Prabandh Chatushtay

Author(s): Ramniklal M Shah
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 98

प्रबन्ध-चतुष्टय चिंतियाणि भत्तपाणाईणि भिक्खुडाणं ति गओ बुद्ध-विहारे तं पोत्थिय. गहाय चेल्लओ । बहुमण्णिओ भिक्खुडेहिं जाओ तेर्सि खुड्डगो । भणिया य तेणोपासगा जहा-'सयमेवागमिस्संति तुम्ह गिहेसु भिक्खुडय-पत्ताणि ।' सोउं चेममुवासगेहि सम्मज्जिओवलित्ते भराविय-चतुक्के य सुहे गिहप्पएसे विरइयाणि सव्व-पवरासणाणि, विसज्जियाणि य विज्जा-सामत्थओ चेल्लएण पिहियाणि भिक्खु-कप्पराणि । तओ पुरओ सुक्किल-वत्थोच्छइयं वच्चइ पहाण-कप्परं । चिटुंति य ताणि गयणेणागंतुणासणेसु तेसु भरियाणि य जहाजोग्गमुवासगेहिं मणुण्ण-कूर-दालियघय-पक्कण्ण-वंजणाईणं पुणाणिज्जंति चेल्लएणं विहारं । पेच्छंतो य निच्चमुद्धमुहो लोओ तमइसयमावज्जिओ बुद्ध-[दरिसणं].....।
[दटूण निय-]दरिसणोहावणं संघेण अज्ज-खउडाणयणत्थं पेसिओ गुडसत्थपुरे संघाडओ । पत्ते य तम्मि 'जामो' त्ति पुच्छिओ सूरिणा संघो भणइ -'उवसग्गेही पुणो तुम्हं गमणे वडुकओ।' सूरी वि ‘मा भाह' त्ति वोत्तुं गओ वडुकय-देवहरए । तम्मि य चिटुंति वसंते मज्जणय-कोलाकरणज्जमेग(?)-पाहाणमयाओ महामहंतीओ दो जल-दोणीओ । पलोइयं च ताहि सह सपरिवारं वडुकयं सूरी-'भो ! भो ! गच्छिस्समहं भरुयच्छे ति जंपंतो जाव चलिओ ताव वडुकयस्स अण्णेसिं वच्च (?च वं)तराणं पडिमाओ, ताओ य जल-दोणीओ खडहडाहट्टेणुप्फेडतीओ जंति पिट्ठओ । तम्मोयणत्थं विण्णत्तो लोएण सूरी भणइ-'गमिस्संति मह समं ।' सोउं चेमं खरयरं [पाय-लग्गे सव्व-लोए तस्समक्खं सरिणा जिणसासणोवद्दवे करावित्ता वाया-बंधं वालियाओ वंतर-पडिमाओ, जलदोणीओ पुणाणेउं गुडसत्थपुरस्सारओ भणियं सूरिणा-'जो मम सरिसो होही सो नेही इमाओ सट्ठाणे।' चिटुंति य तहेवऽज्ज वि ताओ।
सूरी वि पत्तो भरुयच्छे । सम्मं विण्णाय-वुत्तो विज्जा-चक्कवट्टि त्ति निजोजेइ विज्जाहिवइ देवयं, तीए वि सहसा आणेउं समप्पिया सा सूरिस्स पोत्थिया । गगण-गच्छंत-भरिय-भिक्खपत्ताणं च पुरओ सूरिणा विउव्विया महंती सिला । तीए य सममभिट्ठिउं फुट्टाणि सव्व-भिक्खु-कप्पराणि, विक्खिरियं भोयणजायं । तं च नाउं भीओ वि संभालेइ पोत्थियं, न य सा दीसइ त्ति नट्ठो चेल्लओ । निग्गओ तं गणियाए सूरी गओ बुद्ध-विहारग्गेणं भणिओ तच्चणिएहिं'एहि, बुद्धस्स पाएसुं पडसु ।' सूरीहि भणियं-'एहि पुत्ता ! सुद्धोदण-सुया ! वंदसु