सुयं दिट्टं, पण्णा - मेहा-गुणेण तं सयलं । साहइ स - निम्मियं पिव, पालित्ता सुकय- संपुन्ना ॥
तओ सूरीहिं समुदायं सद्दिऊण भणियं - 'भो ! एस सो मए गुणपगरिसेणालित्तो त्ति पालित्तो नाम अज्जप्पभिई पइट्ठिओ, तुब्भेहिं सम्ममुवयरियव्वो ।' तेहिं वि तह त्ति पडिवण्णो । सूरीणा जोग्गो त्ति भावोवहाणरूवेणो