Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 94

८७
प्रबन्ध-चतुष्टय ...सेसेण य समं कमेण पत्तो पालित्तयसूरी गुज्जरत्ताए ओंकारनगरे। तम्मि य एगम्मि दिणे भिक्खांतंगणियाइ (?)-कज्ज-गएसुं सव्व-साहु-सावय-सावियाईणं च कह वि तव्वेलाए विरहेणेगागी पालित्तयसूरी बाल-सहावओ संजाय-रमणिच्छो कडिवट्ठीए गोवितुहहुवि (?)चिलिमिलिउं कय-चुंचुरुड्डी(?) वसहीए पच्चासण्णं रमंताण छोरुयाणं मज्झे गंतुं जाव कीलेइ, तावागया ठाणंतराओ मइ-मेहाइ-गुणपगरिसं सोऊण केइ सूरि वंदणत्थपमुव्व-सावया, पुच्छंति य डिंभरूवाणि जहा'कत्थ पालित्तयसूरि-वसही ?'
सूरिणा वीमे सावय त्ति कलिऊण साहिओ तेसिं भमाडयागमण-मग्गो । तेण य ते जावागच्छंति वसहि तावासण्ण-मग्गेणागओ सूरी लहुं संवहिऊणुवविट्ठो सट्ठाणे । तओ पत्ता ते सावया वंदिऊण [उ]वविट्ठा सूरि-पुरओ पुच्छिय-सुहविहाराइ-वत्ता य डिंभ-मज्झ-ट्ठिय-दिट्ठ-रूव-सारक्खिण-विम्हिया लक्खित्तु, भणिया सरिणा-'अहो सावया ! जहा जहा चेल्लुगत्तणं सक्किज्जए न कोट्ठए छुहिउं तहा परिणयवयाणं पि चंचलं चित्तं, ता कि निरंतराओ भे निव्वहइ ध (?) मणो ?' सावएहि वि सूरि वियड्ढ त्ति भाविएहिं भणियं - 'सयं भयवं ! तुम्ह पसाएणं ।' पज्जुवासिय च केच्चिरं पि सूरिं ते गया स-टाणं ।
__ पुणो इ कयाइ पालित्तयसूरी गड्डिभरं जंतं पेच्छिऊणुम्माहियं उरमिपवि (?) निविजणं ति गंतुं तहेव डिभेहिं सहारुहंतुत्तरंतो गड्डि-पिंघगेसु जा कीलइ ताव पुरिसेहि केहिं वि तप्पएसागएहिं पुच्छिओ जहा-'भो डिभगा ! [कत्थ] पालित्तयपंडिय-वसही ?' लक्खित्ता य केइ विउस त्ति सूरी ते तहेव विसज्जिआ, सयमागओ स-ट्ठाणे, ठिओ य कडासणेणं सरीरोवरि लुलाविय-जच्च-पडओ अलीय-निदाए । पत्ता य ते वाईणो वसहि-दुवार-देसे । तहावट्ठियं सूरिं दटूणोलक्खित्ता य धरिसणत्थं 'कुझूदुरु' (?'कुकूडुक्कु') त्ति सद्दविता पविसंति । कुकुड-सदं [सुणिऊण] सुरिणा वि तेसिं पडिधरिसणत्थं 'मेउं मेउं' ति कओ बिरालिया-सद्दो । तओ 'अहो दुद्धरिसो' त्ति कलिऊण पणया सूरि-पाएसु ते ठिया वियड्ड-गोट्ठीए । 'अलद्ध-मज्झाय सच्चा ते गुण-पसिद्धि' त्ति पुणो पुणो बहुं मण्णंति । तओ सूरिणा जोग्गा त्ति नाऊण पडिबोहिया ते सद्धम्म-देसणाए, पव्वइया केइ, केइ उण सावया जाया ।
एवं च सव्वंग-कुसलत्तणेण विक्खाय-कित्ती पालित्त-सूरी वंदिऊणुज्जयंत