Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 96

प्रबन्ध-चतुष्टय समणसीहा नामायरिया । सविणयं च पुच्छिया वुट्ठि-सरूवं । ते वि 'निरूविय साहिस्सामो -त्ति वोत्तुं गया स-ट्ठाणं । निमित्तण्णू य तेहिं समाहिट्ठो देविंदो नाम चिल्लओ। तेणावि केवलियाइ-निमित्ताओ निर्दृकिया पंचम-दिणे तइय-पहरे वुट्ठी, सा वि समत्था उत्तर-दिसाए ।
तओ भणियं सूरीहिं-'कहियव्वमिमं रण्णो परं विहडाविउं किंचि, अण्णहा सव्व-संबाहावज्जिओ राया जइणो पुणो पुणो पुच्छणेण पाडिही पलिमंथो ।'
तओ पुण राय-सद्दावणे पट्ठविओ सूरीहिं चेल्लओ। भणियं च तेण-'महाराय ! न मुणिज्जइ सम्मं तहावि एत्तो पंचम-दिणे तइय-पहरे होही वुट्ठी, परं सा समत्था दक्खिण-दिसाए ।' तओ स-ट्ठाणमागओ चेल्लओ।
जायाए तद्दिण-वुट्ठिए रण्णा सद्दाविउं भणिओ चेलओ जहा-'सपच्चए वि तुम्हं निमित्ते किं जाओ दिसा-विवज्जओ?' चेल्लओ भणइ-'महाराय ! पढमं चिय मए भणियं जहा न मुणिज्जइ सम्मं, तहावि तुम्हं निब्बंधो त्ति साहियं किं चि ।' सोउं चेमं मंदादरीहूया रायाइणो त्ति ।
तहा जत्थ निरूविज्जति विविहा विज्जामंताईया तं विज्जापाहुडं, त-कुसलो य पालित्तयसूरी, जहा अज्ज-खउडायरिय त्ति । अज्ज-खउडायरिय-कहा भण्णइ
- भरुयच्छे नयरे विज्जा-पाहुड-कुसला अज्ज-खउडा नामायरिया । ते य [विज्जासिद्धा], विज्जाभिहावो (?) जाओ जेसि विज्जा-निमित्त-जोगाइ-कुसलाणं नमोक्कारेणेव । अवरो पोत्थयाइमेत्तावधारी वि तस्स माणसिद्धी (?) होज्जा सिद्धा भाणिज्जो य अज्ज-खउडसूरीणं अत्थि बालो चेल्लओ । तेण य सूरि-परावत्तणे कण्णाहेडएणेवावहारियाओ काओ वि विज्जाओ। .
इओ य गुडसत्थ-नयरे को वि परिव्वायओ पंडियाभिमाणी साहूहि पराजिओ वाए । सो य अद्धिईए काल-गओ तम्मि चेव गुडसत्थपुरे वडुकओ नाम वाणमंतरो जाओ । उद्द(?द्ध)रिसियं चाणेण लो[या]णं जहाऽहं वरद्दो(?अवरद्धो) वडुकओ नाम देवो तुम्हमणुग्गहणत्थम स्थावतरिओ, ता पइट्ठावेह मं । लोएणावि महंतं कराविय देवहरयं जहुद्दिटुं पइट्ठाविओ चउहट्टए वरिउ(?धरिओ) देठचउ(?देवच्चओ) व्विण्णा(?दिण्णा) वित्ती, पुजिज्जए जणेण ।। . दिण्ण-विभा(?भं)गो य सो वडुकओ नायं(?उं) वाय-पराजयं कुविओ। साहूणं पारद्धा तेण जाण-वियप्पणा विविह-रोगेहिं साहु-पीडा [य] । अस्थि य